| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 7 من 7

  1. #1

    الصورة الرمزية cartooch

    رقم العضوية : 121120

    تاريخ التسجيل : 28Feb2012

    المشاركات : 21

    النوع : ذكر

    الاقامة : مصر

    السيارة: لا يوجد

    السيارة[2]: لا يوجد

    دراجة بخارية: نعم

    الحالة : cartooch غير متواجد حالياً

    افتراضي خلاص قربت اتجنن مشكلة في الماتور مغلباني - Facebook Twitter whatsapp انشر الموضوع فى :

    hasad">

    السلام عليكم ورحمة الله

    من فترة وانا راجع بالعربية لانوس 1 موديل 99 العربية ادوس بنزين مفيش اي استجابة والموتور مفيش كبس فجأة بطلت ادور فيها مفيش المهم نزلت بصيت على الموتور كله تمام يومها للأسف دوخت على بنزين ما لقتش غير 80 اضطريت احط مع اني ممشيها 92 المهم كل حاجة تمام في العربية ادور تاني مفيش ،، المهم نزلت خلفت التقسيمة ودورت فضلت العربية (تعطس) شوية رحت راجع مرجع التقسيمة تاني ، العربية راحت دايرة وزي الفل مشيت بيها شوية مسافة اتنين كيلو كده راح نفس الموقف ده حاصل تاني ، نزلت مرة كمان عملت نفس الحاجة برضو دارت شوية وراحت مبطلة المهم من كتر القرص على المارش فوت رحت متصل على واحد قطرناها لحد الميكانيكي لأن وقتها كان متأخر وكان بقالي فترة عايز اشد العربية قولت دي الفرصة بقى

    العربية راحت للميكانيكي جه الكهربائي صلح المارش ركب المارش الميكانيكي جه عدل التقسيمة لأني كنت خالفها اخر مرة دور يعم علشان اشوف العيب ايه راحت العربية دايرة من اول تكة

    هتجنن طبعا لأني معرفش المشكلة في ايه ؟! والميكانيكي قالي ما هي دايرة انا عايز اشوفها على عيبها.

    اتصلت بسمكري حبيبي تعالى يعم خد العربية مشيت بالعربية حوالي 10 كيلو من عند الميكانيكي لحد عنده العربية زي الفل ،، السمكري خلص شغله بعد حوالي اسبوعين لقيته بيتصل بيا بيقولي انا واخد العربية للدوكو العربية مش عايزة تدور! ادور العربية نفس المشكلة القديمة الماتور ما بيلقطش نهائي او يلقت تفضل تدوس بنزين تحس انه بيهرب الكبس ولا ايه مش عارف
    وللأسف البطارية سافرت

    اتصرفت ووديت العربية للميكانيكي المكانيكي فضل يدور مفيش قالي هنفك من هنا لهنا الكستبانات بايظة محتاجة تتغير غير يعم اول ما اتغيرت (كل ده وانا واقف فوق راسه) دور راحت العربية دايرة من اول تكة! حاسبته ومشيت بالعربية لحد بتاع الدوكو ،، المهم بتاع الدوكو عيل ابن حلال بعد يومين بيتصل بيا بيقولي العربية عايز اوديها للسمكري تاني ليه يعم قالي أنا ما بشتغلش بمعجون كتير وبتاع والواد بصراحة ايده ميزان وفعلا العربية تسمع رنة الصاج ومحتاج السمكري يعيد تاني على الباب المشكلة العربية مشيت بيه حوالي 500 متر وكأن مفيهاش بنزين،، اتصل بيا خدتها للميكانيكي تاني بص عليها شال الكابل اللي واصل من الفلتر للموتور وركبه تاني العربية دارت مالها يا اسطة (وهو شيخ صنايعية المنطقة بصراحة) قالي يعم مفيهاش اي حاجة خدت العربية طبعا انا قرفت قولت للسمكري تعالى خدها واتصرف علشان انا زهقت الراجل جه مكدبش خبر مشي بالعربية مسافة كيلو او اتنين كيلو كده وقالي العربية بطلت مني

    رحتله وكانت الصدمة الكبرى سير الكاتينة مقطوع حاولت تدور يا اسطى قالي لا انا حسيت بحاجة غريبة كده ما رضيتش ادور المهم وانا بكلمه افتكرت ان السير ده مغير من شهر بالظبط اتقطع ازاي قلبي اتقبض قولت يبقى فيه قفشة في الموتو وقد كان جه ميكانيكي تاني مشهور جدا بص على الموتور قاله الموتور قافش واكيد الصبابات اتعوجت وكده طرمبة الزيت ما بتطلعش زيت فوق ووووووووو ومشاكل بالكوم قولتله فل يا اسطى انا هروح للميكانيكي بتاعها يحل الموتور وهنزل اجيب واحد استيراد وارتاح من القصة دي !

