تقييمي عن اسبرانزا Envy

**M I D O** · 26-05-2013 12:56 AM

بسم الله الرحمن الرحيم
النهاردة كنت معدي علي معرض عربيات في الطريق ولاقيت المعرض عارض اسبرانزا انفي قلت اركن وانزل اتفرج نزلت والراجل جابلي مفتاح العربية وفتحهالي وقالي انا معاك لو حابب تستفسر عن اي حاجة والي عرفتة من الراجل ان العربية اسمها شيري انفي من ابوالفتوح تعرف اية تاني عن العربية يقلي ماعرفش وواقف جنبي قال عشان لو حابب استفسر ما علينا العربية ركبتها من جوة ما شاء الله تحفة واسعة جدا زي الاسبرانزا 516 بالظبط الفرق الوحيد الطابلوة والعدادات وملاحظاتي علي العربية انها واسعة ومريحة كراسيها مش ناشفة و الفتيس سهل جدا في النقلات والعربية واقفة و الرؤية ممتازة سواء قدام او ورا و الاوبشن بتاع العربية كتير ما شاء الله و العربية صاجها محمل وتقيل ولما سئلت الراجل هل 1500 سي سي كامة واحدة هيكون كويس للحجم دة قالي اة والناس بتشكر فيها وبتاع وفضل يقلي قصايد شعر عن العربية بس طبعا مش هقتنع غير لما حد يشتريها وينزلنا تقرير عنها و تقفيل العربية ما شاء الله تحفة غير التقفيل المصري خااااالص يعني الباب بلمسة بيقفل وطبعا كل دة تقييم مبدئي عن العربية في ال 10 دقائق الي قعدتهم فيها و صورت العربية شوية صور بس المنتدي طبعا مليان صور عنها فمش هنزلهم بس لو حد حب اني انزلهم هنزلهم و اة نسيت معلش الراجل سالتة عن الام 11 قالي موقوف انتاجها بس هتنزل قريب وكل الي بيحصل دة تعطيش للسوق عشان لما تنزل بسعر عالي محدش يعترض علي سعرها واسف ان التقرير مش منظم لاني بكتبة من عند واحد صاحبي مش في البيت وان شاء الله قريب هروح اشوف العربية تاني واخد عنها فكرة اكبر واعمل تقرير منظم واسف علي الاطالة

**zekuso** · 26-05-2013 05:28 AM

بصراحة انا شايف ان الجيلى اميجراند افضل منها فى الكماليات و انتشرت بسرعة و كمان السعر و للعلم ان انفى ما فيهاش اى بى دى و ايضا الفئة الاوالى لا يوجد بها ايرباج فلو قارنا بين اوبشن فيبقى لصالح جيلى

**aldesha989** · 26-05-2013 01:48 PM

نزلها ورينا صورها وورينا شكلها عامل ايه حرام الصور تتركن :d

**M I D O** · 26-05-2013 03:04 PM

المشاركة الأصلية كتبت بواسطة zekuso

بصراحة انا شايف ان الجيلى اميجراند افضل منها فى الكماليات و انتشرت بسرعة و كمان السعر و للعلم ان انفى ما فيهاش اى بى دى و ايضا الفئة الاوالى لا يوجد بها ايرباج فلو قارنا بين اوبشن فيبقى لصالح جيلى

للاسف كمان مفيهاش امبولايزر

**M I D O** · 26-05-2013 03:05 PM

المشاركة الأصلية كتبت بواسطة aldesha989

نزلها ورينا صورها وورينا شكلها عامل ايه حرام الصور تتركن :d

ههههههههه ماشي يا باشا هرفعهم

**M I D O** · 26-05-2013 03:19 PM

الظاهر ان في مشكلة في رفع الصور كل ما ارفعها يجبلي server not found هبقي احاول تاني بالليل ان شاء الله

**M I D O** · 26-05-2013 03:49 PM

المشاركة الأصلية كتبت بواسطة osa92003

فيها امبولايز ...مش عارف مين اللى ادالك المعلومه دى ان مافيهاش واعتقد انك لازم تتصل بمعرض المعادى -الاستاذ احمد عبد العزيز وهو هيقوللك كل المعلومات ؟؟؟؟؟؟؟

:b4_592::b4_592:

ياريت تتعب نفسك شوية وتدور في المواضيع القديمة عن الانفي وهتلاقي كل الاعضاء بيقولو ان مفيهاش امبولايزر وواحد كان رايح يحجزها لاقي مفيهاش امبولايزر حجز ال 516 و كل المواقع بتقول ان مفيهاش امبولايزر

الموضوع: تقييمي عن اسبرانزا Envy

LinkBack

أدوات الموضوع

عرض

تقييمي عن اسبرانزا Envy - انشر الموضوع فى :

-

-

-

-

-

المواضيع المتشابهه

مفاجئة عن اسبرانزا envy

Envy vs Emgrand

Envy vs Emgrand

Envy vs Emgrand

Proton Persona ... ENVY

الكلمات الدلالية لهذا الموضوع

المفضلات

المفضلات

ضوابط المشاركة