عرض للطباعة
ناوي ان شاء الله اشتري و اركب كاسيت سي دي ممكن كينوود + سماعات 400 كينوود+ جي ام كينوود 350
وبالنسبه للسماعات الاماميه فعايز خلاصه الكلام اسيبها افصلها ولا اشتري غيرها العربيه نيسان صني و السماعات جولدي ؟؟
عاوز اعرف اشتري منين في مدينه نصر و اركب عند مين, بالمناسبه كان في حاجات حعملها عند الكهربائي و كنت هفك التابلوه فأعمل ايه الاول؟
تركيب الكاسيت مش محتاج لفك التابلوه
بيفك الوش البلاستيك بتاع التابلوه بس
وانا معرفش حد فى مدينة نصر
اللى اقدر اوصفهولك واتعاملت معاهم وممتازين هو توكيل كلاريون اللى فى احمد عرابى ميدان سفنكس
بس انت ميزانيتك كلها كام للحاجات دى ؟؟
ممممماقتباس:
المشاركة الأصلية كتبت بواسطة kodak_gti
كتر خيرك علي المساعده
انا حاطط في اعتباري الاتي:
الكاسيت سي دي ام بي ثري راديو كينوود حوالي 700
السماعات كينوود 400 حوالي 350
جي ام كينوود 350 وات بحوالي 390
ان شالله ماحد حوش
بس طبعا معنديش خلفيه اشتري من مين ميكونش بيكسب بافترا و اركب عند مين ميخليش العربيه خرابه بعد شغله
زائد موضوع اني هفك التابلوه عند كهربائي علشان شويه لمض محروقه و كده فاعمل انهي الاول؟؟؟؟
بص يا د/امير بلاش سى دى كينوود حاول تزود شوية فى الكاسيت وهات اى موديل من البايونير الجديد
اسعارهم بتبدأ من 800 واتفرج على البايونير وامكانياته قبل ما تركب واسأل
السماعات الكينوود كويسة انا معايا وحلوين
جى ام كينوود مجربتوش بس الناس بتشكر فيه جدا
انزل التوفيقية فى محل بيبيع اجهزة سى دى وزينون فقط واسعاره جامدة جدا جدا وحاجته اصليه
لأنك لو جبته من اى محل تانى ممكن تفرق معاك 50 جنيه واكتر وابقة طمننا عملت ايه
شكرا للاهتمام و الرد و ان شاء الله اعرفك انا اشتريت ايه بس واضح اني مش هاقدر انزل اليومين دول
نزلت عند امبير عباس العقاد و سالت علي موديلات كتير بس حاسس ان اسعاره اعلي كتير من اللي الناس بتتكلم عليه:
كينوود kdc w3041ay من غير ريموت = 650
كينوود mp333v =830
كينوود mp333 =550
kenwood 6039=840
kenwood 5039 u =840
pioneer 2050= 650
pioneer 3050=900
pioneer 4950= 900
سماعات كينوود 400 وات= 330
gm kenwood 350 watt= 530
شباب عايز اعرف ايه اخبار الاسعار دي و انزل اشتري منين في مدينه نصر؟؟؟؟
الاسعار كتير السماعات اللى سعرها كويس بس زى ما قولتلك لو عرفت تنزل التفويقية انزل وشوف الاسعار ومتشتريش غير لما توصل لأقل سعر
خد اللينك ده يمكن يفيدك
http://www.nilemotors.net/Nile/showthread.php?t=34578
كتر الف خيرك بس انت عارف ايه اللي مزعلني, ان شباب كتير في المنتدي و مواضيع اكتر في قسم الصوتيات و لما الواحد يعوز حاجه و يسال عليها تلاقي ودن من طين و اخري من عجين, و عموما لولا الناس الكويسه زيك انت و شويه اعضاء مميزين كان المنتدي بقي بتاع اشباح
ده من ذوقك بس يا د\ امير وحلوة اشباح دى هههههههههههه
عل العموم انا تحت امرك فى اى استفسار
وبعدين ممكن الاعضاء مخدوش بالهم من الموضوع وان شاء الله يدخلوا ويقولو رأيهم بردو
في محل كاسيت قصاد بيتزا كينج عباس العقاد و ادي اسعاره:
pioneer 4050=895
pioneer 3050u=695
