لا رأيي يجرب و في رأيي هي دي الايجابيه اني افكر في حلول جديده لمشكله تعباني و اجربها يا صابت يا خابت و اعدل فيها لحد ما تظبط معايا
عرض للطباعة
انا اساسا بني ادم مجنون و في مره فكرت اعمل كده من كتر غيظي من واحد جابلي العربيه باله حاده من اول الاكصدام اللي قدام لحد الاكصدام الخلفي مرورا بجناب العربيه من الاخر حزام نضافه بمفك و طبعا معرفش مين و ممكن ابقي عارف مين بس معنديش تأكيد فمفيش مبرر يخليني امسك حد اعجنه و اغيرله ملامح وشه للاسف ........ بس المشكله ان يومها حد من قرايبي كان بيقولي علي حد كهرب موتوسيكله و واحد لمسه و مات ، و كمان جيه في دماغي البواب لما يجي يغسل العربيه :ma: و بعدين ما انا كمان ممكن لا قدر الله المس العربيه و هي مكهربه بالغلط ..... فقولت الطيب احسن :36_1_35[2]:
أنا عجبني أوي الحل بتاع كهربة العربية، بجد مش هزار، يعني بغض النظر عن عديمي الاحساس اللي بيقعدوا على العربية أو يسندوا عليها واللي يقعد على العربية اللي راكنة قصادك ويستخدم إكصدام عربيتك كمسند لرجليه. والعيال المؤذية اللي تمسك سن برجل وتجيب العربية من الجنب للجنب. أنا من يومين واقف باضبط التكييف بتاع العربية ولمحت اتنين واقفين ورا العربية شكلهم مريب مش عارف بيعملوا ايه، رحت أبص عليها لقيتهم مستخدمين الشنطة علشان يحطوا عليها الكانز بتاع الحاجة الساقعة...شخصيات في منتهى اللزوجة والنطاعة وانعدام الاحساس وبالرغم من إني بصت لهم إلا أنهم كانوا في منتهى التناحة وفضلوا واقفين، اضطريت اروح وافتح الشنطة واجيب منها حاجة علشان ازيحهم. وفي نفس اليوم أخذت العربية ونظفتها في الكار كير وبعد أقل من 24 ساعة كان في عيل قذر ابن #@!ّ!## كان واقف لا مؤاخذة يتبول على الإكصدام. ما هو النجس ده لو مات وراح في ستين داهية ما احنا هنرتاح.
[QUOTE=Driver101;3875012219]أنا عجبني أوي الحل بتاع كهربة العربية، بجد مش هزار، يعني بغض النظر عن عديمي الاحساس اللي بيقعدوا على العربية أو يسندوا عليها واللي يقعد على العربية اللي راكنة قصادك ويستخدم إكصدام عربيتك كمسند لرجليه. والعيال المؤذية اللي تمسك سن برجل وتجيب العربية من الجنب للجنب. أنا من يومين واقف باضبط التكييف بتاع العربية ولمحت اتنين واقفين ورا العربية شكلهم مريب مش عارف بيعملوا ايه، رحت أبص عليها لقيتهم مستخدمين الشنطة علشان يحطوا عليها الكانز بتاع الحاجة الساقعة...شخصيات في منتهى اللزوجة والنطاعة وانعدام الاحساس وبالرغم من إني بصت لهم إلا أنهم كانوا في منتهى التناحة وفضلوا واقفين، اضطريت اروح وافتح الشنطة واجيب منها حاجة علشان ازيحهم. وفي نفس اليوم أخذت العربية ونظفتها في الكار كير وبعد أقل من 24 ساعة كان في عيل قذر ابن #@!ّ!## كان واقف لا مؤاخذة يتبول على الإكصدام. ما هو النجس ده لو مات وراح في ستين داهية ما احنا هنرتاح.[/QUOTE]
ما المشكله ان النجس ده لو مات هتروح انت في توكر بسببه يعني عاش نجس و مات نجس :bump1: لأن الطبيعي هيتقدم فيك بلاغ انك مكهرب العربيه و تلبس قضيه و قتيل و حواااااار علي حد اصلا ميستاهلش :eee:
العربية فالشارع إذا هي ملك الشعب المصري يعمل فيها مابداله
أو ده تفكيرهم عالأقل
أنا عن نفسي بسبها بترابها عشان اللي عايز يقعد مايتهناش
مشكلتي أكتر مع الكلاب و دي بتيجي تنام عالسقف وماينفعش معاها تراب ولا يحزنون
بالتأكيد أنا لا أتمنى الأذية لأي شخص مهما كان مؤذي، وحرمة النفس أكبر من حرمة البيت الحرام. وهي أكيد فضفضة من شدة الغيظ ليس أكثر.
ربنا يصلح الحال ويهدي الناس بصراحة أخلاق الناس في انحدار سريع ويبدو أنها ذهبت إلى طريق لا رجعة فيه، ربنا يتولانا برحمته ويتوب علينا ويغفر لنا.