الموضوع: الاختبار النظري لرخصة القيادة الخاصة

الاخوة و الاخوات الكرام

أسعد الله أوقاتكم ...

ياتري حد ممكن يفيديني في الاختبار النظري لستخراج رخصة القيادة الخاصة
- يعني شكل الامتحان
- بيسألوا في أيه ؟
- و هل هو أشارات فقط زي زمان و لا أتغير
- و لو حد عنده نماذج من الامتحان ده ياريت يقول لنا عليها

و شكرا لكم مقدما علي الاجابة و المساعدة

الاختبار النظري دلوقتي مبقاش اشارات فقط زي زمان

اخر واحد طلع رخصه اعرفه اخي الصغير من سنه

دلوقتي الاختبار عباره عن 10اسئله

والاسئله عامه في السيارات بس بسيطه جدا للفاهم

وممكن يكون من ضمن الاسئله اشاره واحده او 2 بالكتير

زمن كل سؤال 30 ثانيه
بتختار رقم الاجابه وتقولها للموظف وهو بيدوس علي الرقم اللي انت قلت عليه

من الاسئله مثلا

علام يدل تاكل احدي الاطارات من جانب واحد
محتاج ترصيص --------- محتاج ظبط زوايا -------- مشكله بالعفشه

اذا اراد السائق خلفك بتجاوز سيارتك (اشارات صوتيه وضوئيه) وانت تسير بالسرعه القانونيه اقصي اليسار
تتجاهله -------- تفسح له الطريق -------- تشغل اضواء الانتظار

وهكذا

لازم تحل 8 صح علي الاقل علشان تنجح

علي فكره الكلام ده في مرور ابيس بالاسكندريه وغالبا هيكون مطبق بجميع وحدات المرور