دلوقتى يا جماعة انا رحت المرور اول امبارح عشان ارخص عربيتى
وقع حظى فى نمر زى الزفت ( ر م م )
انا عايزة اغيرها ، ينفع اعمل بدل فاقد و لا ايه العمل دلوقتى ؟؟؟:toothgrin:
عرض للطباعة
دلوقتى يا جماعة انا رحت المرور اول امبارح عشان ارخص عربيتى
وقع حظى فى نمر زى الزفت ( ر م م )
انا عايزة اغيرها ، ينفع اعمل بدل فاقد و لا ايه العمل دلوقتى ؟؟؟:toothgrin:
مش عارف اقولك ايه قلبى معاك مرور غير منظم بالمرة
متحطيش في بالك فيه أوحش من كده بكتير.
أسف معلش ياباشا علشان تغير الرقم هاتتطر تروح تعمل مذكرة فقد و بعد كدا إجرءات صرف لوحة بديله و لفه طويله وبعد كدا اللوح الجدبده بس ماتزعلش مني اسف تخيل بعد دا كله جتلك حاجه أنيل هاتعمل ايه ماتزعلش مني بس وارد.معلش قلبي معاك
والله أنا شايف همر إتش 3 عليها د ه ل و 3 ارقام و نسيان صني عليها ع ر ه و عربيه تالته عليه ن د ل دا إيه الحظ المنيل دا.طيب أسف مع الأعتذار ﻷدارة المنتدي أنا كنت سمعت من أصحابي إن الهرم و فيصل كانت حرفين و أسف كانوا ------------
يرجى مراعاة اداب الحوار .
3 ب
6:12 pm
2013/5/27
ربنا يستر انا هرخص كمان شهر
انا لسه شايف تريوس عليها ه ل ع ههههههههههه بس حلو طبعا احسن من ر م م
ربنا يكون في عونك خصوصا لو ليك اصحاب اندال
حط استيكر قبل الحروف جنب النمره يــا [ ر م م ]
طالما بصيغة الجمع يبقى مش مشكلة ههههههههه
ربنا معاكى للاسف مش هقدر افيدك في الموضوع ده
اللي اعرفه ان كل مرور بيطلع 3 حروف ثابتة خاصة به مع تغيير الارقام
فممكن جدا بعد ما تطلعي نمر جديدة تطلع بنفس ال3 حروف
والطريقة انك تعملي محضر بفقد نمر وتطلعي بدل تالف
بس في مبلغ بيدفع ومش قليل على فكره
الواحد شاف نمر وارقام تخلي رمم دي جنبهم مرتبه شرف هههههههه
هى لو اتغيرت ممكن تيجى نفس الحروف لانها خاصه بالمدينه
انا وانا برخص لقيتهم قالولى روح اعمل نمر قلت تمام جدا كان حظى ان مفيش نمر جديده فعملت نمر بالنظام القديم وقلت ارحم من الحروف اللى بهدلوا الناس بيها
شر البلية ما يضحك :-d :-d
الموضوع بسيط وممكن محدش ياخد باله منه
حضرتك كنت أعترضى فى لحظتها و تطلبى تغيير النمرة قبل الاستلام و أعتقد لو كنت دفعتى قرشين لأمين مخزن اللوح كان طلع حاجة تانية
قدر الله و ما شاء فعل و متشغليش بالك
ياجماعه ان شالله حتى كنت اخدتها ر خ م عادى اهم حاجه اخلص من قرف وروتين المرور
انا أول حاجة باعملها لما برخص عربية جديدة بدخل على مخزن اللوحات و اشوف نمر ايه اللى بتطلع قبل ما امشى فى الاجراءات (غالبا بتكون الحروف ثابتة و النمر متسريلة) و لو لقيتها شتيمة ممكن انفض خالص اليوم ده و أمشى أو أشوف حد يخلصلى الموضوع ده و يدينى نمر كويسة.
اما بالنسبة للنمر ر م م انا شايفها تمشى و شفت حاجات اسوء منها بكتير و تكره الواحد فى العربية أصلا (ن د ل - ------- - ------- - --------- ه ب ل - ه ف ق - ه ط ل - ق ف ص .... الخ)
يرجى مراعاة اداب الحوار .
