الاخوة الافاضل انا رايح صيانة الالف بكرة في اوتو ايجبت .. احترت في القراية عن الزيت هنا .. ياريت لو حد عمل صيانة الالف للتيدا يقولي احط زيت التوكيل ولا ليكوي مولي ده ؟ وبتتكلف قد ايه ؟
عرض للطباعة
الاخوة الافاضل انا رايح صيانة الالف بكرة في اوتو ايجبت .. احترت في القراية عن الزيت هنا .. ياريت لو حد عمل صيانة الالف للتيدا يقولي احط زيت التوكيل ولا ليكوي مولي ده ؟ وبتتكلف قد ايه ؟
صيانة الألف مجانية زى ما الضمان مكتوب فيه . حضرتك التجارب كتير و الآراء مختلفة بخصوص الزيت شوف حضرتك مستريح لإيه و توكل على الله .
بالتوفيق فى الصيانة
نصيحة لحضرتك وخصوصا بعد تجارب أعضاء كتير قوى فى أقسام المنتدى المختلفة إوعى تحط موبيل لو عايز منتج مصرى خليك فى شل ألترا ولو عايز منتج مستورد يبقى ليكوى مولى أو فالفولين بس أنا لسه معرفش الفرق بينهم من تجارب الإعضاء ولكن ليكوى ألمانى أصلى وفالفولين هولندى وفرق السعر بينهم وبين المصرى مش كبير يبقى أحسن تجيب المستورد أنا مستنى ردود الإعضاء على نوع الزيت وحملة الفحص المجانية بتاعة نيسان وربنا يوفقك
شكرا للردود .. والله انا عربية والدي لانسر بنحط موبيل من 2006 لحد دلوقتي ماشية 164 الف زي الحلاوة .. وبالنسبة لشل انا خالتي مدير في مباحث التموين بتقول ان موبيل وشل بيتحطوا من نفس المصدر هما واحد .. انا انشاء الله هاجرب بتاع التوكيل في التيدا المرادي والمرة الجاية اشوف موضوع الفالفولين ده لان لكوي مولي مش شايف اجماع من الناس عليه