يا رجالة أنا مسافر إسكندرية بعد الفجر علطول النهاردة إن شاء الله ... كنت عايز أعرف نظام الطريق بالنسبة لو في رادارات ثابتة أو متحركة و أماكنها و لو فيه نقر و لا مطبات ولا حاجة أنا هسافر من الصحراوي إن شاء الله
عرض للطباعة
يا رجالة أنا مسافر إسكندرية بعد الفجر علطول النهاردة إن شاء الله ... كنت عايز أعرف نظام الطريق بالنسبة لو في رادارات ثابتة أو متحركة و أماكنها و لو فيه نقر و لا مطبات ولا حاجة أنا هسافر من الصحراوي إن شاء الله
وانت تخاف من الردارات ليه ؟؟
امشى عدل يحتار ردارهم فيك :)
توصل بالسلامه
اى طريق فى مصر دلوقتى ممكن تلاقى الاهالى عملين مطبات بلدى كدة على طريق سريع من غير يفت او فسفور وانت لو بتجرى تاكلة ويدغدغ العربية حصلت معايا ومتجريش علشان لو قابلك مطب تعرف تلم العربية ولو وراك حد كل المطب احسن ما يلبس فيك
أهم حاجه ماتقفش على جنب الطريق مهما حصل, و لو عاوز تريح شوية أو تحط بنزين يبقى داندي مول أو الماستر, غير كده ماتقفش
و توصل بالسلامة إن شاء الله
you can ask Bey2ollak application if you have a smart phone
Regards
توصل سليم ولا توصل بسرعة ؟؟؟
مون بنزينك و شيك على الكاوتش واشحن تليفونك واكلك وشربك فى العربية وما تعديش ال120 علشان لا قدر الله اى حاجة تقدر تتلحق واستمتع بالطريق وتوصل بالسلامة باذن الله
الطريق حلو مش وحش مافيش الا شويه مطبات عند الماستر وشويه جماعه بيبعو حاجات والطريق جميل وبقى تحفه والحارات واسعه اهم حاجه خلى بالك على نفسك وربنا يجيبك بالسلامه
الطريق بإذن الله مفيهوش اى حاجه
بس خد بالك من التحويلات خصوصا آخر تحويلتين قبل الاسمندرية وانت رايح و انت راجع فيهم تكسير ومطبات خصوصا وانت راجع
الطريق زي الفل و الفجر هيبقا الجو حلو ، حط بنزين بس و خد معاك مايه و كانز عشان متحتاجش تقف في الطريق و تروح و ترجع بالسلامه ان شاء الله
ألف شكر ليكوا يا رجالة الحمد لله رحت و رجعت بالسلامة بفضل توجيهاتكوا متشكر فعلا لكل و احد فيكوا الطريق جميل جا ماعدا فعلا التحويلتين اللي قال عليهم Blazer
حمد الله على سلامتك.