ايهما تختارون من حيث الشياكة والكماليات : قرطبة ام ماتيريا ام سوزوكي اس اكس فور؟

**Masry16** · 22-08-2008 04:56 AM

الاخوة الكرام

السلام عليكم اولا

هذا اول موضوع لي وفي الحقيقة تمتعت جدا بقراءة خلاصة تجاربكم الرائعة

بعد تفحص شامل لأغلب نصائحكم اقف الآن بين ثلاثة خيارات ومحتار فيهم :

1- سيات قرطبة اوتوماتيك خليجي - سعرها في حدود 105000
2- دايهاتسو ماتيريا اوتوماتيك سعرها في حدود 106000
3- سوزوكي SX4 اوتوماتيك سعرها في حدود 110000

وبصراحة كنت ارغب في سيارة ذات شكل مميز غير منتشر وليست هاتش باك وذات تابلوه وكماليات شيك من الداخل

لا يهمني حاليا سعر قطع الغيار ..هاسيبها علي الله وربنا هو الحافظ باذن الله ..

لا يهمني اعتمادية التوكيل بشكل اساسي

لا يهمني سعر اعادة البيع بشكل اساسي

(ملحوظة : لا اريد سيارة لا اري مقدمتها وانا اقودها .. فهل السوزوكي يري مقدمتها السائق) ؟

فبم تنصحوني اولا ..

ثانيا .. اريد الشراء تقسيط وسأبيع سيارتي الحالية اولا .. فهل اقوم بحجز السيارة الجديدة من الآن قبل بيع القديمة علي اساس ان استلام الجديدة قد يتأخر موعده ام اقوم بالحجز بعد بيع السيارة القديمة فقط ؟

تحيتي لكم

**Masry16** · 22-08-2008 05:00 AM

بالمناسبة

عمري في بدايات الثلاثين

ولذلك فالسيارة لشخص ليس بشاب صغير ولا برجل كبير في الوقت ذاته

**CBR** · 22-08-2008 08:57 AM

روح عبداللطيف جميل

اشتري ماتيريا سياره حلوه وسعرها مناسب جدا

وحجما كبير وطبعا على حسب زوقك

وقسط معاه

**Masry16** · 22-08-2008 10:30 PM

شكرا اخي dj1
علي اهتمامك بالرد والنصيحة

في انتظار اراء باقي الاخوة باذن الله كما عودونا بتقديم المشورة للاخرين

تحيتي

**Masry16** · 23-08-2008 05:01 AM

Upppppppppp

**CBR** · 23-08-2008 07:48 AM

اظاهر مفيش غيري في الموضوع

احمد ربنا ان في حد عبرك ورد عليك

ههههههههههههههههههه بهزر

شوف انت لو عايز سياره كويسه

عندك الماتيريا بتمتاز انها يباني وواسعه جدا وشكلها جميل وموفره في البنزين

عن الاتنين التانين

وسعر اعداة البيع بتعها يعتبر كويس

وعندك السوزوكي لسى مش منتشره خالص فدا ممكن يأثر على قطع الغيار والتصليح

بس هيا ليها ميزه بردوا يباني والكرسي الي ورا عالي عشان الركاب يعرفوا

يشوفوا الطريق كويس بدل ما يكول واطي زي بقيت السيارات

وكمان التكيف بتعها له متور منفصل يعني مش حيأثر على اداء

متور السياره اثناء الجري والمشي

واخير القرطبه

مليش في السيات الصراحه انا مبرجهاش لك

وطبعا ما خاب من استخار

**hamdy** · 23-08-2008 10:29 AM

انا لو مكانك هختار الماتيرا ياباني حلوة شكلها جميل جداااااا في نظري واسعة من جوة

**waelragab2001** · 23-08-2008 05:16 PM

المشاركة الأصلية كتبت بواسطة dj1

وعندك السوزوكي ............................
وكمان التكيف بتعها له متور منفصل يعني مش حيأثر على اداء

متور السياره اثناء الجري والمشي

طلعت اووووشاعه يا باشا....مفيش موتور منفصل ولا حاجه. علي الكونتاكت المراوح بتشتغل بس الكومبريسور لا....
انا اسف لصاحب الموضوع مش هقدر افيده لاني مركبتش ولا عربيه من التلاته ومعرفش حد ركبهم اثق في رايه.. انا اسف

**Dr_Smart** · 23-08-2008 05:29 PM

طيب انت ليه حددت اختياراتك في العربيات دي ؟

عندك السيراتو والاوبترا حلوين والالنترا اخر شياكة اي نعم كوري بس سوقهم ماشي وحلوين

بس لو عربية من اللي انت حددتهم يبقى sx4

ولو انت متقبل شكل الماتيريا يبقى تنزل تركب الاتنين وتشتري اللي ترتاحلها اكتر بعد الاستخارة

السيات معرفش عنها حاجه ... بس غاالبا تخرج بره المنافسه

**Masry16** · 23-08-2008 07:09 PM

انا سعيد جدا بالمشاركات الايجابية اخيرا للجميع

بالنسبة لتحديد الخيارات في تلك الانواع واستبعاد البعض الاخر في نفس الفئة :

استبعدت الالنترا لحجمها الكبير فقط مع اعترافي بأنها عربية رائعة لكني اري انها ستمثل مشكلة في شوارع مصر الضيقة في اغلب المناطق و في عملية المناورة بالسيارة احيانا

استبعدت اللانسر لانتشارها المبالغ فيه وضعف التابلوه من وجهة نظري

استبعدت الاوبترا لأن من يشكرون فيها اقلية شديدة جدا ولا اعرف السبب

استبعدت السيراتو للضعف الشديد في التابلوه من وجهة نظري بالاضافة الي ان شكلها يشبه الفيرنا ..

استبعدت الياريس للانتشار ولعدم الثبات وللصاج الضعيف

بصراحة انا مقتنع بامكانيات الماتيريا لكني غير مقتنع بشكلها بنسبة كبيرة

فالأغلبية من المصريين سينظروت للسيارة علي انها بالتأكيد فئة اقل من سيارات مثل اللانسر و الياريس رغم انها اعلي

السيات كوردوبا سيارة من وجهة نظري لم تاخذ حقها بمصر رغم شكلها الجذاب و اعتماديتها و صالونها المميز

ايضا موتورها 1400 سي سي وهو وسط ما بين ال 1300 المناسب للسير بداخل البلد كثيرا و بين ال 1600

بالنسبة للـ Sx4

يبدو انها سيارة مميزة ايضا لكن قد يكون عيبها الوحيد لي لو كان السائق لا يري مقدمة العربية .. فأنا لا احب ذلك

بانتظار تعليقاتكم و شكرا