السيارات الصينى حتغرق السوق المصرى

**wawoo** · 22-08-2008 03:08 PM

فتحت ملحق السيارت بتاع الاهرام , و الاقى معظم الصفحات عن سيارات صينى , اية الحكاية , السوق المصرى غرق سيارات صينى ,
و الموضوع عمال يكبر و الكل يوم تطلعلنا سيارة صينى غربية الشكل و مجهولة المصدر , انا مش ضد السيارات الصينى بشكل مباشر ,
لكن ان السوق يصبح شوية شوية سوق صينى , يبقى لازم ناخد بلنا , و الغريب كمان انك تلاقى اسعار غريبة , يعنى السيارات الصينى دى ثمنها فى بلدها رخيصة جدا , و تفاجاء باسعرها هنا فى مصر منافسة لمودلات كورية و يابانية عريقة .
و بعدين يا شباب اية الحل فى الغزو الصينى دة , السيارت سلعة معمرة و لازم كل واحد ياخد بالة هوة بيحط فلوسة فين , عشان ميندمش بعد كدة,
و انا حتى الان لم اجد سيارة صينية اثبتت جدارتها فى الشوارع المصرية , يبقى اية سر فى تهاتف الوكلاء على الشركات الصينية دى .

انا عارف ان فى ناس كتير اشترت الصينى دة و ممكن يكون فى منهم ناس راضيين عن سيارتهم , لكن كلنا عرفين ان السبب الاول فى الاختيار هو السعر , انما اكيد اللى بيدور على سلعة ثمنها فيها , حيفكر كتير قبل الدخول فى مغامرة الصينى دى .

**blue_1177** · 22-08-2008 06:42 PM

سعرها كبير تسبيا عشان الجمارك طبعا

**Ghamrawy** · 22-08-2008 08:04 PM

و اللى يفقع
"نفاذ الدفعة الاولى و التانية و قوائم طويلة للانتظار"
" مش عارف ايه....... حققت المعادلة الصعبة"
"................تتحدى "
"القوة+الامان+الرفاهية= ........"
"اطلاق حملة صيانة لاندويند العريقة" عريقة ؟!!!! فين عريقة دى ؟؟؟ دى العريقة دى تبقى .......... لا مؤاخذة
و لا البرغوتة اللى ب 50 الف ملطوش مأسوف على عمره جنيه مصرى ......دى لما تروح ترخصها حاتكتب ايه فى الرخصة ؟؟؟ كتكوتة ؟!!!! صباح البيئة بصراحة ..بتفكرنى بالموتسيكلات اللى بيبقى مكتوب عليها Halawaa حلاوة يعنى

**dr_abooody** · 22-08-2008 08:14 PM

المشاركة الأصلية كتبت بواسطة gemino

و اللى يفقع
"نفاذ الدفعة الاولى و التانية و قوائم طويلة للانتظار"
" مش عارف ايه....... حققت المعادلة الصعبة"
"................تتحدى "
"القوة+الامان+الرفاهية= ........"
"اطلاق حملة صيانة لاندويند العريقة" عريقة ؟!!!! فين عريقة دى ؟؟؟ دى العريقة دى تبقى .......... لا مؤاخذة
و لا البرغوتة اللى ب 50 الف ملطوش مأسوف على عمره جنيه مصرى ......دى لما تروح ترخصها حاتكتب ايه فى الرخصة ؟؟؟ كتكوتة ؟!!!! صباح البيئة بصراحة ..بتفكرنى بالموتسيكلات اللى بيبقى مكتوب عليها Halawaa حلاوة يعنى

ههههههههههههههه
هيتكتب كتكوتة في الرخصة
حاجة تكسف

لازم كلنا نقاطع السيارات الصيني دة

**som3aa** · 23-08-2008 08:53 AM

اولا هى مش هتغرق السوق هى هتغرق فى السوق.