    في حاجة مهمة جدا لما الاسطى ده فك غطا مليان الزيت ملقيش نقطة زيت على عامود الكامات وقالي ان العامود شكله مكسور رغم اني مغير زيت والزيت مش ناقص ولا لمبة الزيت نورت

    المهم يا جدعان راحت للميكانيكي بتاعها وانا قولت انه صنايعي كويس قالي يعم ده راجل بيستهبل فك الموتور فعلا قافش المهم قالي دي الزنبة بتاعة عامود الكامات روح للخراط خليه يظبطها ورحت فعلا للخراط والموضوع بفضل الله خلص بالظبط في 150 جنيه ، 15 جنيه خراطة + مصنعية + سير كاتينة

    وقالي ان القفشة دي مش في الموتور ده عمود الكامات واخدت العربية فعلا دايرة وانا ماشي لمبة الزيت نورت اتصلت بيه جالي عمل تشيك قالي ما تقلقش دي مكان الحل وميه جت على ساعة الحرارة وحوارات ما فهمتهاش بس بعد شوية لمبة الزيت طفت وبقت زي الفل.


    اخر حاجة بقى العربية خلصت دوكو ادور بقى يا مؤمن علشان اروح للسروجي واقفلها العربية ما بتدورش
    انا قربت اعيط

    الميكانيكي قالي ان السبب الرئيسي في انهم كل شوية يفكوا الكنترول والبطارية ويركبوهم هل الكلام ده صح ؟
    وهما فعلا بيخافوا الحاجات دي تتسرق فبتتشال لحد ما يحتاجوا يدوروا العربية

    ثانيا أنا اعمل يا رجالة

    اخر حاجة الصيانة للموتور بالذات بعملها قبل معادها بمعاد يعني تغيير الزيت مثلا ال 3000 ده بغيره كل 1200 بالكتير قوي ، السيور كلها بغيرها باستمرار

    عايز اعرف ايه المشكلة انا قربت اتجنن خلاص !

    واسف على الاطالة بس ده جزء من المعاناة اللي انا عيشتها في الايام اللي فاتت


  2. #2

    الصورة الرمزية Muahmmad Honda

    رقم العضوية : 143348

    تاريخ التسجيل : 13May2013

    المشاركات : 452

    النوع : ذكر

    الاقامة : القاهرة

    السيارة: سيتروين Ax 1.4

    السيارة[2]: Honda Civic 94

    الحالة : Muahmmad Honda غير متواجد حالياً

    افتراضي -

    زى ماحضرتك قلت .. لو فيه امكانية شراء موتور استيراد .. هاته بسرعة قبل ما ياخدوا اللى وراك واللى قدامك !! :) و دى نصيحة من واحد مجرب مليون حوحوار زى دة ! :)

    بسم الله ما شاء الله و لا حول ولا قوة الا بالله [rmade]http://nileup.com/up/uploads/nilemotors_13689759171.jpg[/rmade]


  3. #3

    الصورة الرمزية حماده المصري

    رقم العضوية : 1483

    تاريخ التسجيل : 18Jul2007

    المشاركات : 2,590

    النوع : ذكر

    الاقامة : cairo

    السيارة: just one

    السيارة[2]: sunny 2006

    دراجة بخارية: no

    الحالة : حماده المصري غير متواجد حالياً

    افتراضي -

    مهو الواحد مش عارف ممكن يبقى كنترول بيهييس

    ممكن يبقى طرمبه بنزين وممكن برضو حساس كرنك ومش عارف افتي لك ولا مفتيش الحقيقه

    لو انت قريب من الهرم عندي ميكانيكي امين حدا مش هيكدب في حاجه وخبره كبيره في الدايو


