مهم جدا للاوبترا ارجو الدخول

**almosecar** · 25-05-2013 11:02 PM

السلام عليكم
الموضوع مهم جدا للى عنده خلفيه عليه باختصار عندى عربيه اوبترا موديل 2009 العربيه فجاه سخنت جدا وامبير الحراره بقى فل على الاخر وكويس انى شفته فلقيت العربيه فضت كل الميه اللى بيها بسبب الغليان لان المروحه اتوقفت عن العمل المهم عالجت الامر وبقت تمام وبعد فتره كبيره اتكرر نفس الموقف بسبب تسريب من الراديتر وبرده الامبير وصل للاخر وانتبهت عليه على اخر لحظه وحاليا العربيه بعملها عمره بسبب السخونيه ابتدت تاكل زيت وطلع صوت رزعه بلمحرك يعنى فورت الماتور اليوم ففكرت بشىء ممكن يكون مهم جدا وهو هل من الممكن تركيب حساس اخر للحراره بحيث لما تطلع عن النص تدى جرس او لمبه تبين ارتفاع الحراره عن المعتاد لان بصراحه مش معقول الواحد يدنه يبص على العدادا طول ما هو ماشى وبلفعل ده اللى بيحصل بس ممكن فلا لحظه يحصل اللى حصل والعربيه تجيب وش سلندر يا ريت يا جماعه تهتموا بلموضوع لانه مهم جدا ويخدم معظم الاعضاء لانى سالت كتير كهربائيا وطلعوا ميعرفوش حاجه اسمها تعديل على امبير الحراره واسف على الاطاله وارجو من اصحاب الخبره الاهتمام بلموضوع لانى بعملر الماتور الان وعاوز بعد ما تخلص العمره اتجه للموضوع ده علشان ميحصلش اللى حصل وهبقا اقولكم ما تم فى العمره بعد ما تخلص ولكم جزيل الشكر

**abou-yahia** · 26-05-2013 09:14 AM

العربيه مش بتسخن لوحدها

اكيد فيه اسباب

الطبيعي ان مؤشر الحراره هوه الوحيد اللي يعتمد عليه

لو العربيه مضبوطه متقلقش انك كل شويه تبص علي الحراره

عموما الفكره ممكن تتطبق

عايزه كهربائي شاطر

وبلتوفيق

**midolada** · 26-05-2013 08:40 PM

انا معايتا اوبترا 2008 اتوماتيك عملت معايا الحركة دى بس علشان التيرموستات اللى فى الكوع ضرب ودة بيحصل فى كل السيارات الاوبترا و النوبيرا-----اكشف الاول على التيرموستات----هو يعمل حوالة 250 جنية

**abou-yahia** · 26-05-2013 08:54 PM

المشاركة الأصلية كتبت بواسطة midolada

انا معايتا اوبترا 2008 اتوماتيك عملت معايا الحركة دى بس علشان التيرموستات اللى فى الكوع ضرب ودة بيحصل فى كل السيارات الاوبترا و النوبيرا-----اكشف الاول على التيرموستات----هو يعمل حوالة 250 جنية

بيتغير بواحد المونيوم عمره بيكون اطول من العادي

وياريت بلمره نشيك علي خرطوم الداخل والخارج بتاع الردياتير

لو منفخ يتغير

**abou-yahia** · 26-05-2013 09:08 PM

المشاركة الأصلية كتبت بواسطة almosecar

يا جماعه المشكله مش فى الترموستات انا بتكلم فى المشكله بصوره عامه يعنى الفكره دى ممكن تتنفذ وﻻﻻ هى ممكن تكون صعبه شويه بس صدقونى هتحل ازمه كبيره مش هتخليك تتقيد وتبص تانى على امبير الحراره يا ريت حد يساعدنا

حضرتك انا بعمم الفايده

يعني بحاول نتعلم من الدروس المستفاده لمشكله حضرتك

اقتراح حضرتك ده مش مشكله في الاوبترا

ده اقتراح ممكن يغيد ناس مش متعوده تتابع الحراره

امال لو كان المؤشر لمبه فقط بتنور في حاله مشكله

ذي اغلب العربيات الكوري

**angel83** · 26-05-2013 10:43 PM

جزاك الله كل خير وجعله في ميزان حسناتك وربنا يسترها معانا اجمعين ويصلح حال امة المسلمين

**ahmedhilmy** · 27-05-2013 02:18 AM

متابع و ان كنت شايف ان الفكره مش صعب تنفيذها بس في ذات الوقت احنا نحمد ربنا كون عندنا مؤشر حراره من اساسه بيخليك مطمن علي العربيه و انت ماشي بيها خلاف بعض موديلت الهيونداي علي سبيل المثال اللي مش فيها الا لمبه بيان للحرار مش بتنور الا لما العربيه تسخن دي اصحبها يتصرفوا معاها ازاي .
مشكله الحراره في الاوبترا مش بتحصل الا لو كان في مشكله اساسا في دوره التبريد اللي لازم يتعملها متابعه بصفه دوريه خاصه في الاوبترا اللي تعتبر السخونه احد مشاكلها