ما هو افضل مكان لصلاة التراويح فى رمضان و من هو افضل مقرىء للقرأن ؟؟

**Matrixawy** · 22-08-2008 05:44 PM

كل عام و الاعضاء الكرام بخير بمناسبة قدوم شهر رمضان الكريم

و مع قدوم شهر رمضان كل عام دائما اتسائل انا و اصدقائى
فى اى مسجد سنصلى التراويح و العيد هذا العام ؟؟؟

و احيانا نقوم بتجربة بعض المساجد فى بداية الشهر الى ان نستقر على مسجد معين و تجتمع عليه الاراء

و الاجماع عليه يكون نتيجة للاتى :
حسن صوت الامام
رحابة المسجد
قربه الى المسكن
الراحة النفسية للمكان

و لان المنتدى يضم الكثير من الاعضاء و من مختلف المناطق
فلا شك ان منهم اشخاص مخضرمين
فى معرفة افضل مساجد تقيم صلاة التراويح فى رمضان كل عام و ايضا صلاة العيد

فأرجو ان يشتركوا معنا فى ابداء الرأى و الاقتراح

و لنتخيل ان نجد اعضاء نايل موتورز جميعا مجتمعين فى مسجد واحد لصلاة التراويح برمضان او صلاة العيد

لاشك انه سيكون حدث كبير و سبيل للترابط اكثر بين الاعضاء.

**دموع الثلج** · 22-08-2008 05:52 PM

فى 6 اكتوبر مسجد الحصرى

وفى الهرم مسجد الرقيب

صلاه العيد فى ساحه مسجد مصطفى محمود

باقى المناطق بعيده عنى ومعرفش مساجد مميزه فيها

وقران قبل الفطار مميز بصوت الشيخ محمد رفعت واذان المغرب

**أبومعاذ** · 22-08-2008 06:18 PM

مسجد العزيز بالله في الزيتون بالنسبة للقريبين منه فيه شيخ صوته رائع
مسجد الفاروق او مسجد الصديق في مساكن شيراتون
مسجد بلال في مدينة نصر

**aif** · 22-08-2008 10:29 PM

احنا عندنا في العباسية مسجد النور ... لكن انا باتضايق من الزحام والتلفزيون و الاذاعة والاضاءة المبهرة والسماعات العملاقة ... بحب اصلي في هدووووووء
احنا عندنا مسجد صغير تحت عمارة قريب من البيت ..... المهم في الموضوع مش المكان ...... المهم الشيخ اللي بيقرأ
الشيخ بتاعنا شاب .... قراءته صحيحة .... صوته رائع ..... موجود معانا منذ 6 سنوات تقريبا .... بيختم القرآن كل رمضان مرتين .... مرة في التراويح ومرة في التهجد في العشر الأواخر .... وبيقرأ غيب بدون مصحف ..... ومش بيتقاضى اي اجر .... لوجه الله تعالى .... وبييجي كل يوم من الحي السابع حيث يسكن الي العباسية حيث مكان المسجد .....
بقي ان تعرفو شيء آخر .... انه مش مصري ..... ومش عربي اساسا ..... جنسيته صيني ...... من بلد اسلامي تحتله الصين منذ عشرات السنين واصبح مقاطعة في شرق الصين ... ودي آخر سنه له معانا لأنه مسافر بلده بعد العيد .... كان بيحضر ماجستير في الأزهر وخلاص دراسته انتهت
شوفو آيات الله في خلقه ..... رجل صيني و لغته صيني ... ويحفظ القرآن غيبا باحكام التلاوة كلمة كلمة وحرف حرف ... ولما تسمعه لازم تحب صوته وتحبه شخصيا ........ ولقد يسرنا القرآن للذكر فهل من مدكر

