ألف مبروك على الفرش يا ريس .... بسم الله ما شاء الله .. شغل جميل
بس مش عارف ليه جينز كار مش بيحط علامة العربية على الفرش .. كل عربية حسب نوعها .. أظن ان هيبقى شكلها احلى بكتير ومش هتكلف كتير يعني
رقم العضوية : 115970
تاريخ التسجيل : 24Oct2011
المشاركات : 1,391
النوع : ذكر
الاقامة : القاهرة
السيارة: كيا ريو 2014
السيارة[2]: هيونداي ماتريكس 2008
الحالة :
بسم الله الرحمن الرحيم
انا قررت النهارده اعمل اول تقرير ليه على المنتدي وقررت انه يكون عن فرش العربيه الجديد اللي انا لسه مركبه من شهر تقريباً والحمد لله شكله زي الفل
البدايه كانت لما قررت اني ادي العربيه حبه اهتمام زياده عشان احس بتجديد في العربيه وبدأت رحلته البحث عن المكان الافضل لفرش سيارتي
الاول رحت غسلت العربيه غسله تمام جداً ونظفت الفرش الاصلي للعربيه كيماوي عشان لما افرش جديد افرش على نضافه
فكرت اول حاجه اروح اسبيركار عشان ابن خالتي فارش سيراتو 2010 من عندوا وبسم الله ما شاء الله الفرش عندوا زي الفل وكان عامله بحوالي 600 جنيه من تقريباً 6 شهور وبصراحه كان ممتاز وشكله نظيف
المهم خد ابن خالتي وطلعنى على سبير كار امتداد رمسيس وقلت اشوف الفرش اللي عندوا بس بصراحه الحاجه معجبتنيش قلت اشوف التقفيل في العربيات اللي كانوا بيقفلوها هناك معجبنيش الشغل خالص تحس ان اللي عمل عربيه ابن خالتي حد تاني خالص
خد ابن خالتي وقلت نروح سبيركار فرع التجمع الخامس ورحت شوفت الفرش اللي هناك كان فيه حاجات احسن شويه ونزلت الجراج اللي بيقفلوا فيه الفرش لقيت بسم الله ما شاء الله عندهم عربيات كتير بتركب فرش وشفت التقفيل لقيته احسن شويه من اللي شفته في فرع امتداد رمسيس بس برضوا مدخلش دماغي المهم اللي حسيته ان في سبيركار انت وحظك ويابختك يا ابو بخيت وانت ونصيبك في العامل اللي هيركبلك الفرش
فكرت شويه وقلت اطلع على علياء لفرش السيارات خالي كان عامل عنده عربيته من كام سنه كده هم صحيح كانوا غاليين بس كان شغلهم تمام جداً
وفعلاً رحت فرع مدينه نصر وورانا عينات الجلد وعينات القماش وورانا صور للشغل اللي هما عاملينه على كذا عربيه بس انا كنت عاوز اشوف حاجه معموله قدام عيني وكان فيه عربيه كيا ريو لسه جديده بتتعمل بس مكانتش لسه خلصت فقلتلوا اني هروح مشاوير وهرجع تاني تكون العربيه اتقفلت واقدر اشوفها بس للاسف لحد ما رحت ورجعت كانت اتسلمت وصاحبها خدها ومشي المهم ان المسؤول هناك وراني الشغل في عربيته صحيح كان واضح انع معمول من فتره بس الشغل كان تمام وقررت اعمل الفرش جلد اسود بخياطه دوبل وقاللي هتكلف 1050 جنيه بعد الفصال وصلوا 950 جنيه واتفقنا اني افوت عليه تاني يوم بدري عشان نبدأ الشغل
روحت بيتنا وبدات دعبسه على النت قولت ادور واشوف صور لفرش السيارات يمكن يجيب لي فكره جديده في لون الفرش المهم مع الدعبسه اتكعبلت في حبه تقارير عن جينز كار من الاعضاء هنا في نايل موتورز ولقيت كميه شكر في الشغل كبيره جداَ ولقيت لينك للويب سايت الخاص بجينز كار ولقيت الصفحه الخاصه بيهم على الفيس بوك المهم قعت يمكن لحد الفجر اتفرج واقرا واشوف صور للشغل بتاعهم وبصراحه كان الشغل بسم الله ما شاء الله يفتح النفس فقررت انه قبل ما اروح لعلياء لازم افوت على جينز كار عشان اخد القرار وقد كان
رحت الصبح على الساعه 11 لجينز كار وشفت العينات هناك ومش عارف ليه استريحت للمكان فقررت اعمل الشغل معاهم وبالفعل اخترت نوع جلد الماني بلون اسود واخترت الخياطه تكون دبل بلون رمادي فاتح عشان عندي التابلوه اسود في رمادي كانت التكلفه 1500 جنيه وبعد الفصال وصلوا 1400 جنيه حاولت انزل اكتر من كده بس قالولي لما تيجي تركب ان شاء الله ممكن تتكلم مع الحاج احمد هو اللي ممكن يعملك خصم اكبر
