الموضوع: مساعدين امامي لالنترا 2005

انهارده السبت ويوم أجازه عندى قلت اعمل حاجه في العربيه
لان انا متعود كل سبت او جمعه اعمل حاجه في العربيه
يعني مثلا الجمعه اللي عدت ليقت اللمبه اللي عند عصاية الفتيس الاوتو محروقه قلت اغيرها
وفعلا فكيت الكنسوله وغيرتها والحمد لله وفرحت جدا طبعا ان عملتها بنفسي بس اعذروني نسيت اصور لكم الموضوع
المهم
انهارده قلت اعكس الاربع فرد بتوع الكاوتش لان ليهم اكثر من 15 الف كيلو
وانا قاعد مع نفسي وبجواري ابنى عبد الله بيلعب بالاسكوتر وعبد الرحمن بيلعب بعربيته في الشارع وشارعنا هدوء وما يصدقوا العيال ينزلوا يلعبوا
رحت فكيت الاربع فرد كاوتش وبدلتهم عكس بعض على شكل حرف X
وبالصدفه بقه وأصل الموضوع هنا ........
اولا :- لقيت المساعدين الاماميه عليها اثار زيت مكان الجلبه اللي بيخرج منها البستم بتاع المساعد فأنا من فتره مقلق منهم وقلت عاوز اغيرهم
فأنتم ايه رأيكم اجيبهم من التوكيل افضل وياريت السعر هايكون كام للي يعرف
ولا ادور على ماركه معينه تكون محترمه افضل من التوكيل مثلا الماني او ياباني تركب على العربيه وياريت السعر
مع العلم ان العربيه النترا 2005 اوتو والمساعدين اللي فيها بتوع الفابريكه والعربيه عامله 115 الف كيلو
واغير معاهم السوست ولا هما عادي يكملوا معايا


ثانيا : ليقت قاعدة الموتور اللي تحت وماسكه في الفتيس الاوتو على آخرها والكاوتشه الداخليه متآكله
قلت اغيرها كمان بالمره
فأجيبها هيا كمان من التوكيل ولا في حاجه افضل بره التوكيل مثلا الماني او ياباني تركب على العربيه
واغيرها هيا بس ولا اغير بالمره كل قواعد الموتور
ولكم جزيل الشكر ،،،

المشاركة الأصلية كتبت بواسطة khaabas

المنرو احسن سيبك من kyb

طيب انا بسمع انه في نوع زيت وفي نوع زيت وغاز ايهم افضل وهل اشتريهم من اي موزع لهونداي تبع التوكيل ولا اشتريهم من بره التوكيل واعرف ازاي ان كان اصلى ولا مضروب