سعرها كبير تسبيا عشان الجمارك طبعا

يا جدعااان فكروا كويس فى الكلام الاول , ازاى سعرها غالى علشان الجمارك؟؟
طيب الصينى عيه جمارك+ضرايب زيه زى اليابنى و الكورى ازاى يبقى اغلى الاتنين قريبين فى السعر؟؟
يعنى مثال الهايما الفاميلى بحوالى 80-90 الف علما بان المازدا 3 الجديدة تمنها 110 الف فى العرض بتاع سامح يعنى فرق حوالى 20-30 الف , طيب سؤال لو التوكيل نزل هايما 3 هتبقى بكام؟ اكيد اغلى من الفاميلى يبقى معقول عربية صينى تقليد لعربية يابانى يتباعوا الاتنين بنفس التمن مع الفرق غير طبعا الجودة التكنولوجيا القديمة اللى فى العربية الصينى؟

و اللى يفقع
"نفاذ الدفعة الاولى و التانية و قوائم طويلة للانتظار"
" مش عارف ايه....... حققت المعادلة الصعبة"
"................تتحدى "
"القوة+الامان+الرفاهية= ........"
"اطلاق حملة صيانة لاندويند العريقة" عريقة ؟!!!! فين عريقة دى ؟؟؟ دى العريقة دى تبقى .......... لا مؤاخذة
و لا البرغوتة اللى ب 50 الف ملطوش مأسوف على عمره جنيه مصرى ......دى لما تروح ترخصها حاتكتب ايه فى الرخصة ؟؟؟ كتكوتة ؟!!!! صباح البيئة بصراحة ..بتفكرنى بالموتسيكلات اللى بيبقى مكتوب عليها Halawaa حلاوة يعنى

ايوه :D
اللى يفقع اكتر تبقى العربية نازلة بقالها 3 ايام و يقولك نفاذ الدفعة الاولى و العاشرة كمان بالمرة و تلاقى الدفعة دى عربية واحدة اشتراها صاحب التوكيل :D
بخصوص شركة لاندويند معلش دى بقا المعلومة اللى احب اصححها , اولا الشركة دى عريقة جدا جدا و عربياتها كلها امان اكتر من الفولفو و شوف بنفسك
http://www.youtube.com/watch?v=0bDsgz2Jmz8

http://www.youtube.com/watch?v=DZWy_...eature=related

http://www.youtube.com/watch?v=DZWy_...eature=related

اهم فيديو الفيديو التالت دا علشان بيوضح مدى امان العربية , فى الدقيقة ال 0:28 واضح طبعا اهمية الairbag , فى الدقيقة ال 0:31 الدمية ماسكة ايد مراتها علشان تطمن عليها انها محصلهاش حاجة من الحادثة , الدقيقة 0:33 الناس بتحاول تفتح الباب مش عارفين علشان لو حد حاول يسرق العربية بعد الحادثة محدش هيعرف بفتح الباب, الدقيقة 1:02 رجل الدمية طلعت لوحدها سليمة بدون اصابات و لا خدوش , الدقيقة 1:18 الدمية حاطة ايدها على راسها مش مصدقة انها نجت من الحادثة بمعجزة و بتفكر فى اللى حصل, الدقيقة من 1:24 - 1:27 مرة تانية بيشرح اهمية الairbag فى حماية الراكب الامامى.
طيب على الاقل الكتكوتة ب 50 , نفس الوكيل بيبيع عربية زبالة تقليد الx5 اسمها 6life ب 240 الف (ايوه 240 الف جنيه!!!) و المصيبة انى شفتها فى الشارع 4 مرات , مرة منهم كان صاحب التوكيل راكبها و 3 مرات عربيات مختلفة يعنى فى اكتر من 3 فى مصر اصفهم بأنهم ....... اشتروا العربية .

