حكايتى مع الايمجراند7 (الايمخ.....) أنا اسف فى أقل من 24ساعة

حكايتى مع الايمجراند7 (الايمخر.....) أنا اسف فى أقل من 24ساعة

إنه فى يوم الإثنين الموافق 27/5/2013 إلا ما يعلم بيه إلا ربنا سبحانه وتعالى استلمت الإيمخر.... من المعرض إلا ما يعلم بيه إلا ربنا سبحانه وتعالى ايضاً القرش معاملة وحشة جداً وعايزين يسلمونى العربية ناقصة (الولاعة+المفتاح الثانى+الكتالوج+الضمان) من غير ما يمضى على انى مستلمتهمش يعنى هما ما يتنزلوش عن حقهم انما إلي يستلم العربية هوة كدة واذا كان عجبك وبعد ما مضوا على اقرار الاستلام انى مستلمتش الحاجات ديه مشيت بالايمخر......... مكملتش 12كيلو وتعطل العربية الساعة 1.30 بالليل واكلم المفروض خدمة ما بعد البيع ولا حد عبرنى وكأنى سارقها وبعد ساعة دارت العربية ورحت ركنتها
وتانى يوم الثلاثاء الموافق وانا مش موافق 28/5/2013 عملتها تانى ورحت توكيل مودرن سيرفيس وقالوالى اصل كان فى فيشة فاصلة وعملناها
وبعد بالظبط 50دقيقة فصلت كهرباء خالص وكأن البطارية ماتت انتحرت كلمتهم تانى
وقالولى معلش ممكن تعمل وصلة قلتلهم ماشى وجبت بتاع البطاريات ووصل ياعم اقسم بالله لا حياه لمن تنادى اتصلت بيهم تاسع وخليت بتاع البطاريات يكلمهم قالهم العربية فاصلة باور قالولى اتصل 16101 يبعتولك ونش يرفعها لتوكيل أبو رواش والونش رفعها وهية دلوقتى فى غرفة العناية المركزة والله معلقت نمر وانا عارف اوديها التوكيل لما هوديها المرور

انا عارف انى طولت عليكم لكن انا اسف نصيحة العربية دى خبور من غبور بواسطة القرش

لو عايز عربية تقرفك شوية ايمجراند7 هية العربية
المفروض تبقى كدة الأغنية
حفظتها من كتر ما سمعتها على التليفون

خير ان شاء الله...ربنا يكفيك شرها ويديك خيرها اقولك ايه بس

يعنى انا اشتريت عربية علشان اوديها الضمان على ونش كل شوية تقريباً شايفنى فاضى فبيسلونى

لا حول ولا قوة الا بالله
عايز اقولك انك ما تظلمش العربية لان ممكن يكون تقصير من الوكيل فى الكشف على العربية قبل البيع
وبينى وبينك شكلك كدة اخدت عين تمام اصل فى ناس عنيها مقورة ومدورة مقولكش يبصوا للعربية وvery very beautiful
وهووووب عالتوكيل ... روق ومتزعلش نفسك وان شاء الله العربية حتكون زى الفل لا تقلق ناس كتير بتمر بالظروف دى فى كل الماركات بالذات لما تكون العربية جديدة فى السوق

ان شاء اللة خير
يبقى طمنا بالتفصيل اية حصل

تفائل وانشالله خير

كلها عيوب بسيطه وانشألله هتتظبط

وربنا يباركلك فيها بس انا من رأي ماكنتش تستلم العربيه من غير االمفتاح التاني علي الاقل

والله العظيم ياجماعة اللى انا عارفه انى المفروض بشترى عربية علشان تريحنى مش تشقينى انا واحد عنده سكر وباخد انسولين mixtard30 العربية هتجبلى الضغط ولا ايه يعنى خدوا العربية لابو رواش وانا بقى اروح موصلات علشان اجيب العربية دة كلام يرضى حد حسبى الله ونعم الوكيل

