نصيحة للاعضاء فى شراء فلاتر التكييف الاصلية

السلام عليكم ورحمة الله وبركاته
من اسبوع اشتريت فلتر تكييف للانترا و انا واقف فى المحل و مجرد مامسكت الفلتر قولت دة مضروب وش لانى عارف شكل الاصلى
الاصلى بيكون فيه زى صوف او وبر و المضروب عامل زى مايكون ورق مقوى و فيه مسامات و بيتسد بسرعة جدا و واضح من جودته انه زى الزفت
المهم اشتريته و قولت اجربه سعره 40 جنيه و محطوط فى علبة موبيس بس باين عليه اوى انه مضروب لا موبيس ولا بتاع
المهم جربته يومين كان كويس بس مش زى الاصلى طبعا الهوا كان طالع كانه مكتوم شوية
اليوم الرابع لقيت التكييف بقى مروحة !!!!
روحت لبتاع التكييفات اللى بتعامل معاه قاس الشحن قالى مش محتاجة شحن خالص
غسل السربنتينة بمسدس المياه اتحسن شوية
خرجنا الفتلر نضفه بضغط الهوا بقى احسن شوية بس برضو التكييف عادى مش زى الاول
مشيت من عنده قولت افك الفلتر و اجرب التكييف من غيره
بجرب التكييف من غير الفلتر كنت هاتجمد من البرودة و شدة الهوا
قولت يبقى المشكلة فى الفلتر الزبالة دة و ركبت الفلتر القديم لقيته اخر حلاوة
الاصلى اصلى يا جماعة حتى لو غالى
روحت جبته من التوكيل بـ 247 جنيه و التانى رميته فى الزبالة
نصيحة محدش يشترى فلتر التكييف غير الاصلى او من موزع معتمد

شكرا على نقل التجربة
فلتر تكييف النترا 2008 ب 247 ؟؟

ايه الفلتر دا !! بيقول بابا وماما
غالى جدااااااااا

وللعلم ,, الى اعرفه ان الفلتر ملوش لازمه الا فى حاله انك بتخلى الهوا يدخل من بره العربيه انما لو قافل الفنتيليشن ملوش لازمه

اقتباس:

---

المشاركة الأصلية كتبت بواسطة blazer

ايه الفلتر دا !! بيقول بابا وماما
غالى جدااااااااا

وللعلم ,, الى اعرفه ان الفلتر ملوش لازمه الا فى حاله انك بتخلى الهوا يدخل من بره العربيه انما لو قافل الفنتيليشن ملوش لازمه

---

ابقى شوف الفلتر بعد شهر واحد وانت قافل الدورة وانت تغير رايك

اقتباس:

---

المشاركة الأصلية كتبت بواسطة eslam_nagy

ابقى شوف الفلتر بعد شهر واحد وانت قافل الدورة وانت تغير رايك

---

+111111111111

الف شكر يا باشا على التحذير بس الفلتر غلي قوي كده ليه ؟؟؟؟؟؟
ده كان ب175 جنيه وكنت مستغليه :o

اقتباس:

---

المشاركة الأصلية كتبت بواسطة mahmoud_afifi

الف شكر يا باشا على التحذير بس الفلتر غلي قوي كده ليه ؟؟؟؟؟؟
ده كان ب175 جنيه وكنت مستغليه :o

---

اكيد عشان الدولار و كل سنة و انت طيب يا محمود انا و انت عيد ميلادنا النهاردة :)

انا شاريه 65 جنيه لنيو اكسنت وكان وبر مش ورق وشغال ممتاز
من ابو العلا فى شارع دمشق

اقتباس:

---

المشاركة الأصلية كتبت بواسطة Hacker5

اكيد عشان الدولار و كل سنة و انت طيب يا محمود انا و انت عيد ميلادنا النهاردة :)

---

الدولار غلى كل حاجه :((
وانت بألف صحه وسلامه يا محمد يا توأمي وكل سنه وانت طيب برضه وعقبال 100 سنه :grin54:

اكيد سعرة مرتفع جداً
كتتتتير جداً من 40ج الى 247ج فى فلتر
وبعدين مش كل شوية نقول اصل سعر الدولار زاد
يعنى هو زاد على الالنترا بس
طيب ياريت نعمل مقارنة بين فلتر الالنترا وبين العربيات التانية من نفس الفئة
هتلاقى الفرق مش فى صالح الالنترا
كتتتتتير جداً 247 ج
بلاها تكيييف خالص

نيو اكسنت 65 جنيه وزى الفل وهوة هواة بتاع الينترا

فلتر تكيف الفيرنا
سألت عليه وانا بعمل صيانة ال 5 ألف قالى 400 جنيه
.........................................
قول بقى انت اللى عايز تقوله
انا قريبى شاريه من محل بره ب 65 جنيه ومعرفش نوعه ايه واكيد مش اصلى
ومشوفتش التكيف بعد ما ركب
منه لله غبور