**drhaytham** · 23-08-2008 09:09 AM

المشاركة الأصلية كتبت بواسطة gemino

و اللى يفقع
"نفاذ الدفعة الاولى و التانية و قوائم طويلة للانتظار"
" مش عارف ايه....... حققت المعادلة الصعبة"
"................تتحدى "
"القوة+الامان+الرفاهية= ........"
"اطلاق حملة صيانة لاندويند العريقة" عريقة ؟!!!! فين عريقة دى ؟؟؟ دى العريقة دى تبقى .......... لا مؤاخذة
و لا البرغوتة اللى ب 50 الف ملطوش مأسوف على عمره جنيه مصرى ......دى لما تروح ترخصها حاتكتب ايه فى الرخصة ؟؟؟ كتكوتة ؟!!!! صباح البيئة بصراحة ..بتفكرنى بالموتسيكلات اللى بيبقى مكتوب عليها Halawaa حلاوة يعنى

على فكرة ابشرك انها بقت ب 53000 والله ما اعرف على ايه انا دخلتها من جوة مصنوعة من بلاستك رديء جدا الله يخرب بيت الجمارك والضرايب اللي عاملة فينا كدة

**sab3aawy** · 23-08-2008 09:14 AM

هحكيلكم حكاية بسيطة جدا حصلت لى من كام شهر

كنت بغير العفشة بتاعة العربية الريجاتا وكنت شارى العقشة الجديدة كلها بس كان ناقص شدادين الديريكسيون قلت مش هغيرهم الا لما افك القدام واشوف حالتهم

لما فكيتهم طلعوا بايظين فبعتت صبى الميكانيكى الى تاجر قطع الغيار اللى بتعامل معاه من سنين علشان يجيب لى شدادين ديريكسيون

راح باعتلى شدادين صينى وقال لى ان حسابهم 75 جنيه، رجعت له صبى الميكانيكى تانى وقلت له قول له ان الحاجة دى رايحة لباشمهندس خالد، عيب تبعت له قطع غيار صينى انت عارف هو بيشترى انهى قطع غيار. راح تاجر قطع الغيار مرجعه بشدادين اوكاب ايطالى ب 80 جنيه، يعنى بيبيع الصينى اقل ب 5 جنيه فقط من الأيطالى، طب هل ده معقول

لو فكرتم فيها هتعرفوا لية التجار مغرقين البلد بعربيات صينى، العربية الصينى مكسبها لن يقل عن 300% بعد كل المصاريف طالما بيبيعوا بالأسعار العجيبة اللى احنا شايفينها دى، وبتبقى الفكرة كلها انهم مستنيين واحد "طيب" يروح يشترى عربية صينى بفرق 5 آلاف جنيه فقط عن مثليتها الكورية

**passat** · 23-08-2008 09:58 AM

المشاركة الأصلية كتبت بواسطة sab3aawy

وبتبقى الفكرة كلها انهم مستنيين واحد "طيب" يروح يشترى عربية صينى بفرق 5 آلاف جنيه فقط عن مثليتها الكورية

هههههههههههه واحد طيب

:laugh:

تم التعديل بواسطة
مشرف العــــــــــام

**OlaOsman** · 23-08-2008 10:09 AM

و احنا راجعين بالعربية من المعرض أول ما استلمناها وقفنا في إشارة عبد المنعم رياض شوية، فواحد بيسألنا هي العربية دي صيني؟ فقلنا له لأ دي دايهاتسو.. ياباني يعني. قال آآآآآآآآآه.. شكله كان فاكرنا بنأفلم عليه

فيه فعلا عربية طالعة جديد اسمها بيردي تقريبا او حاجة زي كده و تصميمها مقارب للسيريون بشكل كبير. اما الكتكوتة فأنا بدأت أشوفها فعلا في الشارع عادي خالص.

**wawoo** · 23-08-2008 10:12 AM

المشاركة الأصلية كتبت بواسطة som3aa

اولا هى مش هتغرق السوق هى هتغرق فى السوق.

حلو التعليق دة يا سمعة و الله , اتمنى فعلا يكون فى وعى بالموضوع دة , دى الناس شقيانة فى الفلوس دى "معظمهم" :)

المشاركة الأصلية كتبت بواسطة sab3aawy

راح تاجر قطع الغيار مرجعه بشدادين اوكاب ايطالى ب 80 جنيه، يعنى بيبيع الصينى اقل ب 5 جنيه فقط من الأيطالى، طب هل ده معقول

دة احنا بنتسرق بقى يا بشمهندس عينى عينك , اتارى بقى الصينى مغرق البلد فى كل حاجة , مش عشان رخيص , دة عشان المكسب خرافى .
و غير كدة يومين و يتغير تانى , و تستمر الحكاية .