موبينه العربيه باظت .. دورت على واحده استيراد 4 طرف ملقتش خالص .. اشتريت واحده صينى و ركبتها .. شغاله كويس بس لمبه الـ check منورة !! و مش عارف اعمل ليه ؟؟ ولا هيا منورة ليه ؟؟
افيدونا جزاكم الله خير :)
عرض للطباعة
موبينه العربيه باظت .. دورت على واحده استيراد 4 طرف ملقتش خالص .. اشتريت واحده صينى و ركبتها .. شغاله كويس بس لمبه الـ check منورة !! و مش عارف اعمل ليه ؟؟ ولا هيا منورة ليه ؟؟
افيدونا جزاكم الله خير :)
علطول تروح لحد عنده سكانر و تعمل سكان و حيحددلك العيب ... و حيكون أحد الحساسات فيه مشكله .
ده انت حظك حلو انها منوره احسن مايكون عندك عطل و اللمبه مش منوره
الخلاصه روح على حد يكشفلك اسكانر و احنتمال وارد ان اللمبه منوره لعطل قديم يعني حيصفرها بس و يكون مفبش عطل حالي
في اي خلل في الاداء حضرتك لاحظته بعد ما اللمبه نورت ؟؟؟؟؟؟؟
فعلا الموبينه الصينى في النوبيرا بتخلي لمبة التشيك تنور ولو حطيت ايدك علي الموبينه هاتلاقيها سخنه نار
check = scanner
لمبه تشك = سكان
مقتبسه من كبار المنتدى و خبراء الدايو
انا معايا لانوس 99 ولسه جى من اسكندريه وانا على الطريق نورت وطفت وانا على 120كم س والعربيه 4 غيرى والشنط والتكيف فخفيت شويه طفت وعملتها كمان مره
بعد مارجعت قولت اعمل سكان بس منورتش تانى والاداء جيد مفيش حاجه ملحوظه
فقولت يمكن الحمل كان زياده على المتور ومروحتش للميكانيكى
ايه رأى حضراتكم اروح ولا ؟؟؟؟؟؟؟؟؟؟
انا وقعت برده في مشكلة الموبينه الصيني دية وركبتها اللمبه نورت الميكانيكي اخدني وطلعنا علي الكهربائي عمل سكان ملقاش حاجه وقاله هي الموبينه الصيني كده بتخلي اللمبه تنور الكمبيوتر مبيتعرفشي عليها قاله والدليل اهوه خد موبينه اصليه وفك اللي عندك وجرب وفعلا واحنا واقفين راح الميكانيكي فاكك الصيني ومركب التانيه اللمبه طفت فعلا . ومن حظي الميكانيكي بيتعامل مع بتاع قطع الغيار اللي جبت منه الموبينه .......علي طول راح وقاله عاوزيين موبينه غير دية طلعله كذا واحده وبقينا نجرب واحنا واقفيين نفس المشكله قالي انا عندي مبوبينه كوري بس اغلي حاجه بسيطه قلتله هاتها نجربها وفعلا والحمد لله طلعت كويسه واول مركبناها اللمبه طفت قلت الحمد لله .....
وبالنسبه للأخ حماصه 99 هو حد يروح للجزار برجليه استني لما يكون في عطل حقيقي وابقي روح للميكيانيكي انت مستعجل ليه طالاما العربيه ماشيه حلو سيبك يمكن الكمبيوتر هو اللي هنج ولا حاجه الحراره تسيح الحديد الجو وحش جدا وممكن يأثر علي اي حاجه .
غالبا حساس الشكمان oxygen sensor