سعر بوابة الانجكشن بالحساسات بتاعتها + مشكله فى التكييف ( جولف 3 )

السلام عليكم ورحمة الله وبركاته
انا عاوز اعرف سعر بوابة الانجكشن بالحساسات بتاعتها استيراد بكام ؟؟
وعندى مشكله فى تكييف العربيه
شحنت التكييف فى اول الصيف والصنايعى قالى كله تمام ومفيش تسريب وزى الفل
بعدها بيومين تلاته لقيت الهوا بقى سخن رجعتله قالى يمكن المشكله فى الابره بتسرب اكيد قلتله تمام ودوخت 7 دوخات على الابره دى علشان كل واحد يلاقيك دايخ عليه يضرب سعر زى الفل
المهم جبتها بـ 55 جنيه
رحت وشحنت تانى والتكييف اشتغل اسبوع زى الفل وسبته امبارح بليل زى الفل
فوجئت انهرده الصبح ان بقى بيطلع هوا سخن تانى
لو حد عارف كده المشكله فى ايه ياريت يساعدنى

بوابة الأنجيكشن بيتراوح سعرها بين 300-450
لو انت المحرك ال1.4 بتاع البولو - ممكن تجيب بوابة البولو او الأبيزا
اهم حاجة تجيبها متوافقة مع بتاعتك - والأحسن تفك بتاعتك وتجيب عليها
لأن فولكس نزلت اكتر من شكل للبوابة وممكن تتلخبط فيهم

اما عن التكييف فالأحسن انك تغير الصنايعي وتكشف كويس قبل ما تشحن والأحسن لو تضغط هوا وتسيبه لتاني يوم - بدل ما كل شوية تدفع ثمن الشحن

تحياتي