pioneer 4025=675
kenwood 5033=750
kenwood 5033u=899
gm kenwood 350=395
هي الاسعار في التوفيقيه هتفرق 10 30 50 جنيه؟؟ اصل لو الفرق كده تبقي مش مستاهله لكن لو الفرق 100 150 يبقي انزل
لو حد قريب من التوفيقيه و جاب اسعار يبقي كتر خيره
انا احتمال انزل التوفيقية خلال يومين ان شاء الله
انا بقولك على اجهزة البايونير الجرافيك سنتريت
متجبش الاجهزة اللى انت سألت عليها دى
الاجهزة اللى قصدى عليها بتنزل الوش وبعدين تدخل السى دى وتقفل الوش تانى عليها انما
الموديلات اللى انت سألت عليها دى فتحة السى دى فى الوش من فوق
عموما انا هنزل وابقة اسألك
كتر الف خيرك و الله بجد تبقي خدمتني بس انا عايز اسئل هل في ميزه فعليه لموضوع اجهزه السنتريت و نزول الوش عند ادخال السي دي و لا ده مجرد فروق حركات عن الاجهزه العاديه؟اقتباس:
المشاركة الأصلية كتبت بواسطة kodak_gti
و عموما ادي اسعار لسه جايبها طازه من عند محل كاسيت اسمه راديو ستار ورا بنزينه شل الطيران
pioneer 3050u=825
pioneer p4050ub=925
gm kenwood 350 395
speakers kenwood 500 watt =350
و بالنسبه لريموت اجهزه بايونيير اللي بيركب في طاره الدريكسيون و يباع منفصلا سعره عند المحل ده 125
و يا ريت لو حد بيدور و عايز يشتري يشترك معانا في عروض الاسعار
اه طبعا فى فرق الشاشة الخارجية جرافيك وكنترول صباقتباس:
المشاركة الأصلية كتبت بواسطة amir
اوبشن الاجهزة دى مش موجوده فى الاجهزة العادية
اللى انا بقولك عليها دى بيكون فيها زيرو باور بلتى إن كمان وفى موديلات منها بتتحكم فى ال ipod كمان
أمير بيه
اولا بعتذر جدا جدا جدا على التأخير بس مش ناسيك والله وللأسف منزلتش والله لسه
وعلشان تعرف انى مش ناسيك جبتلك سعر كام جهاز كده من محل جمبى فى الهرم علشان اقارن بأسعار التوفيقية بأمر الله بالكتير اوى يوم السبت لأن انا عاوز انزل اشترى حاجات ومش عارف والله
ودى صورة مؤقته لمحل فى الهرم
http://img357.imageshack.us/img357/9739/pioneerzg8.jpg
وسامحنى ع التأخير
كتر الف خيرك
سلام عليكم يا امير انا سألتلك على الاسعار
ودى موديلات السى دى اللى فى حدود اللى انت طالبه
pioneer deh 2050mp وده عامل 640 جنيه
http://img222.imageshack.us/img222/8800/2050mpdi7.jpg
وفيه موديل تانى اسمه 3050MP وسعره 750
http://img80.imageshack.us/img80/5770/3050mppt2.jpg
وفيه الموديل ده 3050UP ده اللى برشحهولك وفيه يو اس بى وبيشغل فلاش ميمورى وسعره 835 جنيه
http://img222.imageshack.us/img222/6664/3050upwn1.gif
وبالنسبة للسماعات انا لقيتلك البايونير التايلاندى القديم اللى الرق بتاعها ازرق 330 وات ب 240 جنيه انصحك بيها والراجل قالى عندى عدد قليل منها ومش ببيعها لأى حد غير اللى فاهم
والكينوود بردو كويسة ال 400 وات
والجى امات هناك ملقتش غير البايونير والسونى والسيمفونى
البايونير غالى والسونى والسيمفونى ابعد عنه
شكرا علي مجهودك
العفو وابقة عرفنا عملت ايه
مصور والله ياباشا نفس الصوره من نفس المحل وكنت ناوى احطها بس انت سبقتنى بقى :)اقتباس:
المشاركة الأصلية كتبت بواسطة kodak_gti
مش دا المحل اللى فى شارع العريش