عرض للطباعة
السلام عليكم
يا شباب انا لسة عضو جديد فالمنتدى انا بصراحة سجلت لأنى بواجه مشكلة ف عربيتى و هى ان العربية بتطلع دخنة بيضة من ورة و طبعا روحت ل ميكانيكيا كتير و كل واحد يقولى سبب مختلف عن التانى فا انا حبيت اعرض عليكم الموضوع و عشمان انكم تساعدونى .. للعلم انا كنت عامل تنضيف كاربيراتير من فترة حوالى شهرين و الدخنة دى بدأت تظهر من بعد عملية التنضيف ب اسبوع و نص تقريبا .. يا ريت تساعدونى لأنى كرهت العربية بسبب الموضوع دة
منتظر الرد
شكرا :)
العربية سيتروين zx
الدخان الاسود نتيجة لخلل منظومة الوقود الكربراتير عند حضرتك اما الدخان الابيض نتيجة لخلل بمنظومة الزيت شمبر خفيف كده حضرتك هتحتاج لنصف عمرة
اولا انا متشكر على ردك .. الدخنة دى بتطلع لما بكون ماشى طبيعى و رجلى ثابتة على الدواسة و فجأة اضغت بنزين ف لما بابوس فالمراية بلاقى كمية دخنة بيضة طلعت من ورة .. انا روحت مركز الصيانة بتاع سيتروين اللى على دريق بلبيس الصحراوى , المهندس اللى هناك قالى دة كاربيراتير بيضخ بنزين زيادة فا بيعمل الدخنة دى .. فا انا مش عارف بقى اعمل ايه
استحالة البنزين الزيادة يطلع دخان ابيض ابدا زيادة ضخ بيكات الكابرتير للوقود تظهر علي هيئة دخان اسود نتيجة لعدم احتراق كمية الوقود كلها وعلي العموم انتظر باقي الاعضاء يمكن يكون عندهم راي تانياقتباس:
المشاركة الأصلية كتبت بواسطة أحمد عاصم
الدخان الأبيض ناتج من حرق الزيت المتبقى على جدران غرفه الأحتراق والناتج من عدم حبك حلقات البستم (الشنبر ) اما الدخان الأسود فده أول أكسيد الكربون والناتج بسبب عدم تناسق نسبه البنزين الى نسبه الهواء الداخل ( ده ناتج من ان حد بدل البكات ) ركب واحد واسع بدل اللى مفروض يركب أوعى يكون الميكانيكى اللى أسمه محمد الأبيض اللى فى زينهم ؟ نفس الموقف ده عمله معايا والعربيه بدأت تدخن أسود وملاقتش مقاس البك المظبوط بتاعها ركبت الأصغر هو الأصغر كويس وفر فى البنزين بس ضيع عزم العربيه فى الطلعه وهى بارده لازم أشغل الشفاط او أستنى لما تسخن وأبدأ أتحرك ياريت على كده وبس بدل بك السلانسيه الأصلى الكهربى وركب واحد من عنده ملعوب فيه ملغى كهربته (شغال عادى ) وخد الأصلى اللى تمنه استيراد ما يقلش عن 200 ج وحطلى واحد من عنده حسبه ب 60 جنيه الله لا يسامحه يبقى يصرفهم فى المستشفيات ان شاء الله
طقم شنبر يا باشا دة كدة الزيت مش بيترق كويس وبيهرب وبيطلع عن طريق الشكمان
والفيصل فى الموضوع ده هل العربيه بتاكل زيت ؟ يعنى لو انت بتغير الزيت على 5000كم فى نهايه المده بتلاقى الزيت تحت العلامه السفليه ؟ ولا بيفضل فى النصف زى ما هو ؟
لا العربية مش بتاكل زيت انا بصيت على مقاس الزيت امبارح لقيتو زيادة ب حوالى 10 سم فا ممكن يكون الزيت الزيادة هو اللى ممكن يعمل كدة ؟
نصف عمرة
انا لسة جاى من مركز الصيانة بتاع سيتروين على طريق بلبيس الصحراوى قالولى اغير كاوتش صباب و حجات كتير كدة و لو ماتحلتش يبقى طقم شنبر و فى واحد ميكانيكى قالى عشان تريح نفسك غير موتور .. انتو رأيكو ايه ؟
رايي تفك وش السلندر وتغيرله كاوتش صباب واويل سيل وتبص بصه على الشنابر والشمايزاقتباس:
المشاركة الأصلية كتبت بواسطة أحمد عاصم
لان الدخان الابيض مبيخرجش من سببين يا شنبر يا كاوتش صبابات واويلسيلات وش السلندر
الدخان الابيض يعنى زيت بيدخل الغرفه لو بيدخل من فوق يبقى وش السلندر ولو من تحت يبقى الشنبر
أنا رأيي تسقطلك موتور جديد و ترحم نفسك من الفيلم ده كله ، الشغل فى الموتور اه ممكن يحللك الموضوع بس فرصة انه ميتحلش موجودة برضه بنفس النسبة و تقعد تلف حوالين نفسك و فى الاخر برضه تجيب موتور ، طب ما كان من الأول....
