تغيير كاوتش 516

**محمود مدحت** · 29-05-2013 02:51 PM

المشاركة الأصلية كتبت بواسطة abdulhafeez

انصحك تغير للمقاس 195/60-15 هينعم العفشة شوية وهيخلي العربية اعلى 1 سم عن الاول
ممكن تجيب بريدجستون b250 فرده ممتازة بس مش رياضية سعرها تقريبا 550 ج للواحدة اندونيسي
في عندك كمان بريدجستون تورانزا في حدود نفس السعر اندونيسي
لو عايز حاجة رياضي ممكن بريدجستون my 01 او my 02 اندونيسي

المقاس الاصلي 195/55-15 هيكون سعره اغلى بس مش عارف كام

الياباني يزيد 150 ج في الفرده الواحدة عن الاندونيسي في نفس النقشة

انا انصحك ب مقاس 195/60-15 نقشة my02 كان تمنها شهر 2 اللي فات ب 572 اندونيسي
هي بس مشكلتها ان ليها اتجاه دوران فلما تعمل روتيشن لازم تاخد بالك من اتجاه الدوران ده لان في ناس بتوع كاوتش مش بتفهم فيه وبتركب وخلاص

والتوفيق ان شاء الله

طب اية الفرق بين الفردة العادية و الرياضي ؟؟

**محمود مدحت** · 29-05-2013 02:52 PM

مين اضمن حد اشتريها من عنده و يركبهالي البريدجستون ؟؟

**محمود مدحت** · 29-05-2013 02:59 PM

المشاركة الأصلية كتبت بواسطة abdulhafeez

انا بتكلم على الندونيسي مش الياباني

بس لو الاندونيسي كدا يبقى غلي قوي

فكر بقى في الهانكوك كويس برضو

الهانكوك افضل موديل فيها اية و سعره كام تقريبا؟؟

**abdulhafeez** · 30-05-2013 01:50 AM

المشاركة الأصلية كتبت بواسطة محمود مدحت

طب اية الفرق بين الفردة العادية و الرياضي ؟؟

الفردة الرياضية ::

العيوب :
بتكون ناشفة شوية مقارنة بالعادية ( لو طرقك مكسرة مش هتعجبك )
بيكون صوتها اعلى من العادية ( مزعجة شوية )
سعرها اغلى

المميزات :
ثبات اعلى في المنحنيات
تحمل اكبر للسرعات العالية .. معاك لحد 240 كلم / ساعة
عمر افتراضي اطول
فرامل اقوى

بس دا مش معناه ان الفردة العادية عكس كدا .. هي بس بتكون اقل في الامكانيات شوية

**abdulhafeez** · 30-05-2013 01:55 AM

المشاركة الأصلية كتبت بواسطة محمود مدحت

مين اضمن حد اشتريها من عنده و يركبهالي البريدجستون ؟؟

افضل مكان توكيل بريدجستون fit & fix
منتشرة في اماكن كتير
في في بنزينة توتال عند نصر الدين في الهرم
وعند في الجيزة اول شارع مراد
وفي فرع في المنيل
وفي فرع في اكتوبر جنب الحصري على المحور المركزي

اسعارهم زي بعض وتعاملهم كويس
بس في محلات بره ارخص منهم شوية

يعني الفردة ممكن تكون اقل ب 30 ج مثلا

كمان سعر الفردة شامل الترصيص والبلف

عندهم برضو الهانكوك موجود .. بس بصراحة ماعرفش عنه كتير

**محمود مدحت** · 30-05-2013 03:43 PM

المشاركة الأصلية كتبت بواسطة abdulhafeez

افضل مكان توكيل بريدجستون fit & fix
منتشرة في اماكن كتير
في في بنزينة توتال عند نصر الدين في الهرم
وعند في الجيزة اول شارع مراد
وفي فرع في المنيل
وفي فرع في اكتوبر جنب الحصري على المحور المركزي

اسعارهم زي بعض وتعاملهم كويس
بس في محلات بره ارخص منهم شوية

يعني الفردة ممكن تكون اقل ب 30 ج مثلا

كمان سعر الفردة شامل الترصيص والبلف

عندهم برضو الهانكوك موجود .. بس بصراحة ماعرفش عنه كتير

انا سألت في بتاع عمارات العبور قالي b250 عاملة 600
و my02 رياضي عاملة 620
الفرق بسيط
انا بسافر بيها كتير يعني في الاسبوع علي الاقل لازم رايح جاي سفر
كده الرياضي افضلي ؟؟

**abdulhafeez** · 31-05-2013 01:33 AM

حسب انت بتسوق ازاي اصلا ....
بتحب الجري والملفات السريعة وكدا يبقى الرياضي
مشيك هادي وبالراحة يبقى العادي ...
لان الاسبيرانزا اصلا عفشتها ناشفة اساسا ... ومن اسباب النشوفية فردة بريللي اللي كانت راكبة ....... البريللي دي رهيبة في الجري والملفات بس ناشفة اوي ...

