هل أنا مجرم

**reda elgohary** · 27-05-2013 04:34 PM

الموضوع باختصار كنت ماشى بالموتوسيكل من طريق فيه كمين للمرور وأنا داخل عالمرور أفتكرت أن انا رايح الشارع اللى قبل الكمين لآن ده هيوصلنى أسرع ،وقفت ورجعت لقيت أمين شرطة بينادي عليا وقفت وبعدين رحت له بالموتوسيكل ،المهم شاف الرخص والبطاقة وكارنيه الشغل،،لحد كدة مفيش مشكلة ،،المشكلة أنه عاوز يفتش الشنطة ولما أعترضت قال لى طب تعالى للظابط قلت الموضوع هياخد وقت وأنا مستعجل ،قلت له طب هات الرخص والبطاقة وبعدين خد الشنطة،المهم فتش الشنطة وقال لى مع السلامة : أنا عاوز أعرف هل يحق له تفتيش الشنطة ولا لأ ؟؟ بالله عليكم أفيدونى لآنى محروق دمى فعلا .

**Dr.Mostafa Anwar** · 27-05-2013 05:09 PM

للأسف تصرفك خلاه يشك فيك خاصة إن اليومين دول الدنيا لبش ومعظم اللي راكبين موتسكيلات "الصيني بالذات"مسجلين خطر وبلطجية وديلرز .. لكن قانونيا أظن مش من حقه يفتشك إلا بإذن من النيابة

**reda elgohary** · 27-05-2013 05:25 PM

المشاركة الأصلية كتبت بواسطة dr.mostafa anwar

للأسف تصرفك خلاه يشك فيك خاصة إن اليومين دول الدنيا لبش ومعظم اللي راكبين موتسكيلات "الصيني بالذات"مسجلين خطر وبلطجية وديلرز .. لكن قانونيا أظن مش من حقه يفتشك إلا بإذن من النيابة

أنا معايا رخصة قيادة موتوسيكل ومرخص الموتوسيكل بتاعى وكل ورقى سليم ،،أنا متضايق عشان موضوع تفتتيش متعلقاتى .هل ده يجوز؟؟؟

**Ahmed_selmy** · 27-05-2013 05:33 PM

هو فعلا تصرفك اللى خلاه يشك فيك.......بدليل انه لما ملقاش حاجه وكله تمام خلاك تمشى علطول, بس قانون بصراحه معرفش.

**graffittiii** · 27-05-2013 05:35 PM

بص ياباشا حط نفسك مكانه ...

واحد كان داخل علي الكمين وفجأة وقف ولف يدخل من الشارع اللي قبله .

يبقي يإما مش معاه رخص يإما معاه حاجة خايف يدخل بيها الكمين .

هو لو معملش كده يبقي وقفته زي عدمها .

وأنا عن نفسي مش شايف أن في مشكلة أن ضابط يفتش الشنطة طالما أنا عملت حاجة مثيرة للإشتباه

ماتخدش الموضوع بحساسية المفروض تفرح أنه أهتم يعرف في إيه .
.

**reda elgohary** · 27-05-2013 05:43 PM

والله يا جماعه أنا معنديش مشكلة أنه شاف الرخص ،،بس بصراحة حسيت أن أنا مجرم وبتفتش،،ع فكرة أنا كنت ظابط ف الجيش برتبة ملازم أول .

**KemozTanta** · 27-05-2013 05:44 PM

طبعا تصرفك يتفهم انه هروب من الكمين ! يبقي خايف من حاجة فاوقفك.
وعموما قانوناً مش من حقة يفتشك شخصياً او يفتش الشنطة لكن من حقة يحتجزك لصدور أذن النيابة
يعني كان ممكن تتمسك برفضك تفتيش الشنطة وهو يتمسك باحتجازك للأشتباه لحد صدور اذن نيابة.. ايهما اقرب بقي يفتشك وتطمنة ونخلص ولا نستني اذن نيابة ونفضل في القسم يوم ولا اتنين
قول الحمد لله ان في كماين ومفتحة عينيها.

**graffittiii** · 27-05-2013 05:47 PM

المشاركة الأصلية كتبت بواسطة reda elgohary

،،بس بصراحة حسيت أن أنا مجرم وبتفتش

ياباشا طيب ماهو الناس كلها بتتفتش في المطار ... معني كده أن كلهم مجرمين !!! .

**reda elgohary** · 27-05-2013 11:01 PM

عندك حق أقنعتنى .

**hussein** · 27-05-2013 11:42 PM

طبعا مش من حقه يفتشك ولا يحتجزك
ولو احتجزك دى جريمة

الموضوع: هل أنا مجرم

LinkBack

أدوات الموضوع

عرض

-

-

-

-

المواضيع المتشابهه

ادهم الشرقاوى مجرم سفاح ام اسطوره نضال (مرفق ملحمته بصوت محمد رشدى)

كارلوس مجرم إرهابي عتيد؟؟؟؟ أم ثائر مجاهد بطل؟؟؟؟(مع انه مش مربي دقنه)

مخالفة بيئة خليتني مجرم

الكلمات الدلالية لهذا الموضوع

المفضلات

المفضلات

ضوابط المشاركة