مشروع تايه ياولاد الحلال

**Nile_Storm** · 23-08-2008 12:55 AM

المشاركة الأصلية كتبت بواسطة Ahmed Samy

يا خسارة الطب و اللي بيعملوه فينا

انا و الله بازعل لما باسمع الحاجات دي

بس مش منك يا نايل ...زعلان من البلد اللي خلت دكاترتها تفكر تسمن فراخ ولا تفتح بلاي ستيشن ...

ربنا معاك و يكرمك دايما

و خليك قريب من الفيلد بتاعك و فيه مشاريع كتيرة ممكن تنجح

معاك حق
بس مين قالك اني هبعد عن الطب
انا بس داخل في الموضوع ده كشئ يملا وقت الفراغ و برضه كمصدر دخل مادي
انا وصلت 22 مش عاوز ابقي شحط كده و باخد مصروفي
بس اعمل ايه في كليه هتخرجنا و احنا علي المعاش
لو كنت في كليه طبيبعيه كان زماني بشتغل
شي يضايق و الله يا احمد باشا

استاذ وليد فكره البلاي ستيشن فعلا مقترحه بس بتجيب مشاكل من نوعيه الناس اللي بتتردد علي الاماكن دي بتحصل خنائات كتير فيها و الواحد مش علشان يعمل مشروع يهزء نفسه وسط عيال بتلعب

استاذ bee شكرا علي النصيحه منتحرمش ياباشا

**Ahmed Samy** · 23-08-2008 01:08 AM

المشاركة الأصلية كتبت بواسطة Nile_Storm

استاذ وليد فكره البلاي ستيشن فعلا مقترحه بس بتجيب مشاكل من نوعيه الناس اللي بتتردد علي الاماكن دي بتحصل خنائات كتير فيها و الواحد مش علشان يعمل مشروع يهزء نفسه وسط عيال بتلعب

لأ يا سيدي ....في ناس كبيرة بتحب بلاي ستيشن على رواقه و بيلفوا الشوارع كلها بحثا عن مكان نظيف و منظم و مافيهوش عيال

انت لو كلفت ولو غرفة واحة كويس يهني راحة وتكييف و صوت و برجيكشن و خليتها بالحجز و سعرها أعلى شوية دي ممكن تجيبلك الزباين الكويسة

و تخلي غرفة سكة كدة للعيال علشان تدخل فلوس في البداية و مع الوقت تنقل النشاط للناس الكبيرة المحترمة

انا ليا أصحابي فاتحين اتنين و لو احتجت أي نصيحة في الماركات أو العدة ممكن أساعدك

و ربنا معاك

**Nile_Storm** · 23-08-2008 01:10 AM

معاك حق ممكن نعمل زي ماقلت
عموما هعرض الاقتراح علي هيئه المحلفين و اشوف :) :)

**NaderNabil** · 23-08-2008 01:31 AM

لو حواليك دكاترة و مستشفيات ....افتح شركة تجارة مستلزمات طبية....أسمع ان المشروع ده بالذات مكاسبة حلوة.....انت بس محتاج تعرف نفسك للدكاترة و تديلهم سعر أقل من اللي بياخدوا بيه المستلزمات...علي الأقل في الأول...

و أهو داخل مجال دراستك

**Nile_Storm** · 23-08-2008 11:06 AM

بس رأس المال صغير يا نادر جدا 10 الاف ميكفوش

انا غلبتكو معلش

**bee** · 23-08-2008 12:08 PM

والله يا باشا انا ليا اقتراح معرفش ايه نظامه معاك
لو مكانك قريب من مستشفى او لو كل معارفكوا او الاغلبية في كليات عملية
ممكن تفتح مكان مكون من جهازين محترمين وخط انترنت ومكنة تصوير وتكييف بالقسط وتقسم المكان لغرفتين وده هيكون لعمل أبحاث كليات الطب والصيدلة والعروض التقديمية الي بتطلب من الدارسين بالكليات دي ، والامر ميسلمش لو حبيتوا تجيبوا اي حد من الي بيكتبوا بسرعه يكتب ملازم لثانوية عامة مراجعات ومناهج وكده يعني ..
مجرد رأي أعتقد انه مش مكلف اوى وفي حدود الي بتتكلموا عنه ..
وفي نفس الوقت لو قدرت تعمل كده مع الوقت هتبقي مشهور جدا في المجال ده لانك هتوفر الظروف الملائمة للي عايز يعمل بحث مع توافر وسائل الراحة ..
اعتقد ده شكل محترم لناس محترمة .. وتحقيق ربح كويس
وربنا يوفقك