عرض للطباعة
السلام عليكم اعضاء منتدي هيونداي الكرام
انا كنت عايز تقيم كامل و شامل للسيارة النيو اكسنت من ناحية التقفيل و الموتور و السحب و الثبات و الصالون و العفشة ..... الخ
ارجو من الاخوة ملاك السيارة و من له خبرة بهذه السيارة افادتنا بهذه المعلومات لتعم الفائده و شكراً لكم
ايه يا جماعة معقول كل الناس الي في رابطة هيونداي و الاعضاء الكرام الي معاهم العربية و مفيش لحد دلوقتي رد علي الموضوع بتاعي
كان فيه احد الزملاء سألني عن انطباعي عن العربية .. و ارسلت له انطباعات سريعة عن العربية .. اقتبس منها هذه الفقرات .. لحد ما اعمل تقييم شامل ان شاء الله ..
اقتباس:
حقولك علي الاكسنت باختصار ...
الحمد لله رب العالمين ان وفقني لهذا الاختيار .. العربية زي الفل .. و الحمد لله داخل علي ال 3000 دلوقتي ...
العربية توقعت منها حاجات .. ملقيتهاش ... و توقعت اني ملقيش فيها حاجات .. لقيتها و انبهرت بها ..
اول ما يلفت الانتباه للعربية دي انها عربية ( أداء ) علي حساب الرفاهية الزائدة... و الكلام ده يحس بيه واحد بيسوق ..
محرك نشيط جدا جدا.. رغم انها اوتوماتيك .. و بقولها بثقة .. العربية دي لو مانيوال .. و لو السايق مش ظابط نفسه كويس .. العربية دي حتوديه في داهية ..
اداء المحرك بيقل بشكل ملحوظ مع التكييف ..
التكييف لوحده حكاية .. ما شاء الله .. تكييف تحفة .. تحفة .. بالليل .. لا يزيد عن 1 .. و بخلي العلامة الزرقا في النصف .. و بالنهار ممكن ازوده لتلاتة لمدة خمس دقائق فقط .. و بعدين ارجع بسرعة لاتنين
* استهلاك البنزين افضل من بقية السيارات 1600 و لكن الفرق مش كبير ..
* وضعية القيادة في السيارة جيدة جدا .. مش عالية زي الياريس و السيريون .. و مش واطية زي الصني و اللانسر ال99مثلا .. تحس انها قريبة جدا من اللانسر ..
*ثبات العربية هاااايل بالنسبة لحجم العربية ووزنها .. في الطبيعي مش باسوق بسرعة .. لكن لازم اجرب .. و صلت بيها لحد 130 و الثبات كويس جدا .. و معني كويس .. اني لسه عندي قدرة علي التحكم في العربية ( لاممها )
* عفشة العربية .. اسوأ ما فيها .... فيه ناتس ركبت معايا و لقيتها عادية .. لكن اخوكم عنده حساسية شوية .. العفشة جيدة جدا في الطوالي و السفر و الطرق المفتوحة .. و ماسكة العربية كويس .. و محافظة علي اتزانها ..
في الطرق غير المسفلتة .. حتتعذبوا عذاب محترم .. و لا انصح اصحاب امراض الظهر و الانزلاق الغضروفي و الحوامل و اللي لسه واكلين اكل مسبك بركوب العربية دي في طرق مكسرة ..
*الصالون .. مناسب جدا من الامام .. ضيق شوية من الخلف ..
*خامات الصالون .. مصنع بلاستيك .. قعدت ادور علي حتة جلد و اللا قماش و اللا خشب في الصالون ( بخلاف فرش الكراسي ) مش لاقي .. الخامات البلاستيك ليست رديئة .. و لكنها عرضة للخدوش ..
* تقفيل السيارة بشكل عام .. جيد جدا جدا .. العربية كوري بالكامل . عدا السنتر و الكاسيت .. راكبين بايدي مصرية تستحق القطع ..
