السلام عليكم ورحمة الله وبركاته
أنا النهاردا أنضميت ليكم فى المنتدى بعد تفكير ومقارنات كتير أوى بين السيارات الموجودة فى السوق والحمد لله أستقريت أنى أشترى النيسان صنى الشكل القديم والحمد لله أستلمتها إمبارح وكنت عاوز أستفسر من الاعضاء اللى عندهم تجارب سابقة فى تركيب الباركنج سنسور والمرايات الضم
إيه أفضل مكان أركبهم فيه
واسعارهم ايه
وأفضل مكان اعمل صيانة الألف فيه إيه ؟
وجزاكم الله خيرا
متابع
الف مبروك ربنا يديك خيرها ويكفيك شرها
ياريت تقولنا جبتها بكام ومنين ؟؟
وكان في فترة حجز ولا استلام فوري
الف مبروك و لو كنت خدت لفه في القسم كنت لقيت كل حاجه
عموما خد عندك
http://www.nilemotors.net/Nile/208415-a.html
و ده موضوع مجمع فيه كل اللي تتخيله
http://www.nilemotors.net/Nile/163656-a.html
أهلا بيك فى قسمنا الجميل شرفتنا ونورتنا وربنا يباركلك في سيارتك ويرزقك خيرها ويكفيك شرها
صيانة الألف إعملها عند واحد من الإثنين دول
1/ السبع أوتو سيرفيس ( المعادى بجوار نادى وادى دجلة ) وده بيستعمل زيوت شل معتمدة لديه
2/ أوتو إيجيبت ( المنطقة الصناعية بأبورواش عند بوابة رسوم طريق إسكندرية الصحراوى ) وده بيستعمل زيوت توتال
دول من أكبر مراكز الخدمة المعتمدة من نيسان وأفضلهم
على فكرة رسوم صيانة الألف مجانية ماعدا الزيت والفلتر
الف مبروك و ربنا يبارك لك فيها.
الباركينج سينسور ممكن فى أى مركز خدمة معتمد و هو تقريبا ب ٥٠٠ جنيه .. اما مرايات الضم فمش موجودة فى كل المراكز ممكن تلاقيها فى مودرن .. كلم مودرن اعرف التفاصيل و الأسعار
الله يبارك فيكم جميعا
انا جبتها ب 107000 واللى بيفكر يشتريها يلحق يجيبها لانها هتغلى خلال الشهر الجاى والمصنع واقف الحجز عليها لحد ما يلبى الحجوزات ويرفع السعر تقريبا 3000 كمان
وشكرا لاهتمامكم وردكم
انا لفيت فى مواضيع نيسان بالفعل بس اللى لاقيتها موجودة المرايا الطيارة ودى اعتقدم العادية فيا ريت لو حد ركب المرايات الضم العادية يفيدنا بكام
الف مبروك العربيه و ربنا يباركلك فيها
اقتباس:
المشاركة الأصلية كتبت بواسطة sameh2013
وعليكم السلام ورحمه الله وبركاته
الف مبروك العربيه الجديده
بالنسبه للسنسور ممكن تجيبوا من التوفقيه بـ 110 جنيه انا جبتوا كدا من حوالي شهرين وتركبوا عند اي كهربائي بـ30 جنيه بالكتير انما المرايات انا ركبت مرايات ضم في عربيتي جايبهم استيراد من بور سعيد وجبت المفتاح وهتحتاج كتاوت بس هما بيحتاجوا تعديل ولعب شويه في المرايات علشان السواق يمين ورحت للكهربائي ركبهم وخد 50 جنيه .
انا جبت جوز المرايات بـ 75 جنيه كهربا وضم بس علشان الكفر مكسور بس انا صلحتوا في البيت بالابوكسي والمفتاح كان حوالي 50 تقريبا مش فاكر بصراحه
شكرا جزيلا ليكم كلكم وجزاكم الله خيرا
وبالنسبة للاستيكر بتاعكم اقدر اخدو ولا ليه شروط معينة ومنين اجيبو ؟؟؟
استيكر المنتدى موجود فى جينز كار - مدينة نصر .. روح فى أى وقت و هو تمنه ٥٠ جنيه
ده لينك بأماكن التوزيع الأخرى
http://www.nilemotors.net/Nile/110085-a.html