3 ب
6:03 pm
2013/5/27
اولا : العامة للمرور استبعدت11 حرف من حروف الهجاء العربية وهي «ث - ح - خ - ز - ذ- ش - ض - ظ - غ - ك - ت»
يعنى مفيش لوحات مثل ................ ولا الاشاعات دى وكل الصور ال طلعت كده اشتغالات بالفوتو شوب
وقد حاولت ادارة المرور استبعاد حروف الكلمات المشينة على قدر الاستطاع ولكن هناك بعض الحروف غير لائقة مثل (ر م ا) - (ع ر ا) (هـ ط ل) تم تركيبها على سيارات بالفعل (منقول )
استحاله يكون فى --------
ولا يهمك أنا نمرة عربيتي. ق ر ف
عربيتى القديمه كانت ق ر و
وكل اللى يعدى يقولى خش ياقرو وانا مابحطش فى دماغى وبضحك وخلاص
منك لله ياحلمي انتا الي خليت الناس تدقق
امال انا تقول ايه انا عربيتي وخده حرفين يمسكوها اداب
هو الرجاله كفره يعني :dumb: ايه يا جدعان والله عيب يعني زي ما في ستات او بنات مبتحبش تسمع الفاظ خارجه في رجاله كده برضه :ma: # معا لتحسين سمعة الرجاله اللي بقت زباله :)
بالنسبه للحروف بقي و الالفاظ دي معرفش ان كانت كلها موجوده ولا لا بس طبعا في حاجات كتيره منها موجوده مع اني عادتا مش بركز في حروف تراخيص اللي حواليا و رأيي الواحد يكبر دماغه و حتي متركزوش مع اي حد في الشارع هيتريق علي الحروف دي .
أولا الحروف اللى حضرتك حطيتها غير موجودة فى المشاركة بتاعتى .. ياريت تركز فى المشاركات قبل ماترد و تقول اشاعات.
ثانيا نص النمر دى انا شفتها -بنفسى- و مصورها -بموبايلى- علشان ماتقولش اشاعات وفوتوشوب و لو عايز عينه منها قولى و انا ابعتلك.
ثالثا النمرة الاخيرة دى ----- انا شفتها (بعينيا) على عربية النترا 2009 كحلى فى المعادى و الراجل كان دهنها ابيض (النمرة الخلفية) و كنت فاكره طامسها بصراحة و لما عديته لمحت النمرة الامامية كانت كده و مالحقتش اصورها علشان كنت سايق و العربية دى ورايا.
أخيرا .. انا قلت اللى شفته بعينى ولو حضرتك مش مصدق انت حر لكن ياريت بلاش نقول اشاعات وفوتوشوب والكلام اللى يضايق ده.
أولا حضرتك مش مصدق انت حر برضوا لكن انا و أعتقد ناس غيرى كتير بنشوفها.
مش عارف هو انا الوحيد اللى بيسوق فى مصر ولا ايه؟؟؟
عموما أعتذر عن أى اساءة لاعضاء المنتدى المحترمين من المشاركة السابقة.
الحمد لله طلع فيه ناس غيرى بتشوف نمر وحشة .. عموما احب أضيف دليل على بعض النمر الوحشة اللى انا أعرفها بالمرور بتاعها للتأكيد مش أكتر (مع استبعاد الالفاظ الغير لائقة)
ه ف ق : مرور مدينة نصر
ه ط ل : مرور البساتين
ه ب ل - ق ف ص - ج ف ص - أ ف ص - ر ق ص - ج و ع : مرور حلوان
...............................
طب انا لاقيت دي على النت وعلش بقا :Zb_sor1[1]::Zb_sor1[1]:
انا لما جيت اغير من النمر لقديمه للجديده في مرور ابييس قالولي اختار الحروف الي انت عايزها وكانو حاطين الحروف المتاحه في لوحة للناس تختار وانا لقيتهم كلهم عاديين فقلتلها اي حاجه وطلعت س ص ع
واحسن حاجه بقي انها طلعت في الأرشيف التاني في المرور اللي بيبقي فاضي جدا وبالتالي بدل مااخد ساعتين في موضوع مراجعة الملف اخدت 10 دقايق