الموضوع: طحينه....هاتولي ميكانيكي

بسم الله الرحمن الرحيم
للاسف ظهرت الطحينه علي الغطاء بتاع فتحه تزويد الزيت....خفيفه بس طحينه
1- الحمد لله الحراره مش بتزيد عن 90 حتي وانا ماشي علي 120
2- الحمد لله لما شوفت الزيت من المقاس مفيهوش طحينه
3- الحمد لله لما غيرت الزيت الزيت القديم برضه لونه كويس....ولكن برضه بعد ما غيرت الزيت بلاقي طحينه علي الغطاء وكام نقطه ميه .
4- الحمد لله مفيش ميه بتنزل من الشكماان حتي لما بزود بنزين جامد.
5-الميه مش بتقل (غير بسيط قوي)وخضراء ولونها كويس.
يا تري اعمل ايه دلوقتي هل كده الجوان بدا يسرب وعايز يتغير ولا فيه حاجه تاني......ولو بدا وعايز يتغير انا عايز اعرف ميكانيكي كويس اتعامل معاااه لاني لسه متعاملتش مع حد في الفليشيا وعايز واحد بيفهم(العربيه بقالها معايا 3 شهور)
ان قريت مشاركات قديمه ولقيت كله بيتكلم علي البلوك سيل والبن اجربهم ولا ايه ؟
يا ريت لو حد يعرف ميكانيكي كويس يبلغني بيه انا ساكن فالعبور وشغلي فمدينه نصر يفضل لو قريب من مكان فيهم .
لكم جزيل الشكر ومنتظر ردودكم الجميله