وكنت متخيل اني هبدأ شغل على طول بس اكتشفت اني هاخد معاد لسه وهاجي في يوم تاني
المهم اتفقنا اني اروح يوم الجمعه كمان اسبوعين
المهم روحت على معادي وبدأ الشغل في العربيه من الساعه 1.30 بعد صلاه الجمعه وخلصت تقريباً على الساعه 6.30 مساءً طبعاً الساعات دي عدت عليا ولا كانها قرن من الزمان عشان كنت متشوق اشوف العربيه في النيولوك الجديد بس الحمد لله الشغل طلع تمام جداً قلت اجرب اتكلم معاهم في السعر زي ما قالولي وبصراحه كنت متخيل انها محاوله فاشله لانهم خلاص ركبوا وخلصوا فخلاص انتهى وقت الفصال بس قلت مفيش مانع اجرب وبصراحه فاجؤونيباحترامهم الزائد وفعلا نزلوا في السعر 100 جنيه كمان فبقى الاجمالي 1300 جنيه والحمد لله
انا مش هتكلم عن راي في الشغل كتير لانكم هتشوفوها في الصور وممكن تقرروا انتم بس لازم اشكرهم على تعاملهم الراقي واحترامهم للعميل وعجبني منهم كمان انهم عملوا فرش جلد لشنطه العربيه وكسوه جلد للهاند بريك هديه من عندهم غير انهم ادوني معطر وفوطه لمسح التابلوه (هم طبعاً كقيمه ماديه ولا حاجه بس هو بيدي احساس باحترامهم للعميل)
بس خلاصه التجربه دي ان سبير كار كويس في حدود سعره بس مش جامد ومش هيديني احساس الفرش الاصلي
اما جينز كار شغلهم زي الفل بس بصراحه مش قادر احدد هل يستحق الفرق في السعر بينه وبين علياء ولا لأ بس انا خت القرار ده وقلت حتى لو فيه فرق بسيط في الشغل بين الاتنين فمش مشكله نعمل عند جينز كار حتى لو الفرق بسيط في المستوى لأن انا مش هغير فرش كل يوم فبلاش اوفر في الفرش بس بنصح اي حد هيفرش يقارن بين الاتنين بنفسه ويشوف شغلهم هما الاتنين عشان يقدر يحدد الانسب ليه
اسيبكم بقى مع الصور ومستني رايكم في الشغل ولو حد يعرف اماكن تانيه على نفس المستوى او احسن ياريت يقولنا عنها
صور ما قبل الفرش الجديد
http://nileup.com/up/watermark.php?s...652421.jpg&p=c
http://nileup.com/up/watermark.php?s...652421.jpg&p=c
http://nileup.com/up/watermark.php?s...654611.jpg&p=c
http://nileup.com/up/watermark.php?s...654612.jpg&p=c
http://nileup.com/up/watermark.php?s...659301.jpg&p=c
http://nileup.com/up/watermark.php?s...659312.jpg&p=c
http://nileup.com/up/watermark.php?s...659323.jpg&p=c
صور الفرش الجديد
http://nileup.com/up/watermark.php?s...662421.jpg&p=c
http://nileup.com/up/watermark.php?s...662422.jpg&p=c
http://nileup.com/up/watermark.php?s...662433.jpg&p=c
http://nileup.com/up/watermark.php?s...662434.jpg&p=c
http://nileup.com/up/watermark.php?s...664271.jpg&p=c
http://nileup.com/up/watermark.php?s...664272.jpg&p=c
http://nileup.com/up/watermark.php?s...673241.jpg&p=c
http://nileup.com/up/watermark.php?s...673252.jpg&p=c
http://nileup.com/up/watermark.php?s...673253.jpg&p=c
http://nileup.com/up/watermark.php?s...678981.jpg&p=c
http://nileup.com/up/watermark.php?s...678992.jpg&p=c
أنا سعيد انك سألتني السؤال ده
محمد كُريم
رقم العضوية : 135785
تاريخ التسجيل : 28Feb2013
المشاركات : 382
النوع : ذكر
الاقامة : المنوفية
السيارة: Nissan Sunny super saloon 2013
السيارة[2]: 1963 VW Beetle
الحالة :
ألف مبروك على الفرش يا ريس .... بسم الله ما شاء الله .. شغل جميل
بس مش عارف ليه جينز كار مش بيحط علامة العربية على الفرش .. كل عربية حسب نوعها .. أظن ان هيبقى شكلها احلى بكتير ومش هتكلف كتير يعني
رقم العضوية : 129825
تاريخ التسجيل : 30Sep2012
