-
استفسار هام
السلام عليكم ورحمة الله وبركاتة
انا عندى استفسار مهم جدا قبل ما اروح التوكيل علشان اعرف راسى من رجلى
انا سافرت بالعربية النيسان صنى الشكل الجديد سوهاج العزيزة بعد ما عملت صيانة ال5000 وانا ساسا لسه 4100 كيلوا وتمام التمام
المهم انا كان عندى فرة كاوتش كانت ملحومة والحمد لله نامت على الطريق وانا على 160 وربنا ستر وغيرتها واتسترت من عند ربنا
بعد كده كل ما امشى بالعربية فوق ال130او 140 اسمع صوت تزيقة جامد من ناحية الشمال وكان العربية حد بيزقها للجنب اليمين كده وده حصل مرة واحدة قلت مش مشكله بصيت عليها وقلت يمكن تريييحة للعفشة المشوار برضو تقيييييييييل
وانا راجع القاهرة الكريمة العربية بقى اول ما تعدى 140 بالظبط على العداد تعمل نفس الحركة انا بصراحة اترعبت وكمان كان فى هو على الطريق مزدتش عن 100
سوالى بقى ايه رايكم فى اللىبيحصل وياترى سببة ايه قبل ما اروح التوكيل
-
اولاً حمد الله على السلامة
انا سمعت ان الشكل الجديد في عيوب كتير والشكل القديم عيوبه اقل
بس نصيحة اول ما تلاقي مشكله في العرابية روح جري على التوكيل طالما العرابية في الضمان ولو اتكرر مشاكل العرابية تجري على حماية المستهلك وتقدم شكوي بس كل ورقة تاخدها من التوكيل تصورها علشان لو رجعتها للشركة
وانشاء الله تكون بسيطة
-
انا مش عايز افتي في حاجة بس بما انه الاستبن و الفرده نامت ع سرعه عاليه راجع على الضغط و الترصيص و الزوايا و مش هتخسر حاجة
-
بعد فترة من المشي بالكاوتشات الجديدة الكاوتش بيطبع على الطريق وبيتبري شوية حسب طبيعة الطريق اللي بيتمشي عليه كتير .. وطبعا التطبيع ده بيكون للأربع فرد كاوتش مع بعض .. رسمتهم بتتبري بشكل معين .. لم بتغير فردة كاوتش وتركب استبن جديد لسه مطبعش ولا اتبرى بيغير شوية في اتزان العربية مع السرعات ف انت لو ركب الكاوتش القديم هتلاقي الرعشة دي راحت خالص ان شاء الله
Content Relevant URLs by
vBSEO 3.6.0 PL2