فكرتني اول ما استلمت الشيري بتاعتي...
ركنت اجيب شوية فاكهة احلي بيهم الاهل في البيت...
جيت ادور حلفت مهي دايره ومكنتش واخد بالي اني لازم ادوس فرامل...
هههههههههههه
ربنا يخفف عنك..
تحياتي

Sent from my LT18i using Forum Runner

إن شاء الله خير
وعسى ان تكرهوا شيء وهو خير لكم
ان شاء الله تستلمها وتبقى معاك زى الفل

إن شاء الله تكون حاجة بسيطة وترجع تستمتع بعربيتك
وإبقى طمنا بعد الإنتهاء من الإصلاح

لا حول ولا قوة الا بالله اكيد دة تقصير في الكشف علي العربية قبل البيع لان في ناس كتير جابو العربية وبشكرو فيها جامد ومعلش اصبر وان شاء الله خير والف سلامة علي حضرتك وربنا يشفيك ويشفي المسلمين جميعا

للاسف الموضوع كله بيبقى بسبب المعرض لانهم بيفصلوا فيشه العداد عشان لما يجى يبيعهالك ماتبانش انها ماشيه كتير و هى فعلا مشكله العربية ديه انها حساسه جدا لدرجه لو حطيت بنزين فيه مشكله لمبة الcheck engine هتنور ومش هتتطفى غير بعد فترة.. هى فالاخر هتتطلع حاجه بسيطه لكن المعرض خايف تعرف فتتخانق معاهم لان انت غالبا واخد عداد اعلى من الى مكتوب عندك .. ربنا يصبرك و ان شاء الله هتستمتع بالعربية ديه و عن تجربة

قدر الله ماشاء فعل وبعدين انت لازم تاخد العين فمعلش استحمل شوية
اخويا لسه شارى عربية من شهر وعايز يبيعها بيقوللى انا مش يوم عند الميكانيكى ويوم عند السمكرى لدرجة انها قاعدة تتخبط حتى وهيه واقفة ....................... قلتله دى عين ياحبيبى

السلام عليكم
الحمد لله استلمت العربية النهاردة الساعة 5مساءاً وقالولى احنا غيرنا البطارية كانت ضايعة بس مشوار علقة الله يكون فى عون اللى بيشتغلوا هناك فى ابو رواش

100 / 100

الف مبروك وربنا يديك خيرها ويكفبك شرها

الف مبروك

أنا ايضا استلمت الايمجراند مساء الاثنين 28/5/2013 ولم يحدث لها اي مشكلة الى ان قرات مشاركتك واستغربت المشكلة التي حصلت معك
ولكن الاربعاء وانا ذاهب للمرور للترخيص سمعت اصوات كهربا بتضرب داخل الشنطة والاصوات واصلة لعندي وانا كنت على الكوبري لا يمكنني الوقوف للتحقق
وصلت الى البيت والاصوات سمعتها مرتين على الطريق
ولكن مساءا حصل معي نفس الذي حصل معك
لم تشتغل العربية فصلت الكهرباء عن السيارة نهائيا وفتحت الكبوت ولم اعرف ما المشكلة و اغلقت الكبوت
وبعد عدة محاولات دارت السيارة بعد ان ذهبت اعدادات عداد الكيلومترات و الساعة وهذا يعني ان المشكلة من البطارية او فيوزات السيارة وانا قريب من الشروق ولا اعرف ماذا افعل هل انتظر لصيانة الالف كيلو
ام اذهب بها الى ابورواش هذا ؟؟؟؟؟؟

تصحيح : الاصوات كانت في الكبوت او غطاء المحرك وليس الشنطة الخلفية

اقتباس:

---

المشاركة الأصلية كتبت بواسطة emehdy

أنا ايضا استلمت الايمجراند مساء الاثنين 28/5/2013 ولم يحدث لها اي مشكلة الى ان قرات مشاركتك واستغربت المشكلة التي حصلت معك
ولكن الاربعاء وانا ذاهب للمرور للترخيص سمعت اصوات كهربا بتضرب داخل الشنطة والاصوات واصلة لعندي وانا كنت على الكوبري لا يمكنني الوقوف للتحقق
وصلت الى البيت والاصوات سمعتها مرتين على الطريق
ولكن مساءا حصل معي نفس الذي حصل معك
لم تشتغل العربية فصلت الكهرباء عن السيارة نهائيا وفتحت الكبوت ولم اعرف ما المشكلة و اغلقت الكبوت
وبعد عدة محاولات دارت السيارة بعد ان ذهبت اعدادات عداد الكيلومترات و الساعة وهذا يعني ان المشكلة من البطارية او فيوزات السيارة وانا قريب من الشروق ولا اعرف ماذا افعل هل انتظر لصيانة الالف كيلو
ام اذهب بها الى ابورواش هذا ؟؟؟؟؟؟

---

احساسي بيقولي ان مشكلتك هي ان كابلات البطارية مش مربوطة كويس وبتهرب۔ او الارضي مش مربوط كويس في جسم السيارة۔
ودي وصمة عار التقفيل المصري۔

اقتباس:

---

المشاركة الأصلية كتبت بواسطة emehdy

أنا ايضا استلمت الايمجراند مساء الاثنين 28/5/2013 ولم يحدث لها اي مشكلة الى ان قرات مشاركتك واستغربت المشكلة التي حصلت معك
ولكن الاربعاء وانا ذاهب للمرور للترخيص سمعت اصوات كهربا بتضرب داخل الشنطة والاصوات واصلة لعندي وانا كنت على الكوبري لا يمكنني الوقوف للتحقق
وصلت الى البيت والاصوات سمعتها مرتين على الطريق
ولكن مساءا حصل معي نفس الذي حصل معك
لم تشتغل العربية فصلت الكهرباء عن السيارة نهائيا وفتحت الكبوت ولم اعرف ما المشكلة و اغلقت الكبوت
وبعد عدة محاولات دارت السيارة بعد ان ذهبت اعدادات عداد الكيلومترات و الساعة وهذا يعني ان المشكلة من البطارية او فيوزات السيارة وانا قريب من الشروق ولا اعرف ماذا افعل هل انتظر لصيانة الالف كيلو
ام اذهب بها الى ابورواش هذا ؟؟؟؟؟؟

---

اطلع علي ابوالرواش ولو العربية مدارتش كلم الوكيل يبعتلك ونش ييجي ياخدها وطبعا علي حساب التوكيل الونش متدفعش مليم

اقتباس:

---

المشاركة الأصلية كتبت بواسطة emehdy

أنا ايضا استلمت الايمجراند مساء الاثنين 28/5/2013 ولم يحدث لها اي مشكلة الى ان قرات مشاركتك واستغربت المشكلة التي حصلت معك
ولكن الاربعاء وانا ذاهب للمرور للترخيص سمعت اصوات كهربا بتضرب داخل الشنطة والاصوات واصلة لعندي وانا كنت على الكوبري لا يمكنني الوقوف للتحقق
وصلت الى البيت والاصوات سمعتها مرتين على الطريق
ولكن مساءا حصل معي نفس الذي حصل معك
لم تشتغل العربية فصلت الكهرباء عن السيارة نهائيا وفتحت الكبوت ولم اعرف ما المشكلة و اغلقت الكبوت
وبعد عدة محاولات دارت السيارة بعد ان ذهبت اعدادات عداد الكيلومترات و الساعة وهذا يعني ان المشكلة من البطارية او فيوزات السيارة وانا قريب من الشروق ولا اعرف ماذا افعل هل انتظر لصيانة الالف كيلو
ام اذهب بها الى ابورواش هذا ؟؟؟؟؟؟