* الشنطة واسعة بالنسبة لحجم العربية .... كعادة العربيات الحديثة كالياريس و السيتي .. تعطيك من الخارج انطباع بضيق حجم الشنطة .. و لما تفتحها تلاقي العكس تماما
* الكاسيت .. سي دي ام بي 3 .. و فيه وصلة يو اس بي بركب عليها الفلاشة مباشرة .. و ده اللي انا بعمله ..
* صوت المحرك .. مش هادي كاخواتها اليابانيات .. و لكنه مش بيجعر الا عند الوصول لار بي ام 2500 .او 2800 .. و يبدأ الجعورة .. برضه مش جعورة لكل الناس .. و لكن صوته عالي شوية بالنسبة لي ..
* العزل .. مش كويس اوي .. يكاد يوازي عزل اللانسر او اقل قليلا .. الياريس افضل منه ...
....
يمكن مش كل حاجة واضحة في ذهني دلوقتي .. بس دي شوية حاجات علي السريع اتمني انها تكون وضحت الصورة عن العربية ..
اشكرك استاذ حسن و في انتظار التقيم المفصل ان شاء الله
ده راى فى العربيه كنت كاتبه هنا فى القسم اتمنى انه يفيدك
اقتباس:
المشاركة الأصلية كتبت بواسطة limo
اقتباس:
المشاركة الأصلية كتبت بواسطة limo
تقيم شامل الي حد كبير و به كثير من الدقة و شكراً ليك
اود فقط ان اضيف ان عربيات 2008 الباور بتاعها مابقاش كهربا..باور زيت عادي .. لكن اداؤه جيد جدا في الزحمة و علي الطوالي
اقتباس:
المشاركة الأصلية كتبت بواسطة Hassan Khalil
ده البور بتاعها ناعم جدا جدا
انا لما ركبتها حسيت انه فى نعومه البور الكهرباء مش البور العادى لان الباور العادى مهما كان ناعم عمره ما يوصل لنعومه الباور الكهرباء
وركبت اللنترا برضو كان نفس الباور هوه هوه ألى فى النيو اكسنت
الباور فعلا ناعم ..و اداؤه ظريف جدا .. بس الباور الكهرباء القديم قيل عنه انه كان فيه مشاكل فنية .. و علشان كده غيروه في 2008 .. انا خدت بالي من الموضوع ده و انا باستلم .. لما لقيت علبة زيت الباور ...
----
انا ركبت النيو اكسنت 2006 .. و ساعتها ماكنتش لسه انتشرت .. و كان الباور بتاعها كهربا .. و كنت رايح جاي من طنطا.. يمكن انا مكنتش متعود علي نعومته الزائدة .. بس عايز اقوللك انه تعبني جدا جدا مع بعض التعرجات في الطريق الزراعي .. و كذا مرة كنت باحس انه حيفلت مني ..
