مساعدين وبطاحات للاوبترا + ديسكات
السلام عليكم
امبارح كنت بعمل صيانة ٧٠ الف كيلو لعربيتى شيفروليه اوبترا ٢٠٠٩ مانيوال فى مركز منصور فى الكيلو ٤ ونصف بابو رواش .. طلبت تغيير زيت موبيل ٥٠٠٠ وكمان فحص تيل الفرامل لإنى تقريبا أخر مره غيرت تيل الفرامل كان قبل ٤٠ الف كيلو (منذ سنتين تقريبا) وكنت كل مره اطلب منهم فحص تيل الفرامل يجيلى الرد ان التيل شغال وتقدر تكمل بيه حتى ميعاد الصيانة الجاية ... المهم اثناء وجود العربيه فى الصيانه اتصل بيا مهندس الصيانه وبلغنى ان العربيه محتاجه تغيير ٢ مساعدين امامى و بطاحات مع انى عمرى ما اشتكيت منهم ولما سألته ايه الداعى لتغييرهم قال انه يوجد ترشيح زيت بسيط في المساعدين وسؤالى ليه طبعا كان عن تكلفة الموضوع هتكون اد ايه قالى ان المساعد الواحد سعره ٦٩٥ جنيه والبطاحه الواحده ١٦٠ جنيه طبعا بحسبه بسيطه قدرت اعرف ان تغيير ٢ مساعدين + ٢ بطاحه هيكلفنى تقريبا ١٧٠٠ جنيه اللى هو كتير جدااااااا فطلبت منه انى أأجل تغيير المساعدين للصيانه الجايه لغاية لما اكون شوفت حل بديل اوفر بيه المبلغ الكبير ده .. بالنسبة لتغيير التيل بلغنى المهندس ان التيل يستحمل كمان ٥٠٠٠ كيلو ومش محتاج يتغير بس الصيانة الجاية لازم يتغير ولازم كمان تتغير معاه الديسكات .. اضطريت اروح قسم قطع الغيار عشان اعرف اسعار الحاجات دى ايه وخصوصا ان اسعارقطع الغيار كلها زادت ... عرفت ان سعر الطنبورة الواحده ٥٥٥ جنيه يعنى لما اضرب فى ٢ هلاقى ان الطنبورتين عاملين ١١٠٠ جنيه تقريبا وتيل الفرامل سعره زاد وبقى ب ٣١٠ جنيه يعنى كده بالصلاة على النبى الصيانة الجاية هتتكلف ١٧٠٠ مساعدين امامى و بطاحات + ١١٠٠ طنبورتين امامى + ٣١٠ تيل فرامل امامى = ٣١٠٠ جنية بالتمام والكمال يعنى اتخرب بيتى ...... والسؤال هنا لاعضاء المنتدى المحترمين ممكن اشترى الحاجات دى منين بسعر اقل ؟ وايه افضل الأنواع اللى فى السوق ؟ واسعارها هتكون قد أيه ؟ ويا ترى حد جرب يشترى حاجه من الحاجاتدى من بره التوكيل ومعملتش مشاكل معاه ؟؟ انا كنت مره من سنه تقريبا سألت على مساعدين مونرو للاوبترا وكان وقتهم سعر ال ٢ مساعدين ٦٠٠ جنيه وده فرق جامد فى السعر ما بينهم وما بين سعر التوكيل فهل ممكن اجرب النوع ده ؟ وبالنسبه للطنابير حد ممكن يرشحلى نوعكويس واشتريه منين ؟؟ اما بالنسبة للتيل فانا مقتنع انه مينفعش اشتريه غير من التوكيل وشكرا واسف على الإطالة...