الموضوع: ايه هو الرداخ و بيعمل ايه

المشاركة الأصلية كتبت بواسطة sab3aawy

شوف يا سيدى،

الرداخ هو صيغة المبالغة من الفعل ردخ، وعلى ذلك فإن الرداخ هو الذى يرددخ المراديخ لكى ترتدخ على ردوخ معين

سيبنا من الهزار ونتكلم جد

الرداخ كلمة مصرى لا ادرى اصلها تطلق على اى منظومة لنقل الضغط من احد جانبيها الى الجانب الآخر تعتمد على رقاقة من الكاوتش او المعدن تتأثر بالضغط القادم من احد جانبيها فتنقله للجانب الآخر مع عزل السائل او الغاز الموجود فى كل جانب عن الموجود فى الجانب الآخر

الإسم الإنجليزى للرداخ هوDiaphragm وتنطق ديافرام

امثلة للرداخ: الكاوتشة المستديرة الموجودة فى السخان المنزلى الذى يعمل بالغاز والتى تتأثر بضغط المياه على احد جانبيها لتقوم بدفع صمام فتح الغاز تسمى رداخ

القرص المعدنى المرن الموجود فى طلمبة البنزين فى السيارات التى تعمل بالكاربراتير والذى يتأثر بدفع ذراع الكامة عليه لكى يسحب ومن ثم يضخ البنزين يسمى رداخ

قطعة الكاوتش الموضوعة فى اطار معدنى لتقوم بدفع بعض البنزين الى مدخل الكاربراتير عند تسارع السيارة متأثر بميكانيزم بسيط مرتبط بدواسة البنزين تسمى رداخ

قطعة الكاوتش الموضوعة فى اطار معدنى لتقوم بتغير زاوية الأدفانس الخاصة الاسبراتير مع تغير نسبة الفاكيوم (ألتفريغ) فى الكاربراتير تسمى رداخ

قطعة الكاوتش الموجودة فى منظم انبوبة البوتاجاز تسمى رداخ

كاوتشة السيرفو بتاعة الفرامل اسمها رداخ

حتى الحجاب الحاجز الفاصل بين الصدر والبطن يمكن اعتباره رداخ بشكل او بآخر

أمثلة لرداخات:

سؤال
رداخ ال لادا
بيتغير برداخ من نوع تانى
؟؟

لا مش مقصر ولا حاجه
بل بالعكس شغال وكويس وبيقبل الاصلاح
مجرد جلبتين وانبوبة سيلكون
ومرة تانيه مجرد تربيط على الصاموله من اعلى
بس قالوا لى لو نقط بنزين تانى ابقي غيره

علشان كده بسال لو حصل انى هغيره
يبقي اغيره بنفس النوع ولا فى نوع تانى ممكن يخلى العربيع تدور من اول مره
وكمان اركبه وانسى احتماليه تنقيط البنزين