حد يا جامعه جرب كارا فان اللي في مدينه الرحاب أو الجوهري بتاع التجمع الخامس يقولان رأيو فيهم إيه ؟
حد يا جامعه جرب كارا فان اللي في مدينه الرحاب أو الجوهري بتاع التجمع الخامس يقولان رأيو فيهم إيه ؟
يا باشا السنتر لوك اللي راكب في عربيتك مش داخلي (أصلي) اللي راكب في عربيتك خارجي (صيني) مش بتاعها اصلا والمشكلة دي قابلتني واكتشفتها بالصدفة البحتة لما مكانش عندي وقت اروح التوكيل واكتشفت الموضوع دة ولقيت تقفيل سيء جدا في الابواب كلها... شركة نصابة (غبووووووووووووووووووور)
تصدق أنا كنت داخل أعمل تقييم لمركز كارفان - الرحاب لاقيتك بتسأل عليه
كارفان - الرحاب :
أنا بأتعامل معاه من ساعة ماجبت الالنترا md و عملت معاه 3 صيانات دورية لحد دلوقتي :
- صيانة ال 20,000 كم
- صيانة ال 30,000 كم
- صيانة ال 50,000 كم (من يومين)
طبعا صيانة ال 40,000 كم كانت في توكيل هيونداي - العبور نظرا لوجود عيب في العربية استدعي تغيير بعض القطع في الضمان
و هنا التقييم لمركز كارفان هايكون مصحوب بمقارنة بالتوكيل
(1).. المواعيد :
- مواعيد الحجز دقيقة في كارفان و بيستلموا منك العربية في الموعد اللي انت حاجز فيه
يعني ميعادي كان الساعة 10:00 الصبح و فعلا أنا دخلت الساعة 9:45 و تم استلام العربية و دخولها الورشة الساعة 9:57 زي ما مكتوب في امر الشغل
- وقت الصيانة مظبوط
العربية دخلت الساعة 10:00 زي ماهو مقرر و خرجت 10:37 و لكن دي كانت صيانة خفيفة يعني (تغيير زيت و فلتر زيت - كشف علي التيل و الطنابير - تربيط عفشة - كشف عام علي العربية - و كمان تجربة العربية بواسطة احد مهندسي المركز - غسيل الموتور - تنظيف فلتر التكييف)
من حيث المواعيد : كارفان - الرحاب زي التوكيل و يمكن أحسن كمان
تقديري له : 10 / 10
(2).. النظافة :
- بعد أستلام العربية بيتم وضع غطاء علي الكرسي و المقود و عصاية الفتيس
- العربية زي مادخلت (نظيفة) خرجت (نظيفة) مافيش بقع و لا شحوم
تقييمي مقارنة بالتوكيل : 9 / 10
(3).. الكفائة و المعاملة:
- المهندس بيستلم منك العربية و بيسمع لك كويس جدا و بيشرح لك أيه اللي هايتعمل في العربية و ليه
- اثناء الشغل في العربية بيتم أستدعائك لو فيه مشكلة أو عيب لأبداء الرأي و المشورة و موافقتك علي الاجراء المفترض اتباعه من قبل المركز
- المهندسين و العاملين بيشتغلوا بتركيز و بهدوء شديد و كل واحد عارف هو بيعمل ايه و دوره ايه
تقييمي مقارنة بالتوكيل : 9 / 10
(4).. قطع الغيار :
المركز معتمد من توكيل هيونداي - غبور لذا فهو يستخدم قطع الغيار الاصلية و خاضع للمراقبة و التفتيش من التوكيل
بصراحة لم أجد أي مشاكل أو عقبات في تعاملي مع مركز كارفان - الرحاب و تقييمي العام له :
9 / 10 أي ممتاز
انا كنت بتعامل مع غبور اسكندرية اللى فى سموحة
فى رأيى 10 / 10
محترفين
ما فيش مراكز صيانة هيونداي في منطقة حلوان أو المعادي أو المقطم لأن كل المناطق دي بعيدة قوي وانا على طول في الشغل
جزاكم الله خيراً
تقييمى لمركز الخدمة - الهندسية - اسكندرية
طبعا مكنتش حاجز معاد وقبل ما اروح كلمتهم قالولي طالما ف نفس اليوم ممكن تيجى من غير حجز
اولا بعد عذاب ولف الحمد لله وصلتله بعد مصنع كراش ع الصحراوى وده طبعا مصنع مشهور جدا
اول ما شفت المركز قلت ربنا يستر المكان مش اد كدا من برا وانا ع الطريق شفت بالصدفه توكيل كيا او مركز خدمة تقريبا عجبنى جدا قلت اكيد هيونداي هيكون ف نفس الشكل ولكن للاسف مكنش اد كدا كانك داخل مكان مهجور
دخلت لموظف الاستقبال واستلم العربية قلتله مش هتعرف ايه اللى فيها ؟! جاب ورقة صغيرة كدا مش زي اللى متعود عليه بيتكتب ف فاتورة او ورق معين خاص بغبور المهم بلغته المشاكل والدنيا واستلم العربية دخلت الاستراحه المكان اى كلام نهائى كافتريا اى كلام كراسي عادية هستلم العربية امتى يا كوتش ؟ .. بعد ساعتين
واستحملت الساعتين بالعافية وفعلا بعد الساعتين ما عدوا جات موظفة الاستقبال وقالتلي الحساب طيب فيه اللى هراجع معاه بريك ع 2 ونص هيكون موجود ورحت حاسبت وكان التكلفة كالتالي
498 جنيه
صيانة 10 الاف - زيت شل 10 الاف 3 ونص لتر - فلتر زيت - اسبراي للموتور
فلتر 30 ج
اسبراي 35 ج الماتور اصلا مش شكله اتغسل
238 ج
اجمالي مصنعيات 150 ج
ضريبة مبيعات 45 ج
حاسبت واستنيت الباشا وجه وقالي نص ساعة بس العربية تنزل ومعرفش ايه المهم شوية وندالي ورحت معاه دخلت الورشة كنت فاكر هيقولي كله تمام وسلام ولكن لقيته اهتم فعلا بالمشاكل اللى قلتهاله واتكلمت معاه شوية ولقيت غسيل العربية متكروت شوية ومن جوا الدواسات بس اتغسلت انما التراب وكل حاجه موجود
فقلت مش مهم عشان كنت مطبق كله تمام تمام
بس ملقتش زي غبور العبور الكراسي متكيسة بكيس غبور الازرق ده والدكسيون وحاجه نضيفه وريحة العربية تمام لالا مفيش نهائى
المهم خدت العربية وجربتها والحمد لله الدنيا تمام وطيران ع البيت :)
تقييمى للمركز 6/10 بصراحه كنت متوقع مستوي افضل من كدا بكتير جدا !