سكودا فليشيا 1300موديل 98 سنه 98
السرعه 160 على الزراعى اسكندريه
اوكتافيا موديل 2004 -2000 سى سى -150 حصان
السرعه 225 بورسعيد صحراوى
عرض للطباعة
سكودا فليشيا 1300موديل 98 سنه 98
السرعه 160 على الزراعى اسكندريه
اوكتافيا موديل 2004 -2000 سى سى -150 حصان
السرعه 225 بورسعيد صحراوى
السلام علليكم
بالنسبة لموضوع السرعة أنا موجود في الخليج فالسيارات هنا والطرق بتساعد على كده أنا معايا لانسر العادي بتاعي 150 أو 160 وطبعاً أثناء المرور أمام الكاميرات لازم 120 طبعاً ..... لكن جبت بسيارت أصدقائي سرعة 210 كيلو متر بسيارة تويتا كامري 2010 وطبعاً ثابتة على الطريق وجبت سرعة 200 كيلو متر بسيارة مرسيدي 300 اللي هي الشبح موديل 1996 وطبعاً غير الثبات أنا محستش أني مسرع ولكن كأنني ماشي عادي خالص ........
اسمحلى الأوكتافيا 2004 يعنى اوكتافيا a4:
مواتيرها كالأتى:
1600 سى سى 8 صباب 102 حصان تقريبا
1800 سى سى 20 صباب 128 حصان تقريبا
1800 تربو 20 صباب 148 حصان تقريبا
1800 تربو معدل 20 صباب 178 حصان تقريبا
2000 سى سى 8 صباب و 118 حصان تقريبا
2300 سى سى تقريبا ده البيتكلم فى 150 حصان
السرعة القصوى المذكورة اعتقد تيجى من الماتور التربو او 2300 سى سى, لكن ال 2000 العادى مايوصلهاش اعتقد
معقوله هعرف مواتيركم اكتر منكم باشا انا الى مسقط الماتور دة بيدى 2000 سى سى 16 صباب 150 حصان
لو تحب تتاكد اتفضل
SKODA OCTAVIA 2.0 i 16V FSI (150 Hp)
والسرعه القصوى المذكورة فى الكتالوج
على الطبيعه العربيات بتعديها
مثلا سرعتى القصوى فى لانوس 110 حصان فى الكتالوج 185 ولله الحمد قفلت بيها 230 والعادى 215
وبعدين ميوصلش 225 ازاى احب اطمنك كانت الاوكتافيا ممكن تعدى 225 كمان بس خلاص داخل على الرد زون
الماتور 2000 سى سى 8 صباب دة مالوش لزمه اصلا
هنرجع بأه للبدايات:
اكسنت 1999 1300 سى سى: متوسط سرعة 160 لى 170, و وصلت 180 فى حالات نادرة.
سبكترا 2003 مانيوال متعفرتة: متوسط سرعة 190 ل 200, ووصلت ل 210 فى طريق السخنة.
بورا 2000 اوتو: متوسط 180 و فى حالات نادرة 190.
النترا 2005 اوتو: متوسط 190 ل 200
بورا م 2000 تانى اوتو:متوسط سرعة 190 و فى حالات وصلت لل 200
اوبترا 2009 اوتو:اخرها 180
دول كانوا عربيات امتلكتها, لكن كان فيه تجربة لذيذة الأسبوع الفات هبأه اعمل بيها تقرير ان شاء الله ,بكورولا 2008 بفتيس mmt, العربية جابت لغاية 215 ك\س مستريح و اكتر من مرة و انا مشغل التكييف, و بصراحة مكونتش متوقع ده منها. بس الثبات مش احسن حاجة و كان فيه نسبة قلق.
