تقرير عن هيونداي i10 2013 و صيانه ال 1000 في مركز العبور

**horas3000** · 23-08-2013 05:14 PM

اولا متاسف علي التاخير بس مكنتش شفت الردود دي

المشاركة الأصلية كتبت بواسطة monamize4

دا كلام يا باشا , بعد ماتعمل تقرير عن ال f30 و تقولى كنت راكب كايين

و X5 و طلع ف الاخر معاك i10 !!!

( بضحك معاك طبعا )

ربنا يباركلك فيها انت و كل ملاكها ,, بس مش ملاحظ ان 90 % من العربيات ال i10 بيكون لونها احمر

شفت يا زعيم مصر عملت فيا ايه ههههه
العربية اشتريتها للمدام و دي للاسف ارخص حاجه اوتو و مكيفه في بلدنا
و ده لانها لسه جديده في السواقه فمش عايز ابهدلها بعربيه مستعمله و كده
و عموما هي مش بتركبها كتير و انا مستغل ده بصراحه و مريح ال f30 هههه
اما ال x5 فدي عربيه الحج ربنا يخليه ليا
و هو فعلا اللون الاحمر منتشر منها و المدام كانت بتفكر فيه بس انا تدخلت بصراحه ههههه

المشاركة الأصلية كتبت بواسطة esam123

الف مبروك

المشاركة الأصلية كتبت بواسطة JOKER_KLEN

الف مبروك

الله يبارك فيكم

**horas3000** · 23-08-2013 05:19 PM

اخر التطورات تم عمل سيرفيس ال 5000
و مش عارف هي ايه لازمتها بس اللي شفته رجلشه الفرامل و تنظيف المتور و الفلاتر و كده
و اتكلفت 115.5 جنيه منهم 90 مصنعيه هههههه

المركز زي ما هو بنفس العيوب
و العربيه دخلت بعد ما وصلت ب 45 دقيقه رغم اني وصلت في معادي
و المستفز بقي ان بتاع الكول سنتر قال لي و انا بحجز اني لو اتاخرت اكتر من 20 دقيقه المعاد هيتلغي و هتدخل في اقرب معاد بعده صاحبه اتاخر برده
و المره الجايه لو الكلام ده اتقالي مش هعديها

و العربيه بشكل عام كويسه جدا
و اعجابي بيها بيزيد و حاسس انها مناسبه لمصر و شوارعها جدا
و استهلاكها للبنزين خرافي خصوصا لواحد نازل من v8 و v6 زي حالاتي هههههه
هي بس لو متورها يقوي سنه هتبقي تمام
و اعتقد الشكل الجديد اللي هينزل منها هينزل بالمتور بتاع البيكانتو ال 1200 سي سي و اللي اعرفه ان الشكل الحالي نزل بيه فعلا بس غبور مجبهاش بيه
و يا سلام بقي لو يتجننوا و تنزل بالمتور ال 1.2 التيربو الجديد و تبقي i10 gt هههههه