المشاركات : 637
النوع : ذكر
الاقامة : القاهرة -شبرا مصر
السيارة: مفيش بعد الالفا
السيارة[2]: ألفا روميو 146
دراجة بخارية: no
الحالة :
الف مبروك على الفرش الجديد فعلا الشغل بسم الله ما شاء الله باين الجودة بتاعته واسم جينز كار معروف طبعا
أحمد بهاء الدين
https://www.facebook.com/eldiesel2020
رقم العضوية : 24342
تاريخ التسجيل : 06Nov2008
المشاركات : 1,357
النوع : ذكر
الاقامة : في صالون العربية
السيارة: يارب ان شاء الله ix35
السيارة[2]: بفضل الله ماتريكس
دراجة بخارية: no
الحالة :
بسم الله ما شاء الله شغل محترم من ناس محترمين بس فعلا ياريت الحاج احمد بامر الله يشوف موضوع اللوجو على الفرش
يارب سترك وعفوك ورضاك " احد أعمالي "
[img2]http://nileup.com/up/uploads/nilemotors_13886239901.jpg[/img2]
رقم العضوية : 47609
تاريخ التسجيل : 19Sep2009
المشاركات : 2,135
النوع : ذكر
الاقامة : cairo
السيارة: no
السيارة[2]: no
دراجة بخارية: no
الحالة :
الف مبروك على الفرش
رقم العضوية : 137443
تاريخ التسجيل : 27Mar2013
المشاركات : 418
النوع : ذكر
الاقامة : القاهرة
السيارة: هيونداى i10
السيارة[2]: Hyundai Accent RB
الحالة :
يااااااه يا عبد الصمد ! انا مستنى التقرير ده من زماااااااان من ساعة ما اتكلمنا لو تفتكر :d
بس بجد ما شاء الله و الف الف الف مبروووووووك و انا قريب هحصلك و اعمل فرش عندهم عشان الاكسنت بتاعتى نزلت الخدمة مشاوير يوميا بقى ف عاوز الحق الفرش قبل مبهدله و بصراحة الكرسى مش مريح اوى ف اتمنى الفرش يظبط الحتة دى شوية
م/محمود طنطاوى
رقم العضوية : 115970
تاريخ التسجيل : 24Oct2011
المشاركات : 1,391
النوع : ذكر
الاقامة : القاهرة
السيارة: كيا ريو 2014
السيارة[2]: هيونداي ماتريكس 2008
الحالة :
شكراً ليكم كلكم والحمد لله انه طلع شكله حلو
موضوع اللوجو اللي يتعمل على الفرش كان في دماغي جداً وكان في دماغي حاجات اكتر من كده وكنت بفكر اتناقش معاهم في امكانيه تنفيذها بس قلت بلاش لحسن الموضوع يبوظ في التنفيذ والبس انا اللي هيحصل فقررت ما افتيش كتير واافور في الشغلانه بدل ما تتعك وتبوظ
بس طبعاً انا معاكم في انه لو ضاف اللوجو بشكل شيك على الشغل هيعلى الموضوع كتييييييييييييييييييييييي ييييييييير
أنا سعيد انك سألتني السؤال ده
محمد كُريم
رقم العضوية : 115970
تاريخ التسجيل : 24Oct2011
المشاركات : 1,391
النوع : ذكر
الاقامة : القاهرة
السيارة: كيا ريو 2014
السيارة[2]: هيونداي ماتريكس 2008
الحالة :
يا حبيبي انا عامل التقرير ده من زمن التنين بس كنت واقف على طريقه رفع الصور
طلعت عيني وكمان مطلعتش زي ما انا عاوز كنت عاوز الصور تبقى معروضه على طول في الصفحه مش لينكات بس معرفتش
مش عارف ليه الموضوع ده مكلكع كده (شكله هيطلع اهيف من الهيافه وانا اللي مقفله معايا)
المهم يكون الشغل عجبك يا باشا وعقبال ما اشوف التقرير بتاعك عن الفرش (على الرغم من ان انا لسه على رايي في انك تستمتع بفرش الفبريكه شويه)
أنا سعيد انك سألتني السؤال ده
محمد كُريم
رقم العضوية : 115970
تاريخ التسجيل : 24Oct2011
المشاركات : 1,391
النوع : ذكر
الاقامة : القاهرة
السيارة: كيا ريو 2014
السيارة[2]: هيونداي ماتريكس 2008
الحالة :
محدش يكسب فينا ثواب يا جماعه ويقولينا ازاي نرفع الصور على الصفحه على طول بدل حوار اللينكات ده (بس ياريت يا جماعه بحبه تفصيل)
أنا سعيد انك سألتني السؤال ده
محمد كُريم
رقم العضوية : 137443
تاريخ التسجيل : 27Mar2013
المشاركات : 418
النوع : ذكر
الاقامة : القاهرة
السيارة: هيونداى i10
السيارة[2]: Hyundai Accent RB
الحالة :
المفضلات