عرض للطباعة
السلام عليكم
رجالة هيونداي . افتوني في امري
طلعنا الدائري انا وصحبي بالفيرنا
وقلي على مشكلة ومش عارف لها حل
اول ما بيمسك الطريق السريع ويعدي 100كم العربية بتسخن و امبير الحرارة بيرتفع ويعدي النقطة التانية وميرجعش
الا لو نزل عن ال100كم
راح لمكنيكي قله العيب في كابلات الارضي غيرها ولسه المشكله موجودة
وغير غطاء الردياتير وبردوا المشكله موجودة:whtauwant:
لو حد عنده اي معلومة يبقي جزاه الله خيرا
شكرا
طب الحالة العامة لدورة التبريد أيه ؟
يعنى فيها صدا ولا فيها إنسداد ونوع المياه المستخدم أيه ومن إمتى وهو فى العربية والمروحة بتشتغل طبيعى ولا لاء .
لآن فى السرعات العالية طبيعى جداً إن الموتور يسخن بشكل كبير ووقتها يحتاج لكفأة عاليه لدورة التبريد وتظهر عيوب دورة التبريد اللى مكنتش بتظهر على السرعات القليلة
بيستخدم ماية عادية
لانه بيخاف من المايه الخضرا
قلتله استعملها بس خايف من نسبة ماية النار اللي فيها
واخر حاجة قلتهاله فعلا بعمل صيانه لدورة التبريد بس مجرد اقتراح
والمروحه شغاله طبيعي جدا
:plusone1:
بــص ياا باشا اللى انت بتقولوداا حااجه من التلاتــه !
لئــما سربنتينه المياه مسدوده وعاوزه تتفــك وتتنضف جــامد !
لئما فلــتر الهــواء عاوز يتغيـــر !!
لئما الترموستاات قفشت ومش بدخل مياه للمااتور
فك السربنتينه ونضفهاا وحط مياه خضرا موبيــل انا عن نفســى حططها وكلو تمام ماافيهاش مشكله
و فك الترموستات وشوفها سليمه والا عاوزه تتغيــر !
وان شاء الله مش هيطلع العيب اكتــر من كدا
وابقــى طمنا وقولناا اى اخـــر الاخباار ! :)
الكلام ده كان بيحصل معايا و سلكت الريداتير و حطيت مايه خضرا و كله بقى تمام
شكرا يا باشا انا هقله على 3 حاجات دول وربنا يسهلاقتباس:
المشاركة الأصلية كتبت بواسطة yousf verna
شاكر مرورك الطيب (:
نسبه مياه النار اللي فيها ؟؟؟؟
لا حول ولا قوه الا بالله
اقتباس:
المشاركة الأصلية كتبت بواسطة ياسر مصطفي
أول مرة فى حياتى أسمع إن المياه الخضرا فيها مية نار ؟
هى فيها إيثيلين جيليكول ومواد مانعة للصدأ
وهو بيحط مياه عادية يعنى من الحنفية مش مقطرة كمان ؟؟؟
المشكلة إن مياه الحنفية العادية فيها نسبة أملاح ومعادن فلما بتتبخر فى الراداتير بفعل الحرارة تتبخر المياه وتترسب الأملاح فى دورة التبريد مما يؤدى لإنسدادها . أما المياه المقطرة فسبق تبخيرها وإعادة تكثيفها مرة أخرى فتكون نسبة الأملاح والمعادن فيها صفر فلما تتبخر تانى فى دورة التبريد فلا تترك أى رواسب .
اقتباس:
المشاركة الأصلية كتبت بواسطة lidosasa
انا قلت كدا قلي لاء فيها نسبة من ماية النار .. المهم
المفروض انه يحط مايه خضرا او على الاقل مقطرة زي ما حضرتك قلت
سلك الرادياتير واحتمال يكون صدى من الميه العادية
والاحتمال التانى وبقوة شديدة ( طلمبة المية )
المشكله دي حصلت معايا امبارح و انا راجع من اسكندريا كنت ماش علي ١٥٠ و مشغل التكييف في نص المسافة لقيت الحراره عليت جامد جدا تقريبا لحد اول الاحمر رحت راكن بسرعه و طافي الماتور لمده نص ساعه... نص السكه التاني مشيت علي ٨٠ و طافي التكيف و برده كانت كل شويه الحراره تعلي جامد و ترجع تنزل ... عملت كده سبع ثمن مرات رغم اني ماش علي ٨٠ و طافي التكييف... حتي لما دخلت المحور في الزحمه فضلت تعمل كده كل شويه
حاجه كمان لاحظتها ان صوت الماتور بقي عالي قوي و مزعج جدا و حاسس السحب قل !!!
قلولي اعمل ايه علشان الموضوع ده مضيقني جامد من امبارح و مش عارف اعمل ايه