الموضوع: افيدونى افادكم الله

انا سعيد بالمنتدى فهو مفيد جدا وخصوصا للمبتدئين فى عالم السيارات مثلى انا اشتريت عربيه لانوس2001 من حوالى شهر وكانت تمام ولكن بعد استعمالى ظهرت لى بعض المشاكل وهى احيانا العربيه كانت بتبطل منى فى المطبات لما اهدى زياده او فى الدوران واحيانا كانت ترجرج السياره فى السلانسيه وممكن تبطل لو شغلت التكييف برده فى السلانسيه المهم غيرت طقم بوجيهات وسلوك بوجيهات وزيت موتور وفلاتر زيت زبنزين (صيانه ) وبعد كده المشكله تتكررت فروحت اعمل عليها اسكان كمبيوتر فقالى حساس بوابه البنزين عايز يتغير وبالفعل غيرته وجبنه استيراد ب100 جنيه المهم العربيه اشتغلت يومين كويسين لحد ممولت تمويله 92 من بنزينه معندهاش ضمير كان عليها جاز العربيه بعد التمويله روحت مشوار والتانى طلعت عينى العربيه ادورها وامشى شويه الاقيها بطلت وادورها وادوس بنزين فى السلانسيه تبطل لوحدها وتطلع دخنه سوداء واحيانا كنت بحس ان الدواسه بتفوت فروحت للميكانيكى قالى البنزين زفت والعربيه حساسه للبنزبن المهم اضطريت اسحب البنزين كله وفعلا كان ريحته جاز وومسحت التانك وحبتلها بنزين غيره المهم المشكله اختفت شويه ورجعت تانى بنفس الطريقه اشيل رجلى من على البنزين تبطل روحت للميكانيكى غيرلى فلتر بنزين وفولتها فبصراحه العربيه اشتغلت تمام معايا ولكن وانا راجع مره واحده عملت نفس الحركه اياها وبطلت ودورت اشتغلت تمام وانا بركن برده نفس الحركه وبطلت ودورتها اشتغلت تمام الجدير بالذكر ان ساعه المشكله بتحصل بلاقى دخنه سوداء وبتختفى لما المشكله تختفى علما بان العربيه بتاكل بنزين بطريقه فظيعه بعض اصدقائى بيقولولى المشكله فى خساس بوابه البنزبن رغم انى مغيره من اسبوع ياريت تساعدونى فى حل هذه المشكله عشان شكلى زهقت من اول شهر