انا هشتري عربية وفي ناس نصحتني بحاجات كتير منها الستروين انا عايز اعرف ايه اكبر عيوب الستروين c3 , c4
و متوسط سعرهم في السوق دلوقتي كام c3 2007 و c4 2005 عاملين 80000 كيلو وراشين بره يعملوا كام دلوقتي
ارجو الرد وشكرا
عرض للطباعة
انا هشتري عربية وفي ناس نصحتني بحاجات كتير منها الستروين انا عايز اعرف ايه اكبر عيوب الستروين c3 , c4
و متوسط سعرهم في السوق دلوقتي كام c3 2007 و c4 2005 عاملين 80000 كيلو وراشين بره يعملوا كام دلوقتي
ارجو الرد وشكرا
سلام عليكم
بالنسبة للسي4 ممكن أفيدك و هي مالهاش مشاكل محددة طالما سليمة و تصان في مواعيدها و قطع غيارها متوفرة جديد و مستعمل و سعرها عادي أرخص من الكورى الجديد.
سعرها في حدود 65000 الي 72000 جنيه بالنسبة للموديل 2005 و بعدين 80000 كم مش كتير علي سيارة مو 2005 و اكشف عليها عند حد بتاع سيتروين أو التوكيل و اطمأن عليها و لو في أي عيوب جامدة بلاش و لو فيه لعب في الكهرباء بلاش منها حتي لو ببلاش.
اتأكد ان كل حاجة شغالة مظبوط و هى حاجة و السي3 حاجة تانية لا يقارنوا ببعض السي3 صغيرة و سعرها اربعينات و مشاكلها معرفش
شكرا جدا لرد حضرتك بس في ملحوظتين
1- لو حبيت اكشف ايه افضل مكان اروحلة وبكام وقطع الغيار المهم انها تكون متوفره يعني لو حاجه عطلت الدلوقتي البس وانزل اجبها في ساعه لاني مبحبش الدوخه واللف والدوران وعك وفتي اي حدح مبيفهمش ويلعب في الحاجه
2- السعر اللي حضرتك كاتبوا غريب شوية انا لقيت معظم اسعار 2005 و 2006 من 50000 الي 60000
وبعدين انا اللي مدايقني في c4 منظر العداد وهو في النص شفتوا في كذا عربية و معجبنيش خالص فدي ممكن تخليني اروح للسي 3 ودي امزجه بردو
وننتظر باقي رد الاعضاء
الكشف فى التوكيل او اى مركز معتمد او اى حد متخصص ستروين لأن العربية لازم يتكشف عليها بالكمبيوتر مش بالنظر بس لأنها بتسجل فى الكمبيوتر بتاعها لو فيه اى errors .. قطع الغيار موجودة فى الحرفيين و صقر قريش استيراد و جديدة فى التوفيقية و متوفرة عادى مفيش مشاكل
بالنسبة للسعر 90% من العربيات اللى هتلاقيها بالسعر ده هتلاقى فيها مشاكل و مش ماسكة نفسها .. يعنى ممكن تلاقى الحالة جيدة بس مش حالة ممتازة و اللى تركبها من غير ما تحط فيها فلوس .. اللى معاه حالة نادرة و ماسكة نفسها من العربية ديه مش بيفرط بيها بسهولة و بيطلب سعر اعلى زى ما الاستاذ اشرف قال دا رينج العربيات النضيفة فى السوق فعلا .. بس طبعا ممكن تلاقى عربية فرصة و حالة ممتازة فى حدود 60 مثلا بس ديه نصيب بقى بس الطبيعى انك هتلاقى الحالة النضيفة اغلى و على فكرة لو حسبتها هتلاقيها تقريبا زى بعض يعنى لو جيبت عربية بـ 60 الف و مقلقة و صرفت عليها 7 الاف مثلا عشان ترجعها لأصلها مع وجع القلب بقى زى ما تكون اشتريت عربية حالة نادرة بـ 70 الف و اشتريت دماغك و حاجة تركبها من غير ما تفكر
و برده زى ما قال استاذ اشرف مفيش مقارنة بين الـ c3 و الـ c4 .. ده كأنك بتقول البولو احسن و لا الجولف .. ديه حاجة و ديه حاجة
ممكن تكشف عليها عند ايهاب جلال فى المعادى على طريق الوتوستراد
نحسبه راجل محترم ومش هيخدعك
شكرا ليكوا جدا
بس بقولكم مبقارنش بين الاتنين انا مش هرتاح مع العداد اللي في النص ده فعشان كده انا هدور علي c3 ايه بقا رنج سعرها ومشاكلها
وانا بردو حاطط السي 4 عشان اشوفها بردو يمكن ارتاح عليها بس ده صعب
انا معرفش حاجة عن سي 4 بس السي 3 مع اختي بقالها اربع سنين ما شاء الله عليها جميله جدا مغيرتلهاش غير اتنين مساعدين مع تغير الحاجات الروتينية بس انا سقتها عربية مريحة جدا في السواقة وقطع الغيار متوفرة مع العلم اني في دمياط والعربية مش كتيرة عندي بس بجيب كل اللي بتحتاجه لاتنين مساعدين سعرهم 600 جنيه ارخص من الكوري وعلي فكرة انا بشتري واحدة لنفسي ربنا يوفقك ويوافقنا