الموضوع: عندى مشكله مش لقيلها حل :(

المشاركة الأصلية كتبت بواسطة el diesel

بص يا سيدى والكلام عن تجربة استخدامك للبرامج زى جوجل مابس او نوكيا ماب لو معاك تليفون نوكيا اولا هايبقى الموضوع مكلف لو الجهاز مافيوش gps و هايعتمد على الانترنت فقط وثانيا انت كل اللى هاتعمله انك هاتسمع الارشاد الصوتى وهاتمشى يمين وشمال وانت مش عارف انت فين و كده مشكلتك مش هاتتحل وخصوصا ان البرامج دى لسة بدون احوال المرور وايه اسرع طريق و العكس .

الحل من وجهة نظرى حضرتك تتفق مع سواق تاكسى خبرة ويفضل لو سنه كبير وتتفق مثلا على مبلغ 1000 جنيه ولمدة شهر يعرفك فيها الطرق الرئيسية فى البلد " الدائرى و المحور " وكذلك الكبارى وتفريعات رئيسية وما الى ذلك وبعد الشهر حضرتك هايكون عندك خبرة على الاقل 70% والباقى يعتمد عليك وعلى الممارسة وربنا يوفقك فى الشغل
وادعيلنا :)

فكره جامده اوى اوى وانا بحفظ بسرعه
ميرسى ليك جدا على زوقك وشرحك وطرحك لحل جيد أشكرك جدا

المشاركة الأصلية كتبت بواسطة M.Ayman

:) فكرك يقولهم لا انا ميح و يطير الوظيفه ... الشباب دلوقتي بيتنشق علي شغل يدخله فلوس يفتح بيها بيت و مش لاقيين و عايزه يطيرها من ايده علشان ميعرفش الطريق ؟! لا يتوظف و يعمل العجب علشان يعرف الطريق احسن

ربنا معاك و ان شاء الله تبقي فاتحة خير و بركه عليك

ده الرد اللى لو كنت رديت انا الاول كنت قولته بالظبط
M.Ayman بجد شكرأ للرد ده وانا شاب 25 سنه متزوج وعندى ابن والحمد لله على كل حال كان عندى محل بيدخلى راتب كويس ومن بعد الثوره وحال البلد الايراد قل النص واكتر :( ومش عندى صنعه غير انى بعرف اسوق كويس وكان معايا 128 والشغل ده مرتبه كويس فايقبل يا اروح امد ايدى للحرام لقدر الله فأتريت انى اقبل واعمل قرد واتعلم بس

د.محمدعبدالعال
ميرسى لحضرتك جدا وشكرا جدا للنصيحه وانا هركب جهاز انزار مع الجراج والتأمين وابقى عملت اللى عليا والباقى على ربنا هو علمان بالحال

المشاركة الأصلية كتبت بواسطة walidadel

انا عندي حل بصراحه في الجوووووووون
بص بالنسبه لحتة السرقه ... ممكن تستغني عن 300 جنيه و تركب جهاز انذار ظريف و أمان للعربيه اوي
و ده انا كنت تناقشت مع عضو و مش عارف اذا كان راح ركبه ولا لأ
هو الجهاز فكرته ظريفه و مش منتشره و ده اللي مخاليه فعال اوي
بالنسبه للخرائط بص و عن تجربه هاوصفلك واحد تجيب منه جهاز gps كفاااااااااااءه ولا محتاج نت ولا حاجه احرك شاحن العربيه و تحطه في الجهاز و بس علي كده و ب 500 جنيه و عن تجربه مع كذا واحد هنا في المنتدي و مايعرفوش غير الدقي و بس و بيروحوا بيه حتة كتير و لو مش معاهم كأنهم غرقوا في شبر ميه ... لو عايز اي حاجه من الحاجتين دول ممكن رساله علي الخاص و انا اظبطك و صدقني مش هاتندم

شكرا ليك ياباشا ولحضرتك رساله على الخاص

بص بقى ياريس
انت لو رايح مشوار متعرفوش اسأل اى تاكسجى معاك فى الجراج مكانه ووصفه ازاى
ولو فشلت اللى يسأل ميتوهش
واحيانا مبلاقيش حد اسأله
ف وانا خارج فأول طريقى بلاقى مثلا تاكسجى بينضف عربيته بركن وبسأله او تاكسجى مستنى حد فكلله بيوصف السكة
وحتى لو وصلت لنص السكة ومش فاكر الباقى هتلاقى اللى تسأله ويكمللك الطريق فمتقلقش
وشويه شويه هتتعلم وتفتكر كل حاجه
وولا تدفع ولا اى شىء
انا كنت زيك والحمد لله بعمل زى ماقلتلك والدنيا ماشيه تمام

المشاركة الأصلية كتبت بواسطة beshomilan

بص بقى ياريس
انت لو رايح مشوار متعرفوش اسأل اى تاكسجى معاك فى الجراج مكانه ووصفه ازاى
ولو فشلت اللى يسأل ميتوهش
واحيانا مبلاقيش حد اسأله
ف وانا خارج فأول طريقى بلاقى مثلا تاكسجى بينضف عربيته بركن وبسأله او تاكسجى مستنى حد فكلله بيوصف السكة
وحتى لو وصلت لنص السكة ومش فاكر الباقى هتلاقى اللى تسأله ويكمللك الطريق فمتقلقش
وشويه شويه هتتعلم وتفتكر كل حاجه
وولا تدفع ولا اى شىء
انا كنت زيك والحمد لله بعمل زى ماقلتلك والدنيا ماشيه تمام

ميرسى ياجميل على الرد وربنا يطمنك انت طمنتى انى مع الوقت هحفظ لحسن كنت خايف افضل فى المتاها دى كتير