أبو الحسن والمقصات الأسباني المضروبة

**kamanana44** · 29-05-2013 09:46 AM

انا كان عندي مشكلة في المقصات اللي عندي بتدبدب شوية في المطبات وكنت مركبلها جلب gm بس اللي ركبهالي وبنطها ببنط لحام فمعجبنيش الشغل ده ومن ساعتها وانا شايل من المقصات ......
المهم سمعت ودورت وتشاورت اني اغير المقصات واجيبب الأسباني واركبهم وانسي قولت مش مشكلة
روحت جبتهم من ابو الحسن اللي في بين السرايات بتاريخ 9/3/2013 وبعد لما ركبتهم تمام بعديها بحوالي اسبوعين حسيت ان العربية بتعوم جامد قولت مكن يكون زوايا روحت لبتاع الزوايا قالي المقصات تعبانة طبعا انا اتصدمت ومصدقتش سيبتها شوية وبعدين روحت للعفشجي وقولتله يفك المقصات علشان اشوفها فعلا بايظة ولا لأ
لقيت المصيبة ان الجلب كلها بايظة بمعني كلمت بايظة
وطبعا مش عارف الواحد يعمل ايه في ضماير الناس اللي بتبيع حاجه مضروبة وبعدين ديه مقصات اسباني ب480 جنية وقولت الواحد يجيبهم يركبهمم واقعد علي الأقل سنة ولا حاجه لاكن مكملتش الشهرين وتبوظ حرام والله وحسبي الله ونعم الوكيل

**john55** · 29-05-2013 11:19 AM

قطع غيار مضروبه الاسم اسباني لاكن الاصل شوفه ايه صيني السرقه بقت عيني عينك ممكن تلاقي صنع في اسبانيا ومحفوره وزي الاصلي تمام لكنها مضروبه ربنا يحفظنا من قله الضمير

**أحمد جودة** · 29-05-2013 11:19 AM

حسبي الله ونعم الوكيل فى انعدام الضمائر

معلش وقد الله وما شاء فعل

**mahmoud_anwar** · 29-05-2013 12:07 PM

ياباشا والله لما قولت ان ابو الحسن غالي علي الفاضي وكل قطع غيارة هيا هيا الي منتشرة في السوق الكل هاجمني
بص ياباشا اي حاجة مطبوع عليها علاة جي ام عند ابو الحسن ومحل تاني برضة برة مطبوع عليهم جي ام هما هما لي ان كل قطع الغيار الي في السوق وحده ومن مصدر او اتنين بي الكتير بيوزعوهم عليهم
انا عايز اقولك اني مغير قواعد واشتريتهم من عند ابو الحسن والله العربية عماله تتهز اكتر من الاول وفية صوت زي خبطة جيه من نحية القواعد ولسه ركبه مكملتش 3000 الف كيلو
ياباشا كل قطع الغيار مضروبة

**maka** · 29-05-2013 01:57 PM

يا باشا انت تاخدهم و تطلع على ابو الحسن ذنبك ايه فى الليلة دى , كفاية تمن المصنعيات

**blazer** · 29-05-2013 02:17 PM

فيه عضو معانا بيقول انه لسه جايب سير تكييف واتفرتك منه تانى يوم
هو ايه الحكاية يعنى
كل المحلات بقت مضروبه كدا

**ebrahim_mh** · 29-05-2013 04:38 PM

يا جماعة انا صاحب اللى كتب الموضوع ده وانا كنت معاه وقت مافكنا المقص الاسبانى ده للاسف الجلب طالعة بايظة تمامآ واحنا صورنها ومنتظريين من سيته الصور عشان الناس تعرف وتطعظ والله حاجة عجيبة
احنا قولنا خلاص ارتحنا من موضوع جلب النوبيرا ده ولاقينا الحل بس للاسف مافيش ضميير
المقص الاسبانى بتاع ابو الحسن فاااااااااااااااااااااااا اشل فاااااااااااااااااااااااا اااشل

**mahmoudysf** · 29-05-2013 05:38 PM

على كدة الواحد يركب مقصات ctr على الاقل معروفة

**Dr.lancer** · 29-05-2013 05:53 PM

للعلم فقط كنت مغير من عند أبو الحسن ده طقمين مساعدين قبل كده لانوس ، الاتنين الخلفيين باظوا بعد كام شهر و كانت نوعيتهم زفت و استعوضت ربنا فيهم. مش عارف هو كمان اتضحك عليه و مظلوم و لا لا؟ الله اعلم

-

الموضوع: أبو الحسن والمقصات الأسباني المضروبة

LinkBack

أدوات الموضوع

عرض

-

-

-

-

المواضيع المتشابهه

البوجيهات المضروبة

قطع الغيار المضروبة .. تعب نفسى

النهاردة نهاية الدوري الإنجليزي و الأسبوع الجاي نهاية الأسباني و الإيطالي

انا عايز اعرف اية الفرق بين الكبلن والمقصات وشكل كل واحد اية

الكلمات الدلالية لهذا الموضوع

المفضلات

المفضلات

ضوابط المشاركة