هشتري لانسر 2013 كسر زيرو النهـاردة إن شاء الله .. أرجـو المســاعدة

السلام عليكم ورحمة الله وبركــاته ،


السادة الأعضـاء الكرام ..

أخوكم ناوي إنشاء الله يشتري عربيـة .. وكان نفسه تشوروا عليـه

دي إن شاء الله هتكون أول عربية ليّـا ، ونويت على اللانسـر

لقيت في معرض لانسـر 2013 أوتوماتيك، الفئـة الثـانية (اللي هيّا كلاسيك + جنوط .. من غير abs) ، ماشية 11 ألف كيلـو , فبريكـة من بره وجوّه الإكصدام للإكصدام "على حد كلامه اللي ناوي اتأكد منه في التوكيل بإذن الله" .. ولو إن العربيـة حالتها باين عليها ماشاء الله

فمعلش بما إني لسه جديد في العربيات ، فلو ممكن شوية استفسارات .. ويجازيكم ربنا كل خير :16:


- العربيـة مطلوب فيها 114 ألف .. إيه رأيكم في السعر !؟.. مع العلم إنها جديدة بـ 134 تقريبـا

- موضوع إن مفيهاش abs ده فيه ناس خوفتني منه .. خاصة إنها أول عربية ليّا .. إيه رأيكم !؟

- أنا سمعت عن موضوع صاجة الفرامل اللي مبتكونش في العربية في الأول ، وبعد كده التوكيل بيركبه .. إيه حكايتها وأعرف إنها متركبة إزاي !؟

- إيه أحسن توكيل في اسكندرية ممكن أخليه يكشفلي على العربية كلها وأثق فيه ؟.. وتكلفته كام ؟

- عامة,, إيه أهم الحاجات اللي اخد بالي منها وأنا بجيب اللانسـر !؟

متشكــر جدا مقدما ، وأرجو الأخوة هنـا يفيدونـا بسرعة لأني احتمال أخلص في العربية النهاردة :)

نصيحة حاول تزود شوية وتجيب فيها abs لانة مهم جدا

طيب هوا عدم وجود abs في العربية يعيبها !؟

يعني عامة الصفقة مقبولة ولا لا ؟.. 114 وهيا بتتباع جديدة ب 134

أصل حضرتك متنساش انها بتتباع مستعملة .. يعني يا تشيل يا بلاش ، مفيهاش نقاوة

ربنا يوفقك و تشتريها. بالنسبة للسعر معقول قوى تنزل 20 ألف من الزيرو (10 تركيب نمر و عشرة علشان 11.000 كيلو. بس أتاكد أنها فبريكة من التوكيل) موضوع abs ممكن تتنازل عنه لأنها ماشاء الله فراملها حلوة (أنا معايا موديل 2013) و من غير abs .
ماتنساش وانت بتشتريها تكشف على التكييف لانى لاحظت بعض الموديلات تكييفها ضعيف عن التانية. بالنسبة للتوكيل فباذن الله حد من الأعضاء الاسكندرانية يقولك عنه.

طيب ماتجيب شارك احسن واجدد واشيك ؟

اقتباس:

---

المشاركة الأصلية كتبت بواسطة lancer in need

طيب هوا عدم وجود abs في العربية يعيبها !؟

يعني عامة الصفقة مقبولة ولا لا ؟.. 114 وهيا بتتباع جديدة ب 134

أصل حضرتك متنساش انها بتتباع مستعملة .. يعني يا تشيل يا بلاش ، مفيهاش نقاوة

---

زي ما انتا قولت مافيهاش نقاوة وكل واحد علي قد فلوسة
انتا فلوسك هتجبلك حاجة كده عايز بقا تزود وتركب ابي اس وفتحة سقف زود بس سعرها حلو ممكن كمان تخبط معاه في 2000 ولا 1000 كويس جدآآآ
وربنا يرزقق بي الأحسن

اقتباس:

---

المشاركة الأصلية كتبت بواسطة shaddadfalcon1

طيب ماتجيب شارك احسن واجدد واشيك ؟

---

اعتقد الشارك لسه بتنزل 1500 وكما لو نزلت 1600 فا الماتور بتعها ضعيف علي البودي الشارك دي ماتتركبش الا ايفو

ربنا يباركلك فيها
وتستلمها على خير
وابقا طمنا
واهلا بيك منور المنتدى

الف مبروك ربنا ييسر لك الحال وتستلمها علي خير ويبارك لك فيها ويعطيك خيرها ويحفظك من شرها

اقتباس:

---

المشاركة الأصلية كتبت بواسطة mahmoud_anwar

اعتقد الشارك لسه بتنزل 1500 وكما لو نزلت 1600 فا الماتور بتعها ضعيف علي البودي الشارك دي ماتتركبش الا ايفو

---

الشارك من 2012 بتنزل بماتور 1600 سي سي والماتور بسم الله ماشاء الله قوي وعزمه حلو جدا العربيه دية بسبب الكلام اللي طلع عليها اتظلمت في مصر جدا

خلاص يا جمـاعة مفيش نصيـب .. العربية اتبـاعت

ياريـت اللي يعرف لانســر موديل من 2007 لغاية 2013 ، أوتوماتيك ، كيلوات قليلة ، حالة نضيفـة ، من اسكندريــة يقـوللي .. ويكون جزاه الله خيــر

