الموضوع: هام جدا بخصوص التيل وصفارة الفرامل ...... وتحذير !!

إليكم تجربتي الشخصية :

كنت في مشوار في المعادي في عز الظهر في اليومين الحر جدا اللي فاتوا ، وأثناء الضغط على الفرامل انا متعود أسمع صوت صفارة ( عادي جدا) لكن صوت الصفارة صحبه صوت حديد بيحك في بعضه لدرجة ان السيارات اللي بجانبي بدأت بالنظر بشده ، لم أستطع الانتظار وحجز موعد في التوكيل ، ذهبت لأحد الورش في مدينة نصر متخصصة في الفرامل فقط قلت له اكشفلي على التيل وغيره لو عايز يتغير وإليكم المفاجأه :

1) بعد فك التيل وجد التيل سليم وسميك بس الطنابير متآكلة !!!!!! ، (العربية ماشية 14000كم فقط) طيب والحل يا أسطى ناصر لازم تخرط الطنابير يا بيه ، طيب والتيل موجود عندك ؟ لا يا بيه حأفك الحشو بتاعه وأركبلك ليه حشو ألماني ، وفعلا قمنا بخراطة الـ 4 طنابير بـ 80 جنيه وقام بتركيب حشو تيل ألماني بـ 60 جنيه ، وتم معالجة المشكلة تماما من حيث الصفارة ومن حيث تآكل الطنابير .

الدروس المستفادة :

1) التيل سئ جدا وناشف مما يؤدي إلى تآكل الطنابير قبل التيل وكذلك هو مصدر الصفارة.
الحل :
احرص على تبديل التيل حتى لو السيارة جديدة لأنه سيسبب تآكل وتلف الطنابير.

2) لا تعتمد على التوكيل في كل شي فالتوكيل ايدك منه والأرض والإجابات ستكون كثيرة ومؤدبة ولكنها ليست واقعية ومنها :
1) حضرتك أول واحد يشتكي من صفارة الفرامل !!! ماحدش اشتكى منها قبل كده ؟!!!
2) التيل اللي موجود عندنا نفس نوعية التيل اللي راكب عند سيادتك يا افندم ولسه الشحنة الجديدة ما وصلتش !!! ، ولما توصل إذا وصلت
تكون الطنابير كلها في الباي باي !!.

3) من تجربة شخصية أي حاجة تقدر تعملها بره التوكيل اعملها بفلوس وريح دماغك واشتري وقتك لأن التوكيل وكّيل فلوس جامد ومش بيحل

انا شايف ان حقنا ان الوكيل يتحمل كل دة ونعمل حاجة بقى كفاية كلام !!!!!

لازم يشترى هوه التيل الجديد او يتفق مع احد الموردين او التجار لحماية الطنابير من التآكل !!!!

و هو اللى يتحمل كل حاجة تركيب وثمن الجديد !!!

كفاية تهااااااااااااااااااااااا اااااااااااااااااااااون بقى
وانا مستعد اروح مع اى حد فى اى مكان للوكيل لابو الفتووووح و نفهمة اللى بيحصل !!!

وان الطنابير بدأت تتآكل !!!!