بسم الله الرحمن الرحيم
الاخوه الكرام
برجاء المساعده
انا لاحظت امس وجود دخان ابيض والعربيه سخنه يعنى مش الصبح
وبينزل مع دوسه البنزين نقط ميه ودخان ابيض من الشكمان
مع العلم بوجود ترشيح زيت واضح على المكاينه
مش عارف دا ايه ؟؟؟؟؟؟؟؟؟؟؟
عرض للطباعة
بسم الله الرحمن الرحيم
الاخوه الكرام
برجاء المساعده
انا لاحظت امس وجود دخان ابيض والعربيه سخنه يعنى مش الصبح
وبينزل مع دوسه البنزين نقط ميه ودخان ابيض من الشكمان
مع العلم بوجود ترشيح زيت واضح على المكاينه
مش عارف دا ايه ؟؟؟؟؟؟؟؟؟؟؟
متقلقش إن شاء الله بسيطة
افتح غطاء الزيت وشوف تحتيه لون زي الطيحنة
وكمان ياتري مستوي المياة فى القربة بتقل كتير
لو عندك الزيت عامل زي الطحينة والمياة بتنقص كتير
دة يبقي جوان وش سلندر
بالمسبة لترشيح الزيت ياريت توصفلنا منين يالظبط
هل من عند غطاء التاكيهات ولا منم الاسفل من عند الكارتيرة
ولا من عند البوجيهات
وانتظر الرأى النهائي لاستاتذتنا فى المنتدي
موفق إن شاء الله
+111اقتباس:
المشاركة الأصلية كتبت بواسطة eng_gouda2000
لازم فعلا تحدد النقط اللي قال عليها بشمهندس جودة عشان تقدر تحدد العيب فين
نوع السيارة ؟؟؟؟؟؟؟؟؟؟؟؟؟
ههههههههه فهمتك يا زميلي دي طلعت fait 127 بس عموماًً مش فارقة كتيراقتباس:
المشاركة الأصلية كتبت بواسطة sakr1964
وانصح العضو يعمل الموضوع بالقسم الخاص بيه
اسف للتاخير فى الرد كان فى مشكله فى النت
نوع السياره سكودا فيلشيا موديل 1997
بخصوص غطاء الزيت لايوجد تحته غير دخان قليل جدا لايوجد مايشبه الطحينه
بخصوص ترشيح الزيت تحت البوجيهات بما يقرب من 15 سم
بخصوص الماء من الشكمان كان حصل من فتره 6 شهور والمكيانيكى جابلى سائل لونه نبيتى ميتالك وهو يرج جيدا عن وضعه بالمكاينه والميكانيكى دور الماكينه لحد ما الميه خلصت خالص وبعد كده حط السائل مكان دخول الميه للماكينه
هل ممكن وضع السائل ده مره اخرى ولاهو مره واحده بس
وبعدين مع درجه الحراره العاليه ساعات غطاء القربه بيطلع ميه والميه الى فى القربه بتخلص فى حدود اسبوع
الموضوع مش مستاهل السخريه شكرا
يا باشا اللاخوة الافاضل بيهرجوا معاك مش قصدهم حاجة واكيد هيرودوا عليك ويقولولك كدة
محدش هنا يا باشا يقصد السخرية أبدا
أ/ صبحي كان يقصد أن الموضوع محطوط في المكان الغير مناسب لو كانت السيارة 127 يبقي لازم الموضوع يتحط في قسم فيات لكن مش سخرية طبعا
وبالنسبة للمشكلة بتاعت حضرتك فأعتقد أن الموتور محتاج طقم شمبر عشان موضوع الزيت اللي علي البوجيهات والدخان الآبيض بس برده لازم ميكانيكي يؤكد الكلام ده
أما بخصوص المياه اللي في الجكمان دي فمش عارف بصراحة وأن شاء الله باقي الآعضاء يفيدوك
اقتباس:
المشاركة الأصلية كتبت بواسطة stafants
ياااااااااااااااااااة أخيرا عرفت انزل المشاركة بتاعتي
واضح ان فيه مشكلة فى المنتدي
