أفضل تكييف صيف 2013

**msspower** · 28-05-2013 04:33 AM

طبعا انا عارف انه سؤال سخيف ومتكرر ولكن دول 5000 ج والواحد مش هيشتري تكييف كل يوم
بما ان الطبيعي في مصر انك لما تيجي تشتري جهاز كهربي تسأل علي ماركة معينة كل واحد يفتي فتوي شكل وبما اني مهندس كهربه فحاولت اعرف المواصفات التفصيلية لكل جهاز وذلك من الناحية الفنية عشان اقدر احكم بدقة علي كلام فنيين التكيف اذا كان مظبوط ولا كله كلام عشان خاطر السبوبة فلم اتوصل لشئ الا في جهاز LG وده رابط لمقارنة بعض الموديلات من موقع ال جي
[url=http://www.lg.com/eg_ar/compare/compare.lg?category=/eg_ar/split-air-conditioners]LG

**msspower** · 28-05-2013 04:56 AM

[url=http://www.lg.com/eg_ar/compare/compare.lg?category=/eg_ar/split-air-conditioners]LG

**msspower** · 28-05-2013 05:10 AM

كرافت 2.25 ح سخن وبارد بلازما 4850
سعودي بضمان بي تك

شارب 2.25 ح بريميوم بلاس بارد فقط 5350
الصراحة حاسس السعر مبالغ فيه عشان خاطر السمعة

يورك شوفته عند حد حسيت انه محترم سألت عليه مين وكيله في مصر طبعا اللي بيبيع يقولك احنا موزع معتمد ولو فيه حاجة احنا معاك وبنوفر لك قطع الغيار وطبعا ده دجل ونصب المفروض يقول من الوكيل بتاعه وتليفوناتهم وعناوينهم ولو ليهم مركز صيانة وخط ساخن

الفريش تحس انه علي اده وخاماته رديئة

الصراحة محتار

إل جى GS-C1865SU1 | LG Electronics EG_AR

**msspower** · 28-05-2013 05:13 AM

ال جي بالازما بارد جيت كول 5100
كوري تجميع سعودي لكن ايه ظروف التوكيل في توافر قطع الغيار وجودة الخدمة

وعذرا لسوء التنسيق حاسس ان في حاجة مش مظبوطة

**msspower** · 28-05-2013 04:41 PM

معقولة محدش جرب حاجة من دول خالص
LG
craft
york

**ramymechanics** · 28-05-2013 04:57 PM

احنا فى الشغل فى مواقع فى الصحرا عندنا تكييفات يورك وبصراحة انا عاجبنى اوى حاسس انه heavy duty مش بلاستيك زى الكاريير واليونيون اير .. انا عن نفسي هشتريه الأجازة الجاية بأذن الله .. التانيين معرفش عنهم حاجة للأمانة

**magdy_dvd** · 28-05-2013 05:19 PM

بصراحة بعد تكيف ال جى ارت كوول انسى صناعة كورى تقفيل تركى مستورد بالكامل عيبة الوحيد سعره 4250 جينة 1.5 حصان اشتريت 3 اجهزة بالسعر دة من 3 سنوات معرفش السعر دلوقتى كام ياريت تعرف سعرة كام الان و لو مناسب ليك هاتة مش راح هتندم ممتاز بصراحة مميزاتة _ هواء نقى جدا نيو بلازما الجديدة تنظيف ذاتى اربعة اتجاهات لتوزيع الهواء وفى موديل النيوبلازما ا و الجيت كول بس معرفش الاسعار

**msspower** · 28-05-2013 06:25 PM

بصراحة ميزانيتي 5000 ج مش اكتر ومحتاج 2.25 حصان ويكون بلازما ومش لازم سخن

**ديمو** · 28-05-2013 08:37 PM

طيب ورايكم فى تكييف شارب محدش جاب سيرتة يعنى

**aamke** · 28-05-2013 08:41 PM

أنا جربت الكرافت 1.5 بارد فقط و كويس و صيانتة معقوله ، و عندي شارب 3 ح بارد من حوالي 5 سنوات و الحقيقة ممتاز و بضمان العربي و صيانته عندهم و كويسين و لا يتأخروا لو فيه حاجة ، و أنا رأي أنك تركز على البارد فقط لأن لا يوجد أحد يستعمل الساخن في شيئ خاصة أن البرد عندنا بمصر متوسط و لا يستمر غير أسبوعين أو ثلاثة على الأكثر خلال الشتاء فخسارة تضع فلوسك في تكييف به سخان بدون لزمه ، إتصل بالعربي على الخط الساخن لهم و اسألهم عن سعره كام .... إلخ و قارن و بالتوفيق .