اقصى سرعة 160-180 اتزان كويس على طريق مصر السويس من القاهرة الى مدينة بدر يوميا مبزودش عن 160
الطبيعى 120 لما بكون مستعجل 140 ومبكونش جيبت دواسة البنزين على الاخر بتكون فى نصها
لكن على طريق مصر اسكندرية مبقدرش ازود عن 170/180 مع انى معرض الكوتش وموطيه على شان ترسى اكتر
سكودا فابيا 2004
3سلندر
1200 cc
تحياتى
ابو ادم
اوكتافيا A4 2006 مانوال عربيتى الحاليه .. 210 كم\ساعه ولمسافة 40 كيلو متر متواصله مع التكييف على طريق الكريمات بنى سويف القاهره .. ثبات جيد جدا
فانتازيا 2012 تيبترونك عربية الحاج .. 200 كم\ساعه على نفس الطريق مع التكييف .. ثبات خرافى
اوكتافيا A5 2009 مانوال عربية الحاج القديمه .. 220 كم\ساعه بنزين 95 .. نفس الطريق .. ثبات ممتاز
أوبل فيكترا 1995 مانوال عربيتى القديمه .. 210 كم\ساعه ومصورها على 200 وشويه .. نفس الطريق ..ثباتها ممتاز
http://nileup.com/up/uploads/nilemotors_13705825042.jpg
هيونداى الانترا 2010 مانوال عربية جوز اختى .. 210 كم\ساعه .. نفس الطريق وثباتها زفت
http://nileup.com/up/uploads/nilemotors_13705809752.jpg
بى أم 328i اتوماتك 3000 سى سى كابورليه .. 240 كم\ساعه .. وعملت بيها حادثه والحمد لله بس مش على السرعه دى أكيد
هيونداى فيرنا 2010 مانوال عربية صديق .. 200 كم\ساعه الطريق الغربى .. ثبات زفت بردو
http://nileup.com/up/uploads/nilemotors_13705825041.jpg
هيونداى اكسنت 2011 .. 200 كم\ساعه .. الكريمات وثبات زبااااله
http://nileup.com/up/uploads/nilemotors_13705817671.png
فى بقى حاجات عاديه زى الانسر والنيسان والسيراتو ودول معدتش 180 بيهم ومش معايا ليهم صور
واخيرا السياره الأسطوره . الفيات الريجاتا موديل 80 .. وجبت بيها 180 بس صورتها على 170 .. طبعا كنت حاطط بنزين 92 وكنت على منزل جامد والعربيه سخنت جامد ووقفت ازود ميه .. الثبات اسطوره اسطوره اسطوره واتشاهدت على روحى 100 مره والمصيبه انى مكنش معايا فرامل بس هو الطريق ده كده بيغرى فى الجرى
http://nileup.com/up/uploads/nilemotors_13705809753.jpg
فاضل عربيتين وتقفل الالبوم ههههه
باشا طبيعى محدش ملم بكل حاجة, بس اولا انا كلمتك عن الماتور ال 2000 سى سى الوحيد الشفته البينزل ف البورا و الباسات القديمة و الأوكتافيا a4 فى مصر هنا. وممكن حضرتك تخش على الموقع الهحط اللينك بتاعو تتأكد بنفسك
Škoda Octavia - Wikipedia, the free encyclopedia
. لكن الموتور الحضرتك ذكره ده نازل المفروض فى الجيل الأحدث البيسموه عندنا أوكتافيا a5, و بره بيسموها اوكتافيا 2, الغريب ان الموقع الحضرتك جايب منع المعلومة حاطط صور لأوكتافيا الشكل القديم و الجديد و مسمى الأثنين اوكتافيا ii, عموما اعتقد تكنولوجيا ال FSI ديه منزلتش فى الاجيال القديمة من الفولكس و السكودا, و اعتقد الأوكتافيا ال a4 غير مؤهلة انها تنزل مواتير من من الجيل الأحدث. و فى الأخر الله أعلم بردو.
160 ك / س لادا 2003 مصري .. اتزان مقبول علي الطريق الصحراوي
180 ك / س فيرنا علي طريق مصر اسكندريه الزراعي - اتزان سئ
200 ك / س النترا علي طريق اسكندريه الزراعي - كنت هاعمل حادثة بيها يوميها لان اتفاجأت بطوب علي الطريق عن التوفيقيه والعربيه لفت مني كتير وفي الاخر الاكشاك علي الطريق وقفتني عشان يهدوني وشربوني ليمون عشان اعصابي
200 ك / س علي الصحراوي يوم فرحي بعربيه سيراتو (اجمل عربيه ركبتها حسيت انى راكب طياره)