انا لحد دلوقتى سايب العربية مركونة تحت البيت و معملتش فيها حاجة و بصراحة خايف اروح ل اى ميكانيكى الدنيا تخرب اكتر
انا بفكر ف موضوع الموتور الجديد بس معنديش خلفية عن سعره و لو هاجيب موتور هاجيب نفس السى سى ولا اعلى و هايكون بكام و منين و الترخيص بتاعه.. فا يا ريت لو حد عندو خبرة فالموضوع دة يفيدنى
خليك في موتور الاكسارا 1600 احسن ماتور معمر جدا جدا جدا وده هيعمل 3000 بالفتيساقتباس:
المشاركة الأصلية كتبت بواسطة أحمد عاصم
انا لسه مغير موتور جديد وهربت من الاكسارا لانه لازم ضفيره وكارته وتقلب انجكشناقتباس:
المشاركة الأصلية كتبت بواسطة honda_lover
انا جبت موتور اكسارا برضو 1400 بس قلبته كاربراتير وميزته انه زهر غير الالومنيوم اللى فيها
انا فعلا فكرت فالموتور ال 1600 اكسارا بس زى ما الاخ مسعود قال لازم تعديلات كتيرةاقتباس:
المشاركة الأصلية كتبت بواسطة honda_lover
طيب يا ريت تقولى انت جبت الموتور منين و سعره عامل كام مو ايه الفرق بين الزهر و المونيوم و ايه اجراءات الترخيص ؟؟ و هل احتاج تعديل و لا ركب على طول يا ريت تفيدنى عشان لو كدة اغير موتور على طولاقتباس:
المشاركة الأصلية كتبت بواسطة rotanamasoud
الزهر افضل بكتير من الالومنيوم (عمر وسهوله صيانه)اقتباس:
المشاركة الأصلية كتبت بواسطة أحمد عاصم
الفروق سير تقسيمه الالومنيوم 108 سنه والزهر 101(مش فاكر الارقام بالظبط)
طرمبه الميه فى الزهر داخل البلوك وفى الالومنيوم خارج البلوك
دى الفروق الاساسيه غير طبعا اهم حاجه ان ده بلوك زهر وده بلوك الومنيوم
كل الفروق لا دخل لها بالتركيب لان القواعد واحده
الفرق الاخر ان موتور الاكسارا انجكشن وموتورنا كاربراتير فبتخلع الجزى بتاع الانجكشن وتركب الكاربراتير بتاعك هو ده التعديل الوحيد وتسقط الموتور
انا كنت حجيب ال1600 لاكن للاسف الجزى بتاع الكاربراتير بتاعنا لا يركب بدل الجزى الانجكشن فى وش السلندر جاتلى فكره اخرى وهى انى اركب وش السلندر بتاعى على البلوك ال1600 ولاكنى ممكن اواجه مشكله التسقيف لاختلاف نسبه الانضغاط ففضلت الابتعاد عن التجارب واشتريت المضمون
جميع ما سبق ناتج من خبره عمليه ارجو الاخذ به
البلوك انا اشتريته ب1800 و100 تخليص افراج (ورق)
اللى اشتريته كان فاضى بدون مرش ودينمو وفتيس و الانجكشن
يعنى ممكن تجيبه كامل (بدون الانجكشن ب2500-3000) وتركب الكاربراتير وتسقط على طول (حسب الاجزاء السليمه عندك)
اثبات الموتور على الرخصه لسه مثبتهوش عند الفحص
جبت الموتور من اسكندريه
شكرا عالافادة انا ان شاء الله هاعمل زى ماحضرتك عملت كدة و ربنا يسهل :)
بص يا كبير حكاية الدخنة البيضة دى وش ع طول عربية عوزة نص عمرة ودى مفهاش كلام ولا نقاش والى قالك غير كدة يبقى مش مكانيكى
احسلك خدها نصية لتعملة عمرة او تجيب متور بس يكون معاك حد بيفهم فيهم لو انت بتفهم اتكل ع الله
شكرا عالنصيحة , طيب و انهى افضل عمرة ولا موتور استيراد ؟اقتباس:
المشاركة الأصلية كتبت بواسطة boy zizo