-----
كذلك فان عربيات 2008 تزيد عن 2007 بكاسيت سي دي ام بي 3 .. و USB
الف مبروك ربنا يديك خيرها و يكفيك شرها
انا لسه شاري النيو أكسنت العربيه ممتازه بالنسبه للسعر
بس في شوية حجات كده ناقصه او بمعنى عمو غبور شايف لن ليس لها اهميه
زراير النوافذ مش منوره بليل عدا زرار السائق فقط قصدي مش بتنور مع نور التابلو
اه في حاجه مهمه احب الفت نظرك ليها
جهاز الأنذار و انا في المعرض بشتري جيه الراجل دور العربيه و شغل التكييف و بيفتح الكابوت عشان يفرجني قمت قافل الباب عشان التكييف شغال
قامت هوب مامنه و قفلت 4 ابواب و دور بقى على حد يفتحها
و المفتاحين ف الكونتاكت
ف بقوله ازاي تقفل و هي دايره مستحيل قالي كله كده حت النترا كده
المهم عملو اراجوزات عشان يفتحوها
الأنذار متركب غلط غلط
المفروض تقفل مع اول دوسة فرامل عماتها عند نور ف ش دمشق
انا تحت امرك ف اي استفسار
يا ريت حد يعمل تقييم شامل و يذكر ده بعد كام كم
و خصوصاً قطع الغيار علشان سمعت انها ناااار
الف شكر للاعضاء بس ممكن بصراحه كدة تقوقولى اجيب انه احسن النيو اكسنت 2008 ولا الافيو 2009 انا بتكلم على الفول اوبشن مانيوال
فين الردود يا جماعه
الاكسنت افضل بس تتجنط جنط 15 هتبقى باشا
انا كنت عامل تقييم عنها هتلاقي في القسم ده
قطع الغيااااار نااااااااااااااااااار
انا لسه سال على البليه الي ورابالسره في غبور ب 1400 جنييه ومش موجوده برا
وانا جبتها من دبي بحوالي 300 جنيه فقط يعني 150 درهم تقريبا
مصيبه العربيه قطع غيارها
شكراً الي كل الاراء المحترمة من الاعضاء الكرام .... و رمضان كريم
بصراحة عربية ممتازة والله جدا وابتدت تنتشر فى السوق حاليا
النهاردة واحد صاحبي كان بيقوللي ان برضة النيو اكسنت هتكون احسن لك مش عارف برضة ممكن تدخل في المنافسة وتحل مكان الافيو؟
بيقولو الثبات مش حلو ووزن خفيف انا بحاول اتأكد من مالكى العربية لأن مفيش معلومات مؤكدة وانا شاكلى كدة هبعد عنها
طب ياريت تقولى عملت فيها اية بالظبظ واتكلفت كام عشان انا انشاء االه حستلم اريباقتباس:
المشاركة الأصلية كتبت بواسطة Bubbles
كملو تقييم لان ف ناس كتير بتأيدها
وقطع الغيار
فى البداية احب اقوول ان العربية ابتدأت تنتشر ودة نتيجة الاقبال عليها وانا عن نفسى بشفها كتير لانها فعلا عربية كويسة بالنسبة لمقارنتها بفئاتها وانا اقيمها تقيم شامل بنسبة 96% ال 4% اللى باقيين السبب فيهم (الكاسيت والسنترلوك) عشان هما تأفيل محلى.
وعشان تصدق ان المصريين دول تأفيلهم اى كلام (افتح باب السائق هتشوف عند مفصلة الباب اللى تحت كام سلك كدة بينين جايين من الباب وخرجين من تحت الجلدة اللى كوريا عملاها وريحين جوة العربية)وطبعا المنظر دة معجبنيش بس انا خد بالى منة عشان انا فليت العربية بس عادى هنعمل اية يعنى دى الحاجة اللى كنت عوزكم تعرافوها .
1-الموتور: DOHC - 4-cylinder CVVT (Continuously Variable Valve Timing) -Injection-1600 CC - 112 HP
بالنسبة لل cvvt هى تقنية جاءت فى الجيل الثالث من مواتير شركة هيونداى ومعناها (استمرارية التوقيت المتغير للصبابات) وهذة التقنية تساعد على التقليل من معدل استهلاك الوقود وتساعد ايضاً على زيادة سرعة ال Acceleration (التسارع) فى السيارة ولذلك نجد ان كفاءة الموتور تزداد من خلال هذة التقنية.
ويبدأ الموتور باستخدام ال112HP كاملة عند الوصول الى 4200 RPM
فتيس السيارة سالس وناعم هو ب
س محتاج معاملة مظبوطة يعنى متنتش الغيار بسرعة - ريح الفتيس فى حراتة المظبوطة بسالاسة وهو يبقى هوى معاك عشان انا سمعت ناس بتقول انه تقيل..... ابداً الموضوع عكس كدة تماماً
السيارة ذات اداء رياضى قوى يحقق التسارع من 0 الى 100 km فى خلال 10.2 ثانية.