مفيش سخرية ولا حاجة والله احنا منقصدتش حاجة
أحنا كلنا هنا اخوات بنحاول نساعد بعض
عملا بحديث الرسول صلي الله عليه وسلم
كان الله فى عون العبد ما دام العبد فى عون أخية
الموضوع كله ان الزميل استاذ صبحي سأل على نوع العربية فدخلت البروفايل بتاع حضرتك لقيتها فيات 127 فأقترحت هذا الاقتراح
عموماً بعتذر ليك لو كنت فهمت قصدي غلط
وتحت امرك فى اي استفسار ونتشرف بيك فارس جديد من فرسان الفليشيا
موضوع المياة اللى بتزل من الشكمان على حد علمي تبقثي حاجة من الاتنين
أما الموتور الحالة بتاعتو جيدة جدا ودة نتيجة لعملية الاحتراق لوجود رطوبة فى الهواء ودي تبقي حاجة كويسة
أما لو المياة بتنقص بصورة ملحوظة فدة معناة ان المياة بتدخل غرف الحريق وبتخرج من الشكمان واعتقد بكدة يكون فعلا جوان وش السلندر فيه مشكلة
ارجو أن أكون اضفت جديد
دخان ابيض يعنى الموتور محتاج طقم شنبر وبما انك كمان بتقول البوجيهات معرقة زيت فده دليل على كلامى وكمان المية بتنقص وبتخرج من الشكمان يبقى الموتور محتاج جوان وش سلندر لو المية اللى بتنزل كتير يبقى كده جوان بنسبة كبيرة وبالنسبة للسائل اللى حطه الميكانيكى ده سائل لسد اى ثقوب موجودة لمنع التسريب
اقتباس:
المشاركة الأصلية كتبت بواسطة stafants
هذه المشاركة كتب فى السادسة صباح يوم الاثنين كانت سأرد على الاخ السائل ولاكن الموقع كان ساقط او عندة ملحلق فمعرفتفش ارفع الرد الا بعد العودة من العمل
اولا الموضوع مش سخرية منى ولا من الزميل احمد جودة حضرت ذكرت المشكلة ولم تذكر نوع السيارى حتى معلومات التسجيل مكتوب فيها فيات 127 فانا باسئل علشان اقدر افيدك فياريت تغير نوع السيارة فى معلومات تسجيلك او تكتب ماركة السيارة فى ذات الموضوع........*
ثانيا بالنسبة للسائل دا اسمة بلوك سيل ودا علاج مؤقت لجوان وش السلندر لمنع تسرب الماء وممنهوش اى مشكلة انك تحطة تانى لاكن دا علاج مؤقت....
ثالثا :بخصوص الزيت المرشح دا بيرشح من وش الكستبينات البيضايو اللى تحت البوجيها كتير من الصنايعية بيغفل عنه انتا ممكن تحرف علية بنفسك مفتاح 10 او بيبة 10 وحرق على الأربع مسامير بتوع الوش والترشيح حيتمنع باذن الله....
رابعا: شوف مقاس الزيت عندك لو بيزيد يبقى فية ميه دخلت علية فبكدا يبقى لازم تغير جوان وش السلندر وياريت تقف على ايد الباش مهندس ومتخليهوش يليسلك عليه سيلكون خطر جدا السيلكون على الوش ممكن يضيعلك الموتور فقد اعذر من انظر....*
خامسا : ممكن تكون المشكلة مش من اى حاجة من الاسباب السابقة وتكون من نوعية الزيت اللى حضرتك حطيطة اخر مرة فى زيت مضروب كتير فى السوق بيعمل المشاكل اللى بتحكى عنها دى........
ياريت متزعلش من اى حد هنا لأننا والله فى الخدمة للجميع لوجه الله تعالى ولا نريد منكم جزائا ولا شكورا....*
تسلم يا عم صبحي ردك مميز
وسعيد بالاضافة الجميلة دي بتاعت الفيس بوك ومنتظرين باقي الاعضاء