http://nileup.com/up/uploads/nilemotors_13599834464.jpg
عرض للطباعة
المشكلة فى الاول بس ولو العربية متحركة وحبيت اديها الاول بييجى بالعافية وممكن يعض وتسمع صوت كككككك
وصوت ونة مستمر طول مهى على الغيار الاول
الغيار الاول بيجى بالعافية يبقى زيت فتيس ناقص ومحتاج يتزود ويفضل تغييره فى حالة لو مفيش عندك تسريب من الاويل سيل ويفضل زيت شل درجة لزوجة 90 75w
والجركن تقريبا لونه احمر والزيت بيتحط منه 2.6 لتر يعنى تقريبا هتجيب 3 جراكن الواحد كان ب 20 جنيه مش عارف دلوقتى بقى بكام
مكانو فين الاويل سيل وهل تغييرة صعب يعنىالميكانيكى هيفك حاجات كتير
الاويل سيل مكانه من ناحية العجلة الشمال وعلشان يتغير لو فى حالة انه بيسرب زيت يبقى لازم هيفك الكوبلن الداخلى ويحل العجلة ويفضى زيت الفتيس بس انت اتاكد الاول ان مفيش تسريب زيت وكمان بعد ما تتاكد ان مفيش تسريب تبص على زيت الفتيس وتفك المسمار اللى جنب واير السرعة وهو مسمار 9 وتشوف فى زيت ولا لا لان ممكن يكون معندكش تسريب زيت لان مفيش زيت فتيس اساسا
لا الاويل سيل يتغير فى أقل من ساعة بيفك الكوبلن فى عشر دقايق ويغير الاويل سيل
وبالمرة خليه يبص على كاوتشة الكوبلن لو مقطوعة تتغير بالمرة
وحط زيت فتيس شل الاحمر لزوجة 90
الجركن واحد لتر بــــ 25 جنية
الفتيس هياخد 3 جراكن بالظبط
لسة مغير الزيت من اسبوع
تحياتي
اعتقد ان فى تسريب لان فى شحم خفيف جداا بلاقية نحية الكوبلن الداخلى ومنتور على الفتيس مع ان الكاوتشة سليمة الى ناحية الفتيس الى هى قدام السواق
والله انا لما جيت غيرته وقعت فى النوع المضروب وبعدها باسبوع اشتريت الاصلى وكان ب 20 جنيه من حوالى 10 شهور معرفش دلوقتى بكام الفرق مابينهم فى المقاس المضروب مش بيبقى مقاسه مظبوط ولما بيركب لازم هتلاقى تسييل زيت منه انما الاصلى ركب شحط والحمد لله من ساعتها مفيش نقطة زيت