الموضوع: اتخانقت مع سواق تاكسى ورحنا القسم

المشاركة الأصلية كتبت بواسطة m.ayman

اولا السبب الاساسي سواق التاكسي اللي ماشي في حارتين هو اللي غلطان ، ثانيا للاسف الواحد بيبقي مضغوط جدا في الشارع و لحد دلوقتي ده عاملي مشكله اني ببقي حد تاني في العربيه و انا سايق ممكن ابقي نازل رايق و مبسوط و موقف واحد ينرفزني و يخليني بخانق دبان وشي ، علي العموما انا غالبا لما بتنرفز قوي و ممكن اعمل مشكله او اشتم حد بارد في الشارع بفكر في اللي حصل و بحس اني افورت و ان هو اه بارد و رخم و غلطان بس ميستحقش كل الانفعال ده -ربنا يرحمنا بجد لان الموضوع مبقاش ضغط من الشارع بس هي تحس ان السواد اللي بنعيشه في كل حاجه تعليمك شغلك بيتك حالتك الاقتصاديه ... الخ بيتجمع و يطلع في المواقف دي - ..... ردا علي سؤالك لا مظنش ان ده بيمثل اي حاجه و بيتهيألي عادي يعني ده حتي محضر تصالح مش عدم تعدي مثلا

انت جبت من الاخر

روق بالك والحمد لله عالسلامة

عجبنى جدا انا حضرتك لمت نفسك على سرعة انفعالك وعلى الموقف كلة فى كلمة لسيدنا عمر بن الخطاب رضى الله عنة قال (حاسبو انفسكم قبل ان تحاسبو) حتى ضغائر الامور لاازم تحاسب نفسك عليها راجل كبير واكيييد شايل من الهم ما يكفية وكلنا كدة بردة
بس لاازم تكون صبور (من صبر ظفر) وحليم وكريم فى اخلاقك
ولو مثلا حضرتك بتسوق فترة طويلة وليكن مثلا تمن ساعات فى اليوم هتعمل اية دة انت هتتعرض لاكتر من موقف يجنن لو وقفت لكل واحد مش هتروح ولو بردة قعدت تشتم وتشد فى اعصابك هتروح دماغك مدخنة يبقى كدة شكرا يومين تلاتة سواقه وتمسك زمارة وتجرى مشمر البنطلون فى الشارع
ربنا يسلمها معاك ديما ويكفيك شر الطريق

إنت إنسان محترم والاعتراف بالخطأ أكبر دليل على كده ... عموما خليك صبور جدا في السواقة وتمشي بالراحة وتوصل متأخر 10 دقايق أحسن ماتمشي بسرعة وتعمل مشاكل وتحرق في دمك واعصابك والمثل في التأني السلامة وفي العجله الندامة مظبوط 100 % وبرضه لو أي حد كبير حتى لو غلطان عديهاله إذا كان إحنا الشباب أعصابنا مشدودة إمال هو يعمل ايه وشكرا

الف حمد الله على سﻻمتك
سواق التاكسي مش غلطان ﻷن النفق حاره واحده تنا بمشي من النفق على طول
لو حضرتك ﻻحظت كويس حتﻻقي على الجنب مجرى للمياه مش كل الغطيان بتاعته موجوده والعجله لو نزلت فيها ممكن تبوظ الفرده او العفشه
انا عمري ما بمشي في النفق ده اﻻ في النص

لالا النفق فى الناحيه اليمين فيه فتحات مفتوحة انا كنت يمين والبلاعات دى فنص العربيه بتاعتى وهو اللى على الشمال والشمال زى الفل وكان عمال يرمى عليا وانا اصلا لازق فى الرصيف والطريق فعلا ازيد من عربيتين وحتى الظابط نفسه معاه عربيه وقالله النفق ياخد عربيتين وغير كده كان ماشى ببطء

طبعا المذكرة دى نقطة سودا فى تاريخك

بكره الصبح النائب العام حايحط اسمك فى قوائم الممنوعين من السفر

حصل خير بس ده راجل كبير ..اعتبره أبوك يا أخى

ههههههههههههههه..طب اعرف اسافر الاول واتمنع مش هزعل :)

عجبنى جدا انا حضرتك لمت نفسك على سرعة انفعالك وعلى الموقف كلة فى كلمة لسيدنا عمر بن الخطاب رضى الله عنة قال (حاسبو انفسكم قبل ان تحاسبو) حتى ضغائر الامور لاازم تحاسب نفسك عليها راجل كبير واكيييد شايل من الهم ما يكفية وكلنا كدة بردة
بس لاازم تكون صبور (من صبر ظفر) وحليم وكريم فى اخلاقك
ولو مثلا حضرتك بتسوق فترة طويلة وليكن مثلا تمن ساعات فى اليوم هتعمل اية دة انت هتتعرض لاكتر من موقف يجنن لو وقفت لكل واحد مش هتروح ولو بردة قعدت تشتم وتشد فى اعصابك هتروح دماغك مدخنة يبقى كدة شكرا يومين تلاتة سواقه وتمسك زمارة وتجرى مشمر البنطلون فى الشارع
ربنا يسلمها معاك ديما ويكفيك شر الطريق

منا بحاول اعدى الدنيا ولسه مشتوم امبارح فى صلاح سالم وضحكت وعاااااااااااااااااادى
واضح ان جالى تبلد من بعد الموقف ده