المشاركة الأصلية كتبت بواسطة mohab.nabil
و الله يا باشا دا اللى احنا بنسميه الفتى او اى كلام
واحد تلاقيه عمره ما ركب ستروين و اى حد يسأله يقوله يا عم ديه قطع غيارها اسعارها مولعة و معقدة .. طيب يا عم ركبت الستروين او شفت قطع غيارها بكام ؟ اكيد لأ لأن الكلام كله غلط .. اهى ديه اسعار توكيل يعنى ممكن تتعمل برة ارخص من كده كمان سواء قطع الغيار فى الحرفيين او صقر قريش استيراد او التوفيقية جديد و اصلى و فيه ناس شغالة فيها و فاهمين جدا ماشاء الله برة التوكيل زى بشمهندس ايهاب جلال .. انا بصراحة معرفش سعر علبة الدركسيون كام بس انا متأكد ان سعرها هييبقى فى نفس مستوى اسعار الفئة بتاعتها ( سيراتو - الالنترا .. ) المشكلة ان العربيات ديه سعرها مستعمل واقع فتلاقى واحد بدل ما يشترى لانوس مثلا او فيرنا يجيب السى فور و عايز يصرف عليها زى ما كان هيصرف على الفيرنا مثلا هنا تحصل المشكلة لأنه هيبدأ يعك فى العربية و العربيات ديه طول ما انت محافظ عليها تحافظ عليك .. هتعك معاها هتكرهك فى العربيات كلها و هتطلع من مشكلة تخرج لمشكلة و عمرها ما هترجع لحالتها الاصلية ..