هو اى عربيه تطلع شويه دخنه بيضاء أروح أعمل نصف عمره ( شنبر ) ؟؟؟؟؟؟؟؟؟؟؟؟؟؟؟؟؟؟؟؟؟ السوءال هنا هل العربيه عزمها ضعيف ؟ يعنى مع الحموله وفى المطالع بتعمل فضيحه ؟ والسؤال الأهم لما تيجى تغير زيت بتلاقى نصف كيلو فقط نازل من الموتور ؟ هل كل يومين تلاته تضطر تزود زيت لأن الزيت بينقص جامد؟ جربت تستخدم زيت تقيل (زيت شمبر ) وما جابش نتيجه ؟هى دى الأحوال اللى أكون مضطر لعمل نصف عمره مش اطلع أجرى اعمل طقم شنبر واللى يقولى غير موتور ......... وهى فى حاجه الأيام دى بتتعمل صح ؟ ولا أحنا بنلاقى الفلوس ؟اقتباس:
المشاركة الأصلية كتبت بواسطة أحمد عاصم
لا العربية بتسد ف اتخنها مطلع و بيكون فيها حمل و بكون عالتانى كمان و مش بتسقف و الزيت مش بينقص غير تقريبا ربع كيلو و طبيعى مش بزود زيت كل يومين تلاتة هو بغير زيت و بمشى بيه الكيلوهات المحددة و بعد كدة بغيره و مرة كنت بغير زيت فالبنزينة و حكيت للراجل اللى بيحصل فا قالى حط زيت شنبر و حطيتوا بس برضو بدون نتيجة معملش حاجة يعنى الدخنة هيا هيا .. العربية واقفة بقالها فترة و انا مش عارف اعمل فيها ايه و حيران فانا عايز اعمل الاصلح ..اقتباس:
المشاركة الأصلية كتبت بواسطة fo1fo
قولتلك من الاول لو المكنه سليمه فك وش السلندر وحيطلع الشغل فيه
ربنا يسهل ان شاء الله هاروح بكرة للميكانيكىاقتباس:
المشاركة الأصلية كتبت بواسطة rotanamasoud
ادعولى انا داخل على منعطف تاريخى :00020191:
وش السلندر... I think
[quote=أحمد عاصم;3875028006]لا العربية بتسد ف اتخنها مطلع و بيكون فيها حمل و بكون عالتانى كمان و مش بتسقف و الزيت مش بينقص غير تقريبا ربع كيلو و طبيعى مش بزود زيت كل يومين تلاتة هو بغير زيت و بمشى بيه الكيلوهات المحددة و بعد كدة بغيره و مرة كنت بغير زيت فالبنزينة و حكيت للراجل اللى بيحصل فا قالى حط زيت شنبر و حطيتوا بس برضو بدون نتيجة معملش حاجة يعنى الدخنة هيا هيا .. العربية واقفة بقالها فترة و انا مش عارف اعمل فيها ايه و حيران فانا عايز اعمل الاصلح ..[/quot
الحل أعمل زيى ماتبصش وراك فى المرايه
يا باشا ماينفعش لازم نراعى شعور الغير برضو و بعدين بتبقى شكلها وحش بحس انى عربية نموس ماشية فالشارع , انا روحت ل ميكانيكى انهاردة و حكيتله القصة قالى دور كدة و راح قعد على ركبه ورة العربية قدام الشكمان و دورت قالى دوس بنزين جامد و كانت النتيجة انى اول ما دوست الراجل كان هايروح فيها و قعد يكح من كمية الدخنة اللى طلعت ف وشه قالى دة طقم شنبر و اذا ماكنش فى بستم مكسور ولا حاجة و قالى ماينفعش تعمل فيها حاجة دلوقتى عشان الحر استنى لما الصيف يخلص
هى شويه دخنه ولا عربيه رش ناموس ؟ الدخنه البسيطه زيت شل الأحمر جاب معايا نتيجه كويسه وبيتغير من 2000 الى 3000كم وسعره 75 جنيه تقريبا ............ اما لو عربيه رش ناموس يبقى لازم تعمل شغل فى الموتور وأبدا بكوتش الصبابات زى بعض الأخوه ما قالو ومش هاتوصل لتغيير ماتور ان شاء الله أفتح وشوف على رأى الميكانيكى كل اللى بنقوله أجتهادات المهم اللى ها يشوف بعنيهاقتباس:
المشاركة الأصلية كتبت بواسطة أحمد عاصم
كمية الدخنة بتتحدد حسب دوسة البنزين و هو قالى دوس جامد فا دوست و عشان كدة طلعت دخنة كتيراقتباس:
المشاركة الأصلية كتبت بواسطة fo1fo
انا لسة معملتش حاجة فالعربية هاجرب الزيت اللى حضرتك قولت عليه و يا رب يجيب نتيجة
انا احترت جدا فالمشكلة دى والله