2-العفشة والشاسية: بمأن السيارة ذات طابع رياضى فلابد من احتياجها الى تعليق رياضى وعفشة رياضية ثقيلة وشاسية قوى يتحملا اداء السيارة ، وبالطبيعى العفشة لازم تكون نشفة لكى تقوم بالعمل المريح للسيارة وعلى فكرة النوع دة من العفشة بيعيش اكتر من اى عفشة تانية.
3- السيارة بصفة عامة من الخارج: السيارة عالية شوية بس عادى ودة مهم فى مصر طبعا عشان المطبات الحلوة بتعتنا - شكل السيارة من الخارج جميل وجديد ومقدمة السيارة ملمومة حيث تأخذ انطباع السحر والجمال والاناقة ومؤخرتها توحى بالهدوء ، ويأخذ صندوق الامتعة (الشنطة) حيز صغير من هيكل السيارة الخارجى مما يعطيها ثبات اكثر على الطريق.
4-السيارة بصفة عامة من الداخل: تأخذ (عجلة القيادة) فى سيارة النيو اكسنت الانطباع الانيق المائل الى الطابع الرياضى سالسة فى التعامل من خلال الية المؤازرة (power steering) وقابلية الاماله ، وتبلوه السيارة كبير يوحى بفخامة السيارة عن باقى منافسيها فى فئتها وهو ذات وجهين او نصفين يأخذ النصف الاعلى اللون الغمق اما النصف الاسفل فيأخذ اللون الفاتح وعلى حسب لون السيارة يتم تحديد لون التبلوة فا الالوان الفاتحة فى النيو اكسنت ياخذ التبلوة اللونين الرمادى الغامق والرمادى الفاتح ، اما الالوان الغامقة فيأخذ التبلوة فيها اللونين البنى الغامق القاتن واللون البيج الفاتح الجميل ومن خلال اللون الاسفل للتابلوه يتم تحديد الابوب والصالون والسقف على نفس اللون ، السيارة مريحة من الداخل لجميع الركاب الامام والخلف ، تكيف السيارة قوى زو كفاءة عالية وجودة عالية جدا يرجع هذا الى قوة موتور السيارة ، الكاسيت يدعم مشغلات mp3 وهو CD ويوجد بة خاصية ال usb ومن خلال هذة الخصية يمكن تشغيل ملفات mp3 بواسطة فلاشة (flash memory) من خلال وصلة يتم استلامها عند استلام السيارة ولاتنسوا هذه الوصلة لانها نزلة للكاسيت مخصوص ومش حتلاقوها فى اى حتة ولا فى اى مكان ومن غيرها مش حتقدر تشغل الفلاش ميمورى على الكاسيت ، النور الداخلى للسيارة واضح وقوى فيوجد 1 لمبة فى الصالون و2 لمبة قراءة فى الامام وعندما يتم ضبط خاصية door فى الانوار عندما يقف باب السيارة يتم خفض الانوار تدريجياً على طريقة النظام الاوروبى للسيارت.
اوبشن السيارة:
1- مسند ذراع امامى
2- غلق الابواب مركزيا
3- حامل اكواب
4- غطاء محرك
5- مصباح علوى وخلفى للتوقف
6- تكيف هواء يدوى
7- لبة قراءة
8- عجلة قيادة الية المؤازرة (power steering)
9- زجاج كهربائى
10- رايو cd mp3 & usb
11- ريموت كنترول
12- حافظة نظارة شمسية
13- عجلة قيادة قابلة للامالة
14- مقاس الاطارات 185/65R 14
15- فتح الشنطة من الداخل
16- 4 سماعات
خزان الوقود: 45 لتر
معدل استهلاك الوقود بالتكيف على طريق سفر 7 لتر فى ال 100 km
اما بدون استهلاك التكيف وعلى طريق سفر ايضاً 6 لتر فى ال 100 km
وزن المركبة فارغة 1058/1080 كج
وشكراً.........وارجو قد اكون افتكم.........
ياترى اخبار الثبات ايه على السرعات العالييه يعنى بعد 120 وانت طالع وشكرا