الموضوع: ندااااااء أخيييييير

فيه إيه يا جماعة نسيتوا إنكم قسم واحد قلب واحد روح واحدة اتفقت على الخير للجميع بدون أى مقابل إلا الحب والود والصداقة والأخوة لما كل واحد ينسحب عشان كرامته مين اللى حيفضل بقه ؟ كرامتكم كلكم من كرامتنا وحتفضل مرفوعة عاليا رغم كيد الأعادى ، القسم بجد مالوش طعم من غيركم وبعدين لما الكبار يمشوا حيسيبوها لمين للعيال ؟ مع احترامى للجميع تخيلوا ان دى مصر بلدكم لما تتهان كرامتها نسيبها ونمشى ونقول كرامتنا بتوجعنا ولا تقف مع بعض ونحاول نرجع هيبة وكرامة بلدنا مع الفارق بين بلدنا مصر والقسم اللى احنا فيه بس وجه التشبيه ده دلالة على أهمية القسم اللى جمعنا على حب ما يتعوضش لم يستطع أهل السياسة أن يجمعونا عليه فلا تهدموا كل جميل فى حياتنا ، وبعدين مسألة اننا مع بعض خارج القسم ده شئ جميل بس افتكروا اللى جمعكم وعرفكم على بعض هو داخل القسم وكل الأعضاء القدامى والجدد اللى مايعرفوش يقابلوكم ليهم حق عليكم جوه القسم ، نداء أخير الى كل قلب كبير وعقل مستنير وكرامة مرفوعة وعزة نفس محفوظة عند الجميع ارجعوا الى بيتكم سالمين من كل لغط أو عيب غانمين بحب الناس وإحترامهم لكم ) ونداء أخير إلى الإدارة المحترمة بقيادة الأستاذ / كريم منير لآ تترك قلعة شامخة كبيرة بنيت بتعبك وتعب الأعضاء المحترمين من كل الأقسام لا تتركها تهدم وأنتم فى أيدكم حلولا أكثر وأكبر مما يحدث لأنها قلعتكم أنتم ولن تهدم إلا على رؤوسنا جميعا ولا تدع تعب السنين يضيع فى لحظات لدى ثقة كبيرة فى حكمتكم لمعالجة الأمور والكبير لا يستطيع أن يظل كبيرا إلا بمواجهة الصعاب والمتاعب الكبيرة وبمجهود أضعاف أضعاف ما بذله لتحقيق النجاح حتى يظل عاليا ناجحا وأيضا بمجهود الجميع تحياتى لكم ودعائى لكم بالتوفيق ولم الشمل فى أقرب وقت وتذكروا أننا على أعتاب أيام مباركات نريد أن نتحصل منها على الثواب وإحنا مع بعض دائما ليعم الخير على الجميع
والسلام علكيم ورحمة الله وبركاته