لأني فعــلاً زهقـت من البحــث

وشكــراً ،

هو لازم لانسر
يا ريس ما انت ب 114 الف دول
ممكن تجيب
301 او اليزية
جديد
اية حكمة اللانسر
هى طبعا عربية كويس ومعايا ولسة جديده
بس لية بقى ناوى تدفاع تقريبا 120 الف فى مستعمل

اقتباس:

---

المشاركة الأصلية كتبت بواسطة salah eldin

هو لازم لانسر
يا ريس ما انت ب 114 الف دول
ممكن تجيب
301 او اليزية
جديد
اية حكمة اللانسر
هى طبعا عربية كويس ومعايا ولسة جديده
بس لية بقى ناوى تدفاع تقريبا 120 الف فى مستعمل

---

والله يا باشا انا شكلي كده هعلى شوية واجيب لانسر هاف سبورت ع الزيرو وخلاص ..

بس هيا الفكرة اني كنت عايز اوفر ال 10 - 20 الف اللي بينزلوا من سعر العربية اول ما تترخص ..

وكمان عشان اول عربية ليا ..

مافيش أحسن من الزيرو. كمل عليهم و إستمتع بالزيرو

اقتباس:

---

المشاركة الأصلية كتبت بواسطة lancer in need

والله يا باشا انا شكلي كده هعلى شوية واجيب لانسر هاف سبورت ع الزيرو وخلاص ..

بس هيا الفكرة اني كنت عايز اوفر ال 10 - 20 الف اللي بينزلوا من سعر العربية اول ما تترخص ..

وكمان عشان اول عربية ليا ..

---

طبعا هو القرار قرارك
بس فعلا لية اخاطر واروح اشترى عربية كسر زيرو عشان 10 الالاف فرق
العربية لو لا قدر الله فيها حاجة وانت مختش بالك وشربتها وانا اسف فى اللفظ طبعا
هتدفعك فوق ال 10 الالاف
يا باشا
خليك فى الزيرو اتكل على الله
انا كنت هعمل زيك كدة واشوف حاجة مستعمل واوفر
بس حسبتها لقيت ان اول استخدام دة له متعة تساوى ال 10 الالاف
تحس ان العربيية بتتولد وتكبر على ايدك تبقى عارف قصتها من طأطأ لسلام عليكم

انا متفق معاك جدا ف حكاية كسر الزيرو لانها بتكون تقريبا نفس حالة الزيرو (بس طبعا لازم تكشف ف التوكيل حتى لو ماشية 10 كيلو ) و ف نفس الوقت انت كسبان فرق السعر لان العربيات حاليا اسعارها غريبة اوى و مش متناسبة مع قيمتها الحقيقية

تانى حاجة ,, كويس انك مشترتش العربية دى , ال abs اساسى و مهم جدا و متنستاش انك لما تبيع العربية بعد 7 سنين مثلا , هتكون بتبع عربية ف 2020 مافيهاش abs !!!!!!!!!!

ربنا يوفقك للخير و ان شاء الله تلاقى طلبك

اقتباس:

---

المشاركة الأصلية كتبت بواسطة salah eldin

طبعا هو القرار قرارك
بس فعلا لية اخاطر واروح اشترى عربية كسر زيرو عشان 10 الالاف فرق
العربية لو لا قدر الله فيها حاجة وانت مختش بالك وشربتها وانا اسف فى اللفظ طبعا
هتدفعك فوق ال 10 الالاف
يا باشا
خليك فى الزيرو اتكل على الله
انا كنت هعمل زيك كدة واشوف حاجة مستعمل واوفر
بس حسبتها لقيت ان اول استخدام دة له متعة تساوى ال 10 الالاف
تحس ان العربيية بتتولد وتكبر على ايدك تبقى عارف قصتها من طأطأ لسلام عليكم

---

انا متفق مع الرأي دا. وعايزك انبهك لنقطة ان معظم العربيات اللي بتبقي كسر زيرو بتتباع عشان مشكلة فيها.
بس مش كلة طبعا.
فالو هتشتري بالمبلغ دا بيبقي مناسب لعربية غالية استعمال سنة مثلا ونزلت من ١٦٠ ل ١٢٠ او ١١٠ زي الاوروبي.
والافضل بما ان فيه عربيات بنفس المبلغ اللي معاك وزيرو ومش اقل في الجودة ولا الاداءفا أركب زيرو.
روح بص بصة علي البيجو ٣٠١ وشوف اسعار فطع غيارها واركبها في المعرض وربنا يوفقك للأفضل.
انا كان معايا لانسر بومة ونفسي اركبها تاني. بس انا كنت جايبها ٢٠٠٧ ب ٨٨ الف مانيوال ١٣٠٠ وبعتها في ٢٠١٠
وال ١٦٠٠ الاوتو كاملة كانت ب ١١٢ او ١٢٠.
مع ارتفاع سعرها الحالي مش شايف مبرر يخليني اشتريها تاني وهيا اغلي من سعرها اللي اشترينها بيه من ٦ سنين ونزل عليها موديل جديد من ٣٠٠٨ ولسه بيتحدث.
مع اني بحبها بس انا شايف ان البيجو ٣٠١ صفقة احسن في الوقت الحالي.
وربنا يوفقك في الاختيار.