الى كل مالكي الكيا ريو 2012 و 2013

**prooo** · 28-05-2013 11:55 AM

بسم الله الرحمن الرحيم

ياجدعان استفسار صغير وبسيط جدا..... انا معايا كيا ريو سيدان هاي لاين خليجي ...... هو انا اتاكد ازاي ان العربية بتاعتي فيها ايموبلايزر و ebd .... انا شوفت جهاز ال abs بعيني موجود وجربته ....ز بس انا اللي اعرفه ان الايموبلايزر لازم يبقى فيه لمبه في الطابلوه ولا ايه الكلام ده ... العربية فيها انذار وجربته ... فتحت الباب بالمفتاح العربية عملت فضيحة .... اتاكد ازاي بقى يارجالتنا

**adelghanem** · 28-05-2013 06:16 PM

كان فيه هنا في المنتدى واحد سال نفس السؤال
(انا بدور على المشاركه مش لاقيها اول ما أجمعها حأكتبها )
المهم تشوف فى التابلوه صورة سياره صفراء فيها مفتاح اسود لما تحط المفتاح فى الكونتاكت وتشغل الاكسسورى
ثانيا تروح بالمفتاح عند بتاع المفاتيح يشوف فيه شريحه ولا لأ
أو تعمل نسخه عاديه من المفتاح وتحاول تشغل بيه العربيه ,لو في العربيه ايموبيلايزر المفتاح الجديد
حيفتح العربيه والاكسسورى لاكن مش حيشغل العربيه . ده حسي معلوماتى
ده حسب معلوماتى ولو حد عنده خبره اكتر ياريت يقول .

**prooo** · 28-05-2013 06:32 PM

المشاركة الأصلية كتبت بواسطة adelghanem

كان فيه هنا في المنتدى واحد سال نفس السؤال
(انا بدور على المشاركه مش لاقيها اول ما أجمعها حأكتبها )
المهم تشوف فى التابلوه صورة سياره صفراء فيها مفتاح اسود لما تحط المفتاح فى الكونتاكت وتشغل الاكسسورى
ثانيا تروح بالمفتاح عند بتاع المفاتيح يشوف فيه شريحه ولا لأ
أو تعمل نسخه عاديه من المفتاح وتحاول تشغل بيه العربيه ,لو في العربيه ايموبيلايزر المفتاح الجديد
حيفتح العربيه والاكسسورى لاكن مش حيشغل العربيه . ده حسي معلوماتى
ده حسب معلوماتى ولو حد عنده خبره اكتر ياريت يقول .

اشكرك جدا على الرد بتاعك بس مفيش صورة عربية وفيها مفتاح يبقى عشان نقطع الشك باليقين لازم اعمل مفتاح على العربية طب اي حد بتاع مفاتيح عادي ولا لازم حد بتاع مفاتيح سيارات ؟

**2CODE** · 28-05-2013 08:28 PM

لو عندك صوره العربية اللي فيها مفتاح في الطبلوه منوره يبقى عندك ايموبليزر لو مفيش يبقى معندكش

بالنسبة للـebd دي حاجة مش بتتعرف الا لما تروح التوكيل واسألهم

او

عندك حل افضل انك تكشف عن السيارة برقم الـVIN بموقع كيا الرئيسي للمعلومات هتلاقي كل شئ عن عربيتك من اول يوم طلعت فيه من المصنع لغاية ما وصلتك بالسلامة

**ahmed_doudi** · 28-05-2013 10:15 PM

لازم يكون في علامة العربية الي جواها مفتاح بالاصفر علشان يبقي فيها ايمبوليزر .....غير كدة دة انذار عادي

**prooo** · 29-05-2013 09:05 AM

المشاركة الأصلية كتبت بواسطة 2code

لو عندك صوره العربية اللي فيها مفتاح في الطبلوه منوره يبقى عندك ايموبليزر لو مفيش يبقى معندكش

بالنسبة للـebd دي حاجة مش بتتعرف الا لما تروح التوكيل واسألهم

او

عندك حل افضل انك تكشف عن السيارة برقم الـvin بموقع كيا الرئيسي للمعلومات هتلاقي كل شئ عن عربيتك من اول يوم طلعت فيه من المصنع لغاية ما وصلتك بالسلامة

طيب انا عارف انك معاك خليجي هل انت عندك ايموبلايزر ولا معندكش ؟
وبالنسبة للموقع ممكن تكتبهولي لو سمحت عشان عملت سيرش ومش لاقي موقع ببلاش كله عاوز فلوس

**2CODE** · 29-05-2013 04:03 PM

المشاركة الأصلية كتبت بواسطة prooo

طيب انا عارف انك معاك خليجي هل انت عندك ايموبلايزر ولا معندكش ؟
وبالنسبة للموقع ممكن تكتبهولي لو سمحت عشان عملت سيرش ومش لاقي موقع ببلاش كله عاوز فلوس

لأ انا عندي ريو الدفعة التانية وكيل هاي لاين

موجود شرح هنا في المنتدى كنت شارحه انا لواحد ازاي تجيب المعلومات ببلاش لما ادور لك على الموضوع في الليل ان شاء الله

**prooo** · 29-05-2013 05:57 PM

المشاركة الأصلية كتبت بواسطة 2code

لأ انا عندي ريو الدفعة التانية وكيل هاي لاين

موجود شرح هنا في المنتدى كنت شارحه انا لواحد ازاي تجيب المعلومات ببلاش لما ادور لك على الموضوع في الليل ان شاء الله

انا دخلت فعلا على موقع كيا جلوبال ولقيت كل حاجة بس مفيش ايموبلايزر خصوصا ان معنديش علامة المفتاح في الطابلوه بس ازاي انت معندكش ايموبلايزر اذا كان الوكيل كاتب على صفحته ان فيها ايموبلايزر ولا هو الوكيل بتاع كلام وخلاص ...........