---

عربية زيرو و سمعت الاصوات بتضرب من الكهرباء هو حضرتك مستنى اية اطلع على ابو رواش فورا و ماتستاش وان شاء اللة خير و يبقى طمنا

يا جماعة أي توكيل محترم لو طلع عربية فيها عيب العربية لازم ترجع وتاخد مكنها عربية تانية و لو رفض اطلع اشتكي في جهاز حماية المستهلك يا جماعة اعرفوا حقكوا و طالبوا بيه يعني إيه استلم عربية يطلع فيها عيب قبل لما أرخصها ده تهريج

والله أنا شايف أن السيارة بسم الله ماشاء الله أمكانياتها عالية قوى بالنسبة لسعرها ومواصفاتها كمان تتفوق على كثير جدا من مثيلاتها الفئوية لكن لازم تبلغوا التوكيل وتظهروا لة غضبكم من هذة الظواهر وهى أكيد فى حاجات هايفة مثل عزل الأسلاك الكهربائية ممكن يكون غير جيد وكذلك كما ذكر الأخ سابقا يكون توصيلات البطارية غير مثبت بأحكام بسبب أهمال أو سهو أحد العاملين وربنا يسهل لكم الأمور .

شكرا لنصائح الاخوة في المنتدى ذهبت بالفعل السبت الى ابو رواش بالعربية و ظهر ان احد كابلات البطارية غير مربوط بشكل جيد الى جانب انني كنت اسمع اصوات من التابلو كانها اصوات ماس كهربا عند المطبات تبين ان الفيبر امام لوحة العدادات يهتز ويظهر هذه الاصوات وبدات اتعود عليها

ولكن الوصول الى ابورواش و توكيل غبور هناك كان اشبه بالمغامرة في ادغال افريقيا فكل شخص يدلك على الطريق بشكل خاطئ و الحل يكون في شراء اندرويد مع جي بي اس ووضعه داخل السيارة

وشكرا لاعضاء المنتدى على النصائح

طيب الحمدلله أن العيب كان حاجة بسيطة وكان أحد كابلات البطارية غير مثبت جيدا وأيضا كما توقع البعض فى المنتدى لكن موضوع الفيبر دة لم يجدوا لة شئ يثبتة لكى لايهتز ولا يعمل صوت ؟ أعتقد أن تثبيتة بأى شئ أو مادة لازقة شئ ممكن جدا وحاجة من أسهل مايكون ونتمنى لك الأستمتاع بالسيارة ورنبا يوفقك

لاحــول ولا قــوة إلا بالله
واضــح جدا يــاأستاذي إن دي عيوب تقفيل ...ودي عــاما بتبقي حــاجات بسيطة
وإن شــاء الله يظبطهالك فى التوكيل ...بس قبل ماتستلمها حــاول إنك تجرب كــل حــاجة فيها
روق كده وماتتشأمش من العربية ...من خلال متابعتي للسيارة دي ...الناس بتشكر فيها جدا وهي عربية ممتازة
بس ده كلها زي ماأستاذ / عمر قالك عــين صــابتك:H_angry[1]:
ربنا يباركلك فيها ..وإن شــاء الله ترخص بالسلامة وعقــبال صــيانة العشرين ألف

لازم يكون في فرق في التقفيل عشان السعر..
للاسف توفير السعر 2000 ولا 3000 جنيه عشان عيوب التقفيل

عموما انتوا نقلتوا خبرتكوا في العربيه دي عشان كل واحد بعد كده يبقي يراجع الحاجات دي بعد كده

بالمناسبه كنت بسأل علي عربيه بريليانس v5 عن المصريه بالمنصورة بفتح العربيه لقيت الكهربا مش شغاله قولت له ليه قال لي اصل ناس كتيير قوي بيتفرجوا علي العربيه فخفنا علي البطاريه تخلص ففصلناها

ممكن يكون المعرض برضه هو اللي فاصل بطاريه مثلا ولاحاجه وموصلهاش صح

عادي ما انت في مصر