عشان اشتري حاجه ب20 دولار ادفع 87دولار!!!!

**qkash.com** · 29-05-2013 04:51 AM

المشاركة الأصلية كتبت بواسطة mido353235

الموضوع باختصار ياجماعه شفت حاجات علي امازون حاجه سعرها 15 دولار وحاجه سعرها5 دولار بعت اللينكات لموقع اشريلي والاقي استهبال فاضي السعر 20دولار والاجمالي بعد الشحن والعموله وكل حاجه 87.30 دولار يعني عشان اشتري حاجه من برا ادفع اربع اضعاف سعرها ياريت لو حد عنده حل يقولي ولو بيعرف يشتري ومعاه فيزا يشتري من امازون ممكن احول الفلوس ليه ويشتريلي ولو عايز عموله انا معنديش مشكله وكتر خيره انه هيساعدني شكرا ليكم يارجاله علي تعاونكم

انت ممكن تشتري بنفسك كل اللي عليك تعمله انك تروح اي بنك وتعمل كارت نت وتعمل ايداع فيه بمبلغ كفاية "انا سمعت ان بنك كريديي اجريكول بيسلمك الكارت وانت واقف"

وتسجل في خدمة شوب اند شيب "من ارامكس"

وتشتري من اي موقع زي ماتحب وتشحن علي العنوان بتاع الخدمة وهيتم شحنها علي عنوانك بعد ماتوصل لعنوانك في شوب اند شيب

وبالتوفيق ان شاء الله

ولو عايزني اعملك القصة دي بحسابي الخاص انا تحت امرك

كلمني

qkash1@yahoo.com

**mohamed_selim** · 29-05-2013 10:38 AM

الفكره ان ٢٠ دولار ولا حاجه
على ما تجيلك باى شكل سواء ارامكس او شحن لمصر هتصرف مش اقل من ٥٠-٦٠ دولار ان مكانش اكتر لان كده مده فى جمارك و شحن و مصاريف
لما بتشترى بفلوس كتير الاضافات دى بتتوزع بس مع ٢٠ دولار هتبان معاك قوى

**fepsceasar** · 29-05-2013 11:41 AM

المشاركة الأصلية كتبت بواسطة mohamed_selim

الفكره ان ٢٠ دولار ولا حاجه
على ما تجيلك باى شكل سواء ارامكس او شحن لمصر هتصرف مش اقل من ٥٠-٦٠ دولار ان مكانش اكتر لان كده مده فى جمارك و شحن و مصاريف
لما بتشترى بفلوس كتير الاضافات دى بتتوزع بس مع ٢٠ دولار هتبان معاك قوى

انا مع الراى ده واى خدمة تانية مش هتفرق كتير
لو هتشترى حاجة من برا اعمل حسابك فى موضوع الشحن والجمارك ويفضل ما تشتريش حاجة الا لو متاكد ان سعرها بعد الشحن والجمارك ارخص او مالهاش بديل فى مصر
غير كده بصراحة ما تشتريش من برا
لان الموضوع ده حصل معايا فى كذا حاجة وحسيت انى لو كنت اشتريت من مصر كان احسن

**h_shahin** · 29-05-2013 07:37 PM

مع إحترامى كل الحلول إللى قالها السادة الأعضاء دى مش هتغير من الواقع حاجة

الشراء من أمريكا أو من النت عموما مكلف جدا
و السبب التكلفة العالية هو تكاليف الشحن بالإضافة لتكاليف الرسوم الجمركية و التخليص

يعنى أى حد عايز يشترى حاجة من برة ما يبصش على سعرها على النت فقط لازم يضيف تكاليف الشحن و الجمارك و التخليص

الإشتراك فى أراميكس شوب أن شيب ممكن يكون أغلى من إشتريلى على فكرة
و خصوصا للى هيشترى مرة واحدة أو على فترات كبيرة
لإن الإشتراك لواحده بـ 45 دولار
و بعدين تكلفة الشحن للنصف كيلو 12 دولار غير الرسوم الجمركية و عمولة التخليص الجمركى

حتى كمان الشراء من أمازون مباشرة و الشحن مباشرة لمصر بيتضاف عليه رسوم جمركية و تخليص

الحل الأمثل لتخفيض التكاليف دى هى تجميع مجموعة مشتروات من تاجر واحد و شحنها مرة واحدة
و كذلك فى ناس بتتصل بالتاجر و تطلب منه تخفيض قيمة الفاتورة المرفقة لإن هى أساس المحاسبة الجمركية
و فيه ناس بتطلب لفها فى لفة هدايا و عدم إرفاق فاتورة و ساعتها الرسوم الجمركية هتتحسب جزافى أو ممكن ما تتحسبش
بس كل ده مرهون بإن البائع يوافق على الشروط دى

فاللى عايز يشترى من برة لازم يحسبها كويس
يا إما الحاجة مش موجودة فى مصر و هو محتاجها و بالتالى يستحمل
أو السلعة موجودة فى مصر لكن فرق السعر + الشحن + الجمارك ...إلخ أقل من سعرها فى السوق يبقى خير و بركة بس يستحمل طول مدة الشحن و مفاجأت الشراء عبر الإنترنت