وبما انك هتغير المقاس الى 195/60-15 يبقى خليك في my02 علشان ما تحسش بفرق كبير في الثبات عن الاول ... يعني لو كنت بتاخد الملف على 120 يبقى تاخده على 115 ... بينما ب b250 هتاخده على 100

**abdulhafeez** · 31-05-2013 01:39 AM

على فكرة انا اصلا مركب الاتنين عندي في العربية

B250 راكبة قدام .. و my02 راكبة ورا
b250 ناعمة وحلوة قوي في المطبات ... my02 مخلية الثبات كويس علشان راكبة ورا

انا بصراحة ما جربتش b250 في الخلف علشان احكم على الثبات بتاعها عامل ازاي بس هي بصراحة انعم من my02 بحوالي 30 % كدا .. بتبان معايا لما اخد مطب بحس العربية بتهبد اقل من قدام رغم ان الحمل على قدام اكتر .. ورا بحسها ناشفة شوية ........ بس مش زي الاول مع البريللي ..

من الآخر هات my02 او turanza بس نقشة رياضية لو موجود ........

turanza gr30 عجلة محترمة بس بصراحة ماجربتهاش

**aftr** · 31-05-2013 03:33 AM

بالنسبه m11 انا محتاج 2 بس محتار وكنت محتاج اعرض اللى وره فى ناس قالت المقاس ده كويس225/50-16 بس مش عارف موجود منه ورايك ايه فى الهانكوك
وفى حاجه كمان انا بحب السرعات العاليه هل فى اسم معين او نقشه ساعت لما اشترى

**abdulhafeez** · 03-06-2013 07:34 PM

المشاركة الأصلية كتبت بواسطة aftr

بالنسبه m11 انا محتاج 2 بس محتار وكنت محتاج اعرض اللى وره فى ناس قالت المقاس ده كويس225/50-16 بس مش عارف موجود منه ورايك ايه فى الهانكوك
وفى حاجه كمان انا بحب السرعات العاليه هل فى اسم معين او نقشه ساعت لما اشترى

التغيير للمقاس عادي بدون مشاكل
بس العربية هتبقى اتقل في الطلعة لانك زودت عرض الكاوتش ...
لو بتفكر في انواع انا اعرف بريدجستون potanza عجلة رياضية بس طبعا هتكون غالية جدا
ده غير ان المقاس دا هيكون نادر شوية في السوق

بالنسبة للهانكوك بصراحة معرفش عنه كتير ولا عن انواعه

لازم تعرف ان مش اي فردة عليها رمز w اللي هو بيستحمل سرعة لحد 270 كلم هيكون ثباتها دائما رائع .. لان هيكون في اختلاف في شكل النقشة بين الانواع

يعني لو هتجيب نقشات رياضية جامدة خليك في المركات العالمية المشهورة قوي ... بريدجستون .. ميشلان ... دانلوب ... هانكوك ... بريللي ... الحاجات اللي زي كدا ..... لان شكل النقشة دي بيكون احتكار للشركة المنتجة ليها يعني نقشات بريدجستون الرياضية هتكون غير نقشات ميشلان غير بريللي .......

علشان كدا لازم تفكر في حاجة مشهورة علشان تحس بالفرق الملحوظ ...

انصحك تدور على النت على النقشات الكويسة ....

اهم حاجة بقى ...... اني لا انصحك تغير للمقاس دا خالص ...

اولا هيخلي العربية ناشفة اكتر من الاول والام 11 اساسا ناشفة جدا
ثانيا العربية اصلا راكبلها كاوتش رياضي زي مقاس بي ام دابليو الفئة الثالثة
ثالثا ثبات السيارة اصلا ممتاز ومش شايف له لازم التغيير
رابعا فرق السعر هيكون كبير قوي ( بس مش عارف قد ايه ) لانك هتجيب فردة غير متداولة في السوق قوي
خامسا هيبقى حمل زيادة على السيارة وهتكون اتقل في الطلعة دا غير انها تقيلة اساسا لوحدها

وبالتوفيق ان شاء ....... اسال برضو تاني انت عارف انا هاوي ولست متخصص