الفيرنا بتسخن بعد الـ 100كم . افتوني

**ياسر مصطفي** · 28-05-2013 11:55 AM

السلام عليكم

رجالة هيونداي . افتوني في امري

طلعنا الدائري انا وصحبي بالفيرنا

وقلي على مشكلة ومش عارف لها حل

اول ما بيمسك الطريق السريع ويعدي 100كم العربية بتسخن و امبير الحرارة بيرتفع ويعدي النقطة التانية وميرجعش

الا لو نزل عن ال100كم

راح لمكنيكي قله العيب في كابلات الارضي غيرها ولسه المشكله موجودة

وغير غطاء الردياتير وبردوا المشكله موجودة

لو حد عنده اي معلومة يبقي جزاه الله خيرا

شكرا

**lidosasa** · 28-05-2013 12:44 PM

طب الحالة العامة لدورة التبريد أيه ؟
يعنى فيها صدا ولا فيها إنسداد ونوع المياه المستخدم أيه ومن إمتى وهو فى العربية والمروحة بتشتغل طبيعى ولا لاء .
لآن فى السرعات العالية طبيعى جداً إن الموتور يسخن بشكل كبير ووقتها يحتاج لكفأة عاليه لدورة التبريد وتظهر عيوب دورة التبريد اللى مكنتش بتظهر على السرعات القليلة

**ياسر مصطفي** · 28-05-2013 01:09 PM

**Yousf Verna** · 28-05-2013 01:10 PM

بــص ياا باشا اللى انت بتقولوداا حااجه من التلاتــه !

لئــما سربنتينه المياه مسدوده وعاوزه تتفــك وتتنضف جــامد !
لئما فلــتر الهــواء عاوز يتغيـــر !!
لئما الترموستاات قفشت ومش بدخل مياه للمااتور

فك السربنتينه ونضفهاا وحط مياه خضرا موبيــل انا عن نفســى حططها وكلو تمام ماافيهاش مشكله
و فك الترموستات وشوفها سليمه والا عاوزه تتغيــر !

وان شاء الله مش هيطلع العيب اكتــر من كدا
وابقــى طمنا وقولناا اى اخـــر الاخباار ! :)

**haysam2000** · 28-05-2013 01:16 PM

الكلام ده كان بيحصل معايا و سلكت الريداتير و حطيت مايه خضرا و كله بقى تمام

**mahmoud85** · 28-05-2013 01:39 PM

نسبه مياه النار اللي فيها ؟؟؟؟
لا حول ولا قوه الا بالله

**lidosasa** · 28-05-2013 01:51 PM

المشاركة الأصلية كتبت بواسطة ياسر مصطفي

بيستخدم ماية عادية
لانه بيخاف من المايه الخضرا
قلتله استعملها بس خايف من نسبة ماية النار اللي فيها
واخر حاجة قلتهاله فعلا بعمل صيانه لدورة التبريد بس مجرد اقتراح

والمروحه شغاله طبيعي جدا

أول مرة فى حياتى أسمع إن المياه الخضرا فيها مية نار ؟
هى فيها إيثيلين جيليكول ومواد مانعة للصدأ
وهو بيحط مياه عادية يعنى من الحنفية مش مقطرة كمان ؟؟؟
المشكلة إن مياه الحنفية العادية فيها نسبة أملاح ومعادن فلما بتتبخر فى الراداتير بفعل الحرارة تتبخر المياه وتترسب الأملاح فى دورة التبريد مما يؤدى لإنسدادها . أما المياه المقطرة فسبق تبخيرها وإعادة تكثيفها مرة أخرى فتكون نسبة الأملاح والمعادن فيها صفر فلما تتبخر تانى فى دورة التبريد فلا تترك أى رواسب .

-

-

-

الموضوع: الفيرنا بتسخن بعد الـ 100كم . افتوني

LinkBack

أدوات الموضوع

عرض

الفيرنا بتسخن بعد الـ 100كم . افتوني - انشر الموضوع فى :

-

-

-

المواضيع المتشابهه

الفيرنا بتسخن مع التكييف

الفيرنا بتسخن مع التكييف

مطب على سرعة 100كم

عربية بتسخن فى الجرى ام فى زحمة وسط البلد مش بتسخن

الفيرنا بتسخن بسرعه .. وسخونه شديدة

الكلمات الدلالية لهذا الموضوع

المفضلات

المفضلات

ضوابط المشاركة