الموضوع: تقرير عن هيونداي i10 2013 و صيانه ال 1000 في مركز العبور

المشاركة الأصلية كتبت بواسطة blazer

الف مبروك
وفعلا العربيات دى المفروض تبقى اقتصادية بس ازى اقتصاديه وهى قربت توصل ل ال 100 الف جنيه!!
العربيات دى آخرها 60 الف فى رأى

الله يبارك فيك
و هي فعلا اخرها 60 الف بس يتحط لها شوية عوامل امان
و للاسف اقتصادك في النازل و عملتك بتغرق فطبيعي تلاقي عربية زي تغلي و توصل ل 100 الف

المشاركة الأصلية كتبت بواسطة dozo

الف مبروك الصيانه و عقبال 100000 ان شاء الله .
مش عارف الكاسيت شكله مش ماشى مع بقيت التابلوه و لا بيتهيألى..
و الله يا شريف بيه لولا احتياجك للاتومايك كنت رشحتلك و بقوه a113 . انا عارف فيه ناس حتقول دى صينى اللى جابها لهيونداى لكن والله بقالها معايا سنتين ما شاء الله و كماليات حدث ولا حرج .
على العموم الخيره في ما اختاره الله .. ربنا يباركلك فى العربيه و يكفيك شرها .

الله يبارك فيك
و انا قلت ان الكاسيت مبوظ شكل الطبلوه ده غير انه تعبان جدا
و انا فعلا شفت ال a113 و عجبتني و عجبت المدام بس للاسف مش بتنزل الا مانوال و سعرها كان معقول معرفش وصل كام دلوقتي و انا شايف انها منتشره و اثبتت نفسها
و ربنا يتقبل دعائك

المشاركة الأصلية كتبت بواسطة ahmed_h_g

عربية حلوه ما شاء الله
ربنا يباركلك فيها

تسلم يا باشا

المشاركة الأصلية كتبت بواسطة hossam_elwani

الف مبروك عليك

الله يبارك فيك بس عليا ليه
المدام كده هتزعل ههههههه

المشاركة الأصلية كتبت بواسطة matantawy

تقرير ممتاز و ربنا يباركلكم فيها
عندنا i10 برضه اختى هتاخدها و تقريبا موافق بنسبة 90% على تقريرك
اللى يضايق هو فعلا موضوع السعر، دى عربية الواحد بيفكر انها فعلا اخرها لأخت لزوجة لبنت بتتعلم جديد، كده يعنى، بس سعرها غالى اوى و 2014 اللى هتبدأ من 90 الف دى كمان حكاية

ده غير المقلب بتاع انها هندى و كتير من قطع غيارها فى التوكيل بس، انا مثلا بدور على وش فانوس قدام مش لاقى غير فانوس كامل فى التوكيل ب 1500 !!

تسلم يا باشا
و هي عربية مناسبه للحريم جدا لان ابعادها كويسه

و الله يطمنك الفانوس ب 1500 جنيه
ربنا يستر ما انت عارف سواقة الستات
انا لغايه دلوقتي مراتي مش بتعرف تظبط الركنه عشان مش بتشوف اولها

و زي ما قلت السعر ده لان اقتصادك رايح في داهيه
و كل العربيات غليت بالفعل اشمعني هي يعني