الموضوع: مبادرة العفو العام والتسامح على nilemotors بمناسبة قدوم رمضان

المشاركة الأصلية كتبت بواسطة hazem_khidr

شكرا ليك يا وليد علي الموضوع
و عموما انا مش بحب اشيل من حد
و الموضوع اللي بيني و بين علا كأن لم يكن
علا برضه اخت عزيزه ولو كان في خلاف في وجهات النظر ف دا طبيعي.
اما بالنسبه للموضوع التاني ف بصراحه الاخ ماتريمساوي غلط غلط جامد جدا
سواء فيا او في اعضاء تانيه كتير
و كمان مش بيعترف انه اخطأ يبقي انا لو سامحت يبقي انا متقبل الاساءه و دا شئ مستبعد جدا
لو اعترف و اتأسف و دا ابسط حقوقي يبقي خلاص ولا كأن فيه حاجه حصلت
انما لو فضل علي رأيه فاسمحلي انا كرامتي عندي ما تسمحليش اني اسامح اي واحد
غلط و مش عاوز يتأسف

مستر زيموس.
اولا انا احب اشكرك جدا على اهتمامك بالمبادرة وده اعتبره تقدير ليا واعتز بيه جدا
يا حزوووم انا بحاول اتكلم عن عفو وتسامح يعني مش مستنيين اعذار وكلام من ده بقى وياسيدي كرامتك محفوظة على راسنا من فوق ويمكن لو انت بدأت تلاقي استاذ ماتركساوي من نفسه بيعتذرلك وهاتكون انت اللي اخدت الثواب

المشاركة الأصلية كتبت بواسطة دموع الثلج

الســــــلام عليكم وكل الاعضاء بخير يارب وكل سنه وانتم جميعا بالف خير وصحه بمناسبه ربنا ربنا يعود علينا دائما الايام الجميله دى بخير


الف شكــــــــــر على الموضوع يا استاذ عبد العزيز
الحمـــــــــــد لله انا مش على خلاف مع اى عضو هنا وبحبهم كلهم وكانهم من اهلى
و احـــــــــــــــب اعتـــــــــــــــــذر لكل شخــــــــص ممكن اكون اختلفت معاه فى رائ او نقاش او رديت بعصبيه ياريت لو حد فاكر لى موقف سيئ يسامحنى واطلب منه العفــــــــو عند المقدره

وبمـــــا انى بعتذر للكل احب اشكر ناس هنا على مساعدتهم
الاخ احمد ابراهيم
الاخ كريم منير
الاخ حازم خضر
الاخ وليد 24
والاخ هيرو
وكل اعضاء منتدى تويوتا لانهم كلهم ساعدونى فى عربيتى وليهم عليا افضال كثير وكان لازم اوجه لهم كل الشكر والاحترام

الشكر لله يا دموع احييكي على مبادرتك الرائعة بس انا مش هسامحك الا لما اخد لفة باليارس :biggrinjester:

بأكد طبعا علي تصفية الخلافات بين الأعضاء و لو انا زعلت حد من غير ما أقصد يا سيدي حقك عليا ( إن شاء الله مفيش )

و بعيداَ عن الإعتذارات و الأحضان و جو مسلسل حسن أرابيسك .. انا بحب أشكر أسرة نايل موتورز علي كل اللي قدمتهولي من وقت انضمامي من سنة تقريباَ و كنت محتاس مش عارف أجيب إيه و معرفتي بالعربيات زيرو .. و في وقت قصير بقي عندي معرفة عامة كويسة و قدرت أجيب العربية المناسبة ليا الحمد لله و حتي اما بقي بيحصلي مشاكل كان كل واحد بيساعدني باللي يعرفه و ده خلاني أطلع من مشاكل كتير و متخمش في حاجات أكتر

شكراَ نايل موتورز عضو عضو

المشاركة الأصلية كتبت بواسطة abdelaziz-waleed

الشكر لله يا دموع احييكي على مبادرتك الرائعة بس انا مش هسامحك الا لما اخد لفة باليارس :biggrinjester:

حضرتك تؤمر والله على الياريس دى عربيتى تتشرف ان حضرتك تاخد بيها لفه :skeptical:

المشاركة الأصلية كتبت بواسطة MoToRiZeR

بأكد طبعا علي تصفية الخلافات بين الأعضاء و لو انا زعلت حد من غير ما أقصد يا سيدي حقك عليا ( إن شاء الله مفيش )

و بعيداَ عن الإعتذارات و الأحضان و جو مسلسل حسن أرابيسك .. انا بحب أشكر أسرة نايل موتورز علي كل اللي قدمتهولي من وقت انضمامي من سنة تقريباَ و كنت محتاس مش عارف أجيب إيه و معرفتي بالعربيات زيرو .. و في وقت قصير بقي عندي معرفة عامة كويسة و قدرت أجيب العربية المناسبة ليا الحمد لله و حتي اما بقي بيحصلي مشاكل كان كل واحد بيساعدني باللي يعرفه و ده خلاني أطلع من مشاكل كتير و متخمش في حاجات أكتر

شكراَ نايل موتورز عضو عضو

وشكرا جزيلا ليك يا موتورايزر على مبادرتك الجميلة وان شاء الله مايكونشي في حد زعلان منك في اي حاجة

المشاركة الأصلية كتبت بواسطة Chicco

مبادرة رائعة ..جزاك الله خير يا وليد باشا ...فعلا تليق بالشهر الكريم .....قبل ما أحاول اتوسط بين أي حد ...عايز الأول أصالح أي حد ما خدتش بالي و زعلته في حاجة .......أنا فعلا ما خدتش بالي من شوية مشاركات ممكن تكون اتفهمت غلط و باعتذر عنها لو ضايقت أي حد ....بالمثل أنا مسامح أي حد ضايقني قبل كده سواء بقصد أو من غير قصد .......صفحة جديدة مع قدوم الشهر المبارك و يا رب تصفي النفوس

جيت في وقتك يا شيكو علشان انا عندي امل ان معظم الخلافات هاتتحل على ايدك بإذن الله
جزاك الله خيرا يا شيكو على المشاركة الجميلة والايجابية