  4. #4

    الصورة الرمزية mahmoud_anwar

    رقم العضوية : 54640

    تاريخ التسجيل : 03Dec2009

    المشاركات : 1,632

    النوع : ذكر

    الاقامة : مش عايش

    السيارة: يامسهل يارب

    السيارة[2]: Daewoo Lanos 2

    دراجة بخارية: مابعرفش اسوق

    الحالة : mahmoud_anwar غير متواجد حالياً

    افتراضي -

    انا كنت شاكك في الاول في طرمبة البنزين
    بس انتا بعد كده فتحت سكك تانية
    ماتور قافش وغيرت كوستبنات مش عارف ليه هل كنت بتسمع صوت تكتكة عالية ؟؟؟
    عمومآ في حاجة مش مظبوطة هيا في الاول خالص تدل علي طرمبة بنزين مش كوستبنات ايه دخل الكوستبنات بي دوارة العربية ؟؟؟؟؟؟؟؟؟؟؟؟؟


  5. #5

    الصورة الرمزية Muahmmad Honda

    رقم العضوية : 143348

    تاريخ التسجيل : 13May2013

    المشاركات : 452

    النوع : ذكر

    الاقامة : القاهرة

    السيارة: سيتروين Ax 1.4

    السيارة[2]: Honda Civic 94

    الحالة : Muahmmad Honda غير متواجد حالياً

    افتراضي -

    ايه دخل الكوستبنات صح بدوارة العربية ؟ ..

    روح اكشف على العربية بالكمبيوتر و شوف سجلت ايه خطأ

    لانى حاسس انه مش موضوع كستبنات ولا كونترول والله اعلم :) تحياتى

    بسم الله ما شاء الله و لا حول ولا قوة الا بالله [rmade]http://nileup.com/up/uploads/nilemotors_13689759171.jpg[/rmade]


  6. #6

    الصورة الرمزية Ahmed Nasser

    رقم العضوية : 74241

    تاريخ التسجيل : 30Jun2010

    المشاركات : 3,685

    النوع : ذكر

    الاقامة : Egypt Fayoum

    السيارة: ٍSpectra 2002

    السيارة[2]: Nubira 1997

    دراجة بخارية: No

    الحالة : Ahmed Nasser غير متواجد حالياً

    افتراضي -

    اللى بيخلى العربية تمشى شوية وتبطل وبعدين تدور دة طرمبة بنزين
    اما كستبانات وكامة قافشة دة حوار تانى فى الموتور


  7. #7

    الصورة الرمزية MITSUKERO

    رقم العضوية : 59518

    تاريخ التسجيل : 20Jan2010

    المشاركات : 2,160

    النوع : ذكر

    الاقامة : cairo

    السيارة: Lanos 2

    السيارة[2]: Lancer 2007

    دراجة بخارية: No

    الحالة : MITSUKERO غير متواجد حالياً

    افتراضي -

    hasad">

    كل كلامك بيقول طرمبة زيت

    ربي قد مسني الضر و انت ارحم الرحمين
    لا إله إلا انت سبحانك اني كنت من الظالمين



 

المواضيع المتشابهه

  1. خلاص زهقت و قربت اتجنن اجيب انهى عربيه فى دول يا رجاله ؟
    بواسطة aliabdo في المنتدى قســـــــــم المقارنــــات
    مشاركات: 55
    آخر مشاركة: 10-05-2013, 11:49 PM
  2. انا قربت اتجنن خلاص
    بواسطة elekiaby في المنتدى مشاكل الكهربــاء
    مشاركات: 7
    آخر مشاركة: 08-10-2012, 10:37 PM
  3. افيو ولا نيو اكسنت...........خلاص قربت اتجنن
    بواسطة amek في المنتدى قســـــــــم المقارنــــات
    مشاركات: 5
    آخر مشاركة: 28-03-2009, 10:44 AM
  4. خلاص قربت اتجنن
    بواسطة shock في المنتدى شــيفـرولــيه
    مشاركات: 6
    آخر مشاركة: 04-11-2008, 09:23 AM
  5. خلاص قربت اتجنن من العفشة يا لانوس حرام عليكى
    بواسطة abzoabzo في المنتدى دايــو+شيفرولية لانوس
    مشاركات: 33
    آخر مشاركة: 30-09-2008, 10:41 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2