**Matrixawy** · 22-08-2008 11:12 PM

المشاركة الأصلية كتبت بواسطة aif

احنا عندنا في العباسية مسجد النور ... لكن انا باتضايق من الزحام والتلفزيون و الاذاعة والاضاءة المبهرة والسماعات العملاقة ... بحب اصلي في هدووووووء
احنا عندنا مسجد صغير تحت عمارة قريب من البيت ..... المهم في الموضوع مش المكان ...... المهم الشيخ اللي بيقرأ
الشيخ بتاعنا شاب .... قراءته صحيحة .... صوته رائع ..... موجود معانا منذ 6 سنوات تقريبا .... بيختم القرآن كل رمضان مرتين .... مرة في التراويح ومرة في التهجد في العشر الأواخر .... وبيقرأ غيب بدون مصحف ..... ومش بيتقاضى اي اجر .... لوجه الله تعالى .... وبييجي كل يوم من الحي السابع حيث يسكن الي العباسية حيث مكان المسجد .....
بقي ان تعرفو شيء آخر .... انه مش مصري ..... ومش عربي اساسا ..... جنسيته صيني ...... من بلد اسلامي تحتله الصين منذ عشرات السنين واصبح مقاطعة في شرق الصين ... ودي آخر سنه له معانا لأنه مسافر بلده بعد العيد .... كان بيحضر ماجستير في الأزهر وخلاص دراسته انتهت
شوفو آيات الله في خلقه ..... رجل صيني و لغته صيني ... ويحفظ القرآن غيبا باحكام التلاوة كلمة كلمة وحرف حرف ... ولما تسمعه لازم تحب صوته وتحبه شخصيا ........ ولقد يسرنا القرآن للذكر فهل من مدكر

سبحان الله العظيم
صينى و حافظ القرأن باللغة العربية
لا شك اننا مقصرين جدا فى الحفظ مثله
كما يوجد مساجد رائعة فى مصر و كبيرة جدا و لكنها للاسف خاوية فى رمضان و خاصة فى صلاة التراويح و لا تجد بها الا قلة
مثل مسجد السلطان حسن و ابن طولون و غيرها من المساجد الاثرية العتيقة

و فى نفس الوقت نجد مساجد صغيرة مزدحمة جدا فى التراويح
بسبب حلاوة صوت الامام
لا شك ان هذا عامل مهم يهون طول فترة الصلاة

**Yarisawy** · 23-08-2008 12:12 PM

صلاة التهجد بمسجد المحروسة بالمهندسين بتبقى حلوة اوى... بتبتدى الساعه 12 بالليل وبتقعد حوالى ساعه ونص او ساعتين من اول رمضان... بس ايه فى الهدوووء .. بجد جو تانى خالص .. جو خشوع وبس

**msami2k** · 23-08-2008 12:53 PM

التراويح الشيخ العشري كان في مسجد فى النزهة الجديدة رمضان اللى قبل اللى فات
المسجد كبير وراء بي تيك اللي بيطل على المطار

ممكن الشيخ ياسر سلامة "قناة المجد للقرآن" في مسجد السلام أول الحي العاشر مدينة نصر والتهجد كمان

صلاة العيد لسكان مصر الجديدة ومدينة نصر في مسجد ابوزهرة "ساحة مصر الحجاز" رائعة الشيخ محمد عيد بيدي خطبة رائعة ومؤثرة

لو حد يعرف مكان للإعتكاف يقول لنا
محمد سامي

**Meedo** · 23-08-2008 01:11 PM

مساجد الجمعيه الشرعيه وأنصار السنه بالاحياء المختلفه والأقاليم أيضا الصلاه هناك غالبا ماتكون جيدة وتتميز بالهدوء والسكينه والأئمه غالبا مميزون أهم حاجه من وجهة نظرى انك توقف نفسك لله تعالى فقط ولا تنشغل بأى شيء بعد الأفطار الا التراويح والعباده فقط و أنصح نفسى والجميع بنسيان التلفزيون والتخفيف من النت قدر المستطاع دعونا نوقف نفسنا لله شهرا
اللهم أكتبنا جميعا وابائنا وأمهاتنا من عتقائك من النار فى هذا الشهر الكريم أمين أمين

-

مشاهدة نتائج الإستطلاع: من هو افضل مقرىء للقرأن تحب الاستماع اليه ؟

الموضوع: ما هو افضل مكان لصلاة التراويح فى رمضان و من هو افضل مقرىء للقرأن ؟؟

LinkBack

أدوات الموضوع

عرض

-

-

-

-

-

المواضيع المتشابهه

افضل مكان لغسيل ؟؟؟؟

افضل مكان للترصيص

افضل مكان ظبط زواية

ما هو افضل مكان ترصص فية؟

الكلمات الدلالية لهذا الموضوع

المفضلات

المفضلات

ضوابط المشاركة