الموضوع: مشروع تايه ياولاد الحلال

يا نايل ستورم باشا المشروع اللي انت عايز تعمله لازم فيه اسئلة كتيرة ترد عليها قبل متبدأ الكلام علي اي مشروع يعني طبعا حضرتك ذكرت الميزانية وباقي الامكانيات لكن الباقي هو الاهم
يعني حضرتك بتفكر في مشروع انتاجي ام استهلاكي لان في الحالة دي المكان اللي حضرتك بتقول عليه يفرق كتير بمعني ان المكان اللي ينفع فيه مشروع استهلاكي لازم يكون فيه مقومات معينة غير الانتاجي اللي لازم يكون التوزيع بالنسبة له له اهمية خاصة
ويا ريت حضرتك تتريث في اي مشروع حتي تلم بكامل جوانبه من الالف الي الياء لانك حتلاقي ناس كتير تعملك من البحر طحينة علي رأي المثل وكل اللي عايزينه هو مصلحة خاصة
دي طبعا نصيحة من اخ اكبر ويا ريت تتقبلها لاني مريت في حياتي بحاجات كتير من هذه المشاكل التي تقابل الشباب وتسرعهم في عمل مشروعات للاسف بتبقي نقمة عليهم لانهم لم يحسنوا الاختيار
وربنا يوفقك يا رب ويا ريت تتأني وتشور اللي حواليك من ذوي الخبرة قبل اتخاذ اي خطوات لاني عارف حماس الشباب لكن في بعض الاحيان بيؤدي الي نتيجة عكسية
وكل عام وانتم بخير

ونصيحة اخيرة (الملركب اللي فيها ريسين تغرق) فما بالك باللي فيها اكتر

الف شكر علي رد حضرتك
بالنسبه للاداره هنعمل مجلس اداره بيننا بنسب مشاركه و هنطبق مبدا بيزنس ايز بيزنس مفيش مكان للصداقه

المشروع احنا فكرنا في مزرعه صغيره لتسمين و تفريخ اسماك الزينه لان لينا خبره في ده
و دراسه الجدوي بتاعته واحد مننا بيعدها الان
بس انا بشوف البدلات الاخري المتاحه

انا رائي المتواضع انكم تفكروا في كذا مشروع لان فيه مشروعات كتير وقتية ومش ثابتة (يعني موسمية) ودي طبعا مش حتنفع في حالتكم طبعا انتم محتاجين مشروع مستمر وفي النهاية اختاروا الافضل
جميل ان يكون فيه اصدقاء بالشكل ده بس للاسف لما البيزنس بيخش فيه حاجات كتير بتتغير وانا شعاري اخسر مشروع وماخسرش صديق لاني شفت امثلة كتيرة في حياتي
اتمني لكم التوفيق وربنا يكرمكم واتمني من الاعضاء المشاركة في هذا الموضوع لان كثرة الاراء ستثري هذا الموضوع مساعدة منا لاخونا واصدقاؤه

ِشكرا استاذ ايه ام اس
و ياريت لو عندك اقتراحات
اما بالنسبه لحوار المكان مجاني فحتي لو هنعمله تكلفه هيبقي ليه نصيب من الارباح
